Alejandro Asorey fala da procesión do Santo Encontro en Taboada

Miguel Ángel Álvarez fíxolle unha entrevista a Alejandro Asorey sobre a Semana Santa en Taboada para o programa de Cope Lugo “El Espejo de la Iglesia” (31 / 03 / 2023) e transcríbese aquí:

– Esta semana estiveches en Sevilla

– Si, fomos tres persoas a buscar unha imaxe de Xesús Nazareno. En Taboada fai algo máis dun mes, un grupo de persoas creamos a Confraría do Santo Encontro e decidimos comprar unha imaxe. Atopamos un escultor en Sevilla, encargámoslle a imaxe e fomos a buscala.

– Foi doado o proceso de encargala nun mes?

– O escultor díxonos que era pouco tempo, pero pedímoslle por favor que desexabamos saír en procesión xa este ano. O día que recolliamos a imaxe en Sevilla pensabamos saír dalí pola mañá pero tivemos que saír pola tarde, para que estivese definitivamente rematada a escultura.

– Como xorde a idea de fundar unha confraría?

– A min sempre me encantaron as procesións de Semana Santa. Son unha forma de atraer á xente a Deus e á Igrexa. Nun grupo de persoas da parroquia deixei caer a idea da confraría e pareceulles estupenda, animámonos e temos moita ilusión en procesionar esta Semana Santa.

– Como se afrontan os gastos da imaxe e da confraría para empezar a funcionar todo?

– Para comezar algo como isto, os gastos son moitos. Para poder encargar a Os membros da directiva puxemos a metade do custo da imaxe, como un préstamo á confraría. Despois, coas cotas de 20 € dos confrades, que estamos chegando aos douscentos membros. Tamén houbo axudas de particulares e do Concello.

– Como vai ser a primeira procesión?

– Sairemos na noite do Venres Santo coa imaxe de Xesús Nazareno. Como non tiñamos imaxe da Virxe Dolorosa, a parroquia de San Martiño prestounos a imaxe da súa patroa para procesionar. Porque a confraría non é só da parroquia de Taboada, senón que todo o concello formase parte.

A Xove Orquestra de Lugo Terra Nova interpreta “Stabat Mater” de Haydn

O  sábado 1 de abril ás 18:30 h na Catedral a Xove Orquestra de Lugo Terra Nova interpretará “Stabat Mater” de F. J. Haydn e o domingo 2 de abril na igrexa de San Pedro de Lugo ás 20 h. A dirección musical corre a cargo de Nicolás Ravelli Barreiro. Ademais de membros do Coro Xove de Lugo, tamén intervirán membros do Coro Colexio Fingoi, Cantar Delas, Sólo Voces e Coro do Hospital de Lugo.  Actuarán 3 sopranos solistas: Paloma Suanzes, Elsa Roldán e Emilia Pérez, dúas MezzoSopranos: Carolina Bardas e Andrea Rey Gil e como voces solistas masculinas: Luis Barrios, Lucas López e Pablo Nieves

Centenario da morte de Javier Vales Faílde, destacado eclesiástico

Francisco Javier Manuel Andrés Vales Faílde naceu no ano 1872 en san Salvador de Camba (Rodeiro) e faleceu hai 100 anos, o 30 de marzo de 1923.

Estuda Teoloxía en Tui e Dereito na Universidade de Santiago de Compostela, este sacerdote, avogado e sociólogo, foi o confesor de Alfonso XIII e da raíña Victoria Eugenia, preceptor do príncipe de Asturias e as infantas, académico e conferenciante. Escribiu unha das primeiras biografías de Rosalía de Castro.

Foi vicario xeral de Madrid, onde dirixe a revista Galicia xunto a Basilio Álvarez e Manuel Vidal Rodríguez. Tamén colabora na Revista Social e noutros xornais católicos galegos. Foi membro da Academia de Ciencias Morais e Políticas, Correspondente da Real Academia da Historia e Vicepresidente da Real Academia de Xurisprudencia. Foi provisor, xuíz eclesiástico, auditor del Tribunal Supremo de la Rota.

Algunhas obras escritas por Javier Vales. Biblioteca do Seminario de Lugo

Pregón de Semana Santa en Lugo

O pregón de Semana Santa de Lugo foi pronunciado polo Xefe de Zona da Garda Civil da Comunidade Autónoma de Galicia Miguel Ángel González Arias. Foi o mércores 29 de marzo no Salón Rexio do Círculo das Artes.

Miguel Ángel González foi intercalando vivencias persoais con cuestións históricas. Entre as primeiras, a celebración do Domingo de Ramos en Santo Estevo de Furís (Castroverde), a festa de San Lázaro da Ponte (Lugo), a súa participación na procesión da Borriquiña (Lugo), a procesión do Santo Cristo do Perdón… Entre as cuestións históricas, a figura de Narciso Gómez Luque nomeado en 1903 cóengo de Lugo por “méritos de guerra”. Caso único na historia da Igrexa e da Garda Civil. O seu corpo descansa no claustro da Catedral.

O pregoeiro tivo unha lembranza a José Luis Cancela Rodríguez, que fora irmán maior da confraría do Cristo do Perdón.

Antes do pregón actuou o Orfeón Lucense, dirixido por Marcos Manuel Fernández. O coro estivo acompañado polo organista Nacho Samena.

[Texto do pregón]

Apóstolos da rúa

O Congreso Nacional de Irmandades e Confrarías de Semana Santa, celebrado na cidade e diocese de Barbastro, no mes de febreiro, definiuse ás Confrarías, e máis concretamente aos confrades, como “apóstolos da rúa”.

Paréceme unha definición lúcida e expresiva para esclarecer a identidade actual dos confrades e das Confrarías, que asume a invitación do Papa a ser Igrexa en saída. Como apóstolo entendemos á testemuña, ao “enviado” a anunciar e vivir o evanxeo. Iso significa a palabra apóstolo. Confrade é, pois, a testemuña de Xesucristo e da Igrexa, que, dando por verdadeira a súa coherencia fe e vida, maniféstao concretamente na rúa. Cando se recorta ou se discute a presenza relixiosa nos ambientes públicos e preténdese recluír á clandestinidade e ao silencio a vida cristiá, os confrades, e as Confrarías, portan público testemuño da súa fe e amor a Deus. “Só desde a fe enténdese a Semana Santa na súa integridade e só con fe poden vivirse estes días santos como confrade”, escribiu Monseñor Sánchez Monje, sendo bispo en Mondoñedo.

En Semana Santa abundan imaxes de xentes que fan o seu descanso nas praias, fan turismo evasivo ou se achegan, curiosos, aos desfiles procesionais desde o interese cultural ou simplemente estético e costumista.

Pero hai outra maneira de celebrar a Paixón, Morte e Resurrección de Xesucristo. É a maneira “confrade”. A Semana Santa confrade busca encher da luz da fe as rúas escuras da vida e facer palpitar, con ardoroso entusiasmo, ao corazón crente ou ao simple espectador afastado. Verdadeiramente, é isto o máis valioso do confrade na rúa: mover o corazón, espertar os sentidos, tocar a alma e axudar a crer. Evanxelizar.

Cristos, Virxes, escenas bíblicas… son portados con fe no foro público. As procesións son manifestacións públicas da fe, “escolas populares da fe para os fieis e talleres de santidade para os confrades”, escribiu Benedito XVI. Por iso é polo que deben acompañar claramente a experiencia de fe e amor de quen portan e veneran como confrades esas imaxes da piedade cristiá. Cada Confraría exterioriza a verdadeira relixiosidade popular, catequese en acción que revela o testemuño vivo do amor de Cristo na súa Morte e Resurrección, e o da súa Santísima Nai.

Reforcemos as nosas confrarías, participemos nelas, coidémolas, porque “sendo fermento e fermento evanxélico difundides a mensaxe da salvación, e fortalecendo a presenza confesante na vida pública, con coraxe e sen complexos, podedes achegar unha extraordinaria riqueza á Nova Evanxelización.” (Benedito XVI). Esa é a meta da Semana Santa confrade e da vida confrade.

Daniel García

Párroco de San Lourenzo de Albeiros e San Xosé das Gándaras

[Artículo en castellano]

A %d blogueros les gusta esto: