Ciclo de concertos “Viae lucenses”

Baixo o nome “Viae lucenses” desenvólvese un ciclo de concertos en distintos puntos da Diocese de Lugo nos que se combina a interpretación vocal coa interpretación de instrumentos (violín, violonchelo, clarinete, órgano). Esta iniciativa musical preséntaa a Diocese e colaboran a Xunta de Galicia a través de Axencia de Turismo e tamén os Concellos onde se realizan os concertos.

Xoves 21 de xullo 2022, 21.00 h Santuario da Nosa Señora do Corpiño

Lidia Basterretxea Vila, soprano

Joaquín Palomares, violín

Joaquín Páll Palomares, violín

Giulio Mercati, órgano positivo

As obras interpretadas son de Bach, Dietrich Buxtehude, Telemann e Haendel

Xoves 28 de xullo 2022, 21.00 h. Igrexa de San Xoán de Portomarín

A violonchelista Alessandra Montani e o organista Fabio Ciofini presentan obras de Telemann, Johann Adam Reincken, Bach, Vivaldi, Francesco Geminiani

Xoves 4 de agosto 2022, 21.00 h. Igrexa de San Pedro de Melide

Son de corda

Esperanza Iglesias, soprano

Carmen Prendes, contralto

Fernando G. Jácome, tenor

Antón Castro, baixo

Díese Ensemble

Iván Martínez Sabio, clarinete

Marcos Castedo de la Fuente, clarinete

Miguel Ángel Díaz Valdés, clarinete

Diego Bermúdez Gato, clarinete

A música que soará será a de Mozart, Tomás Luis de Victoria, Beethoven, Francisco Guerrero, Angelo Inzenga Rameau, anónimo da Catedral de Lugo (Magnificat, 1760)

Xoves 11 de agosto 2022, 20.00 h. Igrexa de Santa María A Real no Cebreiro

Concentus Lucensis e o organista Giulio Mercati tocarán pezas de Bach, Francisco Guerrero, Tomas Luis de Victoria, Gaetano Valerj e Johann Ludwig Krebs.

O Espiritu Santo, Corazón de Deus

Hai verdades cuxo contido non podemos coñecer sen que se nos revele, e aínda revelado non podemos comprender nin explicar. Un destes problemas é a obra do Espírito Santo nas nosas almas. A única maneira de percibir o dinamismo do Espírito en nós, é estudándoo a través dos seus dons e dos seus froitos.

Para facernos comprender en que consiste o don do Espírito, a Escritura Santa, máis que explicarnos conceptos, convídanos a mirar o comportamento de Xesús co seu Pai e connosco.

A revelación, máis que falarnos de ideas, danos exemplaridades, para que as imitemos; e esperta en nós o interese por saborear a sublimidade das cousas sobrenaturais, mirándoas cos ollos do corazón. Así o fixo o Señor. Terminada a obra da creación, mirou todo o que fixera, e exclamou: “Todo é bo, e o home é moi bo”. Esta contemplación do ben que Deus fixera, debe suscitar en nós sentimentos de admiración e gratitude, e estimularnos a protexelos e, na medida que de nós depende, facer que todo o que Deus fixo, creza cuantitativa e cualitativamente. Este foi o encargo que nos fixo o Creador: “Crecede e multiplicádevos…” E para que podamos levalo a bo termo, fíxonos o prezado agasallo da ciencia. Isto non nos prohibe coidar o temor de Deus, que nunca debemos identificar co medo ao mesmo Deus. O medo implica sospeita de presenza de perigo no outro; cousa que xamais é posible pensar de Deus, infinitamente bo e benfeitor.

O que si cabe é o “temor” pola nosa banda, froito do recoñecemento de non saber corresponder aos dons do Señor.

O medo afasta do perigo, en previsión de evitalo. O temor estimula o interese da propia superación para corresponder ao ben recibido. Os dons estimulan a superación para evitar o temor, e axúdannos a tomar conciencia de que estamos en débeda co Señor, e de que saldar débedas é un deber de conciencia, que non debemos esquecer.

Para estimular o cumprimento das nosas obrigacións, Deus rodéanos dun cúmulo de beneficios, chamados dons do Espírito Santo, que crean en nós unha actitude proclive a corresponder a tantos favores recibidos, recoñecéndoos e correspondéndoos cun comportamento grato ao Señor. Este comportamento propio dun bo cristián é o froito do Espírito Santo, regalado do alto, pero está condicionado polas nosas limitacións humanas, como o están as espigas do trigal, pola calidade da terra en que foron sementados os grans e polo clima que acompañou ao gran desde a súa sementa até a súa sazón. Estes condicionantes non os pode esquecer o agricultor, responsable do froito do mañá. Se del dependese o clima, todo o inverno sería primavera, o froito estaría asegurado, e o pan garantido, pero o clima non depende da man do sementador. Da súa man si que depende o fertilizado do campo, o cultivo da terra, a eliminación das alimañas e de todo o que poida entorpecer o normal crecemento da semente.

O sol é indispensable para que o campo produza froito, pero a responsabilidade do hortelán condiciona a abundancia da colleita.

Non botemos balóns fóra: tiremos a porta.

Indalecio Gómez

Cóengo da Catedral

[Artículo en castellano]

Música no Camiño Primitivo

Desde esta semana e ata o 10 de agosto desenvólvese un ciclo de concertos baixo o título “Música no Camiño Primitivo”, concretamente no tramo que pasa polo Concello de Lugo. Esta iniciativa musical preséntana a Diocese e a Alcaldía de Lugo e colabora a Xunta de Galicia a través de Xacobeo 21-22. O primeiro concerto será o venres 15 de xullo ás 21 h na Capela do Carme.

Actuarán:

  • Solo Voces (dirixido por Fernando Gómez Jácome)
  • Giuseppe Nova, frauta
  • Giulio Mercati, órgano positivo

Interpretarán obras de Händel, Bruckner, Johann Sebastian Bach, Jehan Alain, Jouzas Naujalis, Carl Philipp Emanuel Bach, Xoán Montes e Mozart.

Os outro concertos serán:

Mércores 20 de xullo 2022, 20.30 h

Igrexa Parroquial de San Miguel de Bacurín

Lidia Basterretxea Vila, soprano

Joaquín Palomares, violín

Joaquín Páll Palomares, violín

Giulio Mercati, órgano positivo

Interpretarán pezas de Bach, Dietrich Buxtehude, Telemann e Haendel.

Mércores 27 de xullo 2022, 21.00 h

Igrexa Parroquial de San Vicente do Burgo

Alessandra Montani ao violonchelo e Fabio Ciofini ao órgano positivo interpretarán obras de Telemann, Johann Adam Reincken, Bach, Vivaldi e Francesco Geminiani

Mércores 3 de agosto 2022, 21.00 h

Igrexa Parroquial de San Martiño de Poutomillos

O grupo vocal Son de corda e o cuarteto de clarinetistas Díese Ensemble interpretarán temas de Mozart, Tomás Luis de Victoria, Beethoven, Francisco Guerrero, Angelo Inzenga Rameau, anónimo da Catedral de Lugo (Magnificat, 1760)

Mércores 10 de Agosto 2022, 21.00 h

Lugo – Catedral de Santa María

O organista Roman Perucki e o grupo vocal Concentus Lucensis interpretarán obras de Olivaer Tabulatur, Francisco Guerrero, Daniel Magnus Gronau, Tomas Luis de Victoria, Johann Sebastian Bach, Alexandre Guilmant, Marco Enrico Bossi e Zbigniew Kruczek.

[Programas]

Encontro interdiocesano de pastoral familiar

Santiago acolleu o 6 de xullo un encontro dos representantes das delegacións de Familia, Centros de Orientación Familiar diocesanos, institucións de apoio á familia ou ao menor dependentes das dioceses de Galicia, e do Servizo pastoral interdiocesano de atención a menores, persoas vulnerables e as súas familias.

O obxectivo desta reunión, convocada polo bispo responsable da pastoral familiar en Galicia e auxiliar de Santiago, Mons. Francisco José Prieto, era a de xerar un espazo de encontro e reflexión conxunto para articular actuacións que melloren a acollida, escoita e acompañamento ás familias, e todas as súas realidades.

Aínda que cada diocese conta con distintos recursos e proxectos no ámbito familiar, os bispos da Provincia Eclesiástica pretenden dar un paso máis e sumar recursos en clave de “sinodalidade interdiocesana” coa intención de dar resposta, dun xeito coordinado, ás necesidades de apoio que necesitan as familias no ámbito formativo, terapéutico ou de acompañamento pastoral.

Nesta primeira reunión de traballo explicáronse as claves desta rede de traballo e puxéronse en común os distintos servizos existentes xa nas dioceses coa finalidade de analizar os recursos de que se dispoñen e as necesidades ás que é nece sario facer fronte. Esta actuación inicial marca un punto de partida do traballo que se levará a cabo nos seguintes meses para elaborar unha proposta interdiocesana concreta e a posterior creación dun equipo coordinador.

Novena na honra da Virxe do Carme en Lugo

Entre os días 8 e 16 de xullo a Capela do Carme (Lugo) acolle a Novena na honra da Benaventurada Virxe do Monte Carmelo.

O día 8 predica a Novena o Sr. Bispo Mons. Alfonso Carrasco. O resto dos días farao o sacerdote de Santiago a Nova, Daniel Gil.

Horario

Haberá misas todos os días ás 9 da mañá e ás 19,30 h rosario, novena e misa.

O día da patroa (día 16) haberá misas ás 9, 10, 11 e 12 h da mañá. A esa hora será a misa solemne e tras a súa conclusión quedará exposto o Santísimo. Pola tarde haberá rosario, novena e misa a partir das 19,30. Ao finalizar a misa haberá procesión.

O día 17 celébrase unha misa ás 19,30 h polos confrades defuntos.

Durante o mes de xullo a capela permanece aberta todos os días da semana excepto os luns en horario de 11 a 13 e de 17 a 20 h.

A %d blogueros les gusta esto: