O bispado de Lugo amosa o seu apoio á ONG AXUNICA

O arcebispo de Managua, o cardeal Leopoldo José Breznez, exhortou aos católicos a orar por Nicaragua «para que todos sexamos constructores de paz».

O bispado de Lugo manifesta o seu apoio á ONG lucense AXUNICA na súa loita pola paz e a concordia en Nicaragua. Asimesmo, agradece o traballo destas persoas no seu empeño porque se acade a liberdade e as estruturas xustas nese país suramericano.

Acolléndose á exhortación do cardeal Leopoldo José Bresnes, o bispado desta diocese pide aos fieis que non desistan na súa pregaria a Deus pola paz en Nicaragua e no mundo enteiro.

Camiño de Santiago organizado pola Parroquia de San Antonio de Padua (Lugo)

A Parroquia de San Antonio de Padua (Lugo) organiza unha peregrinación a Santiago de Compostela polo Camiño Francés. Un sábado ao mes faise unha etapa. Comezarán en O Cebreiro o 23 de novembro.

As etapas previstas son as seguintes:

· 23 novembro 2019: O Cebreiro – O Biduedo (14,4 km.)

· 14 de decembro 2019: O Biduedo – Montán (14,2 km.)

· 11 de xaneiro de 2020: Montán – Mosteiro (15,1 km.)

· 1 de febreiro de 2020: Mosteiro – Portomarín (15,2 km.)

· 29 de febreiro de 2020: Portomarín – Ligonde (16,5 km.)

· 28 de marzo de 2020: Ligonde – O Coto (17 km.)

· 18 de abril de 2020: O Coto – Ribadiso de Abaixo (17,3 km.)

· 16 de maio de 2020: Ribadiso de Abaixo – A Brea (14 km.)

· 27 de xuño de 2020: A Brea – Monte do Gozo (21,4 km.) (pernocta)

· 28 de xuño de 2020: Monte do Gozo – Santiago de Compostela (4,5 km.)

      12:00 h Misa do Peregrino na Catedral de Santiago.

Música na Catedral de Lugo

O venres 22 de novembro, festividade de Santa Icía, patroa da música, na Eucaristía das 20 h da Catedral intervirán distintos coros da cidade. Os participantes son: Cantar Delas, Conxunto Vocal Lugh, Coral Amigos do Camiño, Coral Ecos do Miño, Coral do Hospital Xeral Calde, Coral Xolda, Coro de Fingoi, Grupo Vocal Solo Voces, Orfeón Lucense, Orfeón Xoán Montes e a Schola Gregoriana Lucensis.

Outro ano que remata

Si, así é: outro ano que remata. Este domingo é o día de Xesucristo, Rei do Universo, e con esta celebración pomos fin ao ano cristián, que non ao civil.

O ano litúrxico é a gran oportunidade que temos os cristiáns de ir configurándonos con Xesucristo, á vez que celebramos os distintos momentos da súa vida na terra coa esperanza de participar tamén un día da súa resurrección.

As persoas adoitamos marcarnos metas cando comeza un novo ano ou curso. Pero os cristiáns só temos un obxectivo para cada novo ano litúrxico que comeza: parecernos cada vez máis a Xesucristo.

Neste último día do ano contemplamos a Xesucristo como Rei do Universo. A Igrexa pono por riba do meirande que coñecemos, o universo, do que aínda non sabemos os seus límites, pero sexan cales sexan, Xesucristo sempre será superior.

Este Rei que agora contemplamos, como vos dicía, no máis alto do universo e vencedor da morte, foi quen antes se fixo moi pequeno e humilde para poder salvarnos. Abonda lembrar como foi o seu nacemento na pobreza, e o abandono que sufriu na cruz, despois de todos os desprezos recibidos.

Miguel Ángel Álvarez

Párroco da Fonsagrada

[Texto original]

Novenas na honra da Virxe Milagrosa

A Parroquia de San Froilán (Lugo) celebra até o 27 de novembro unha solemne Novena na honra da Santísima Virxe da Medalla Milagrosa, que preside o reitor do Seminario D. David Varela.

O horario é o seguinte:

19:15 h Santo Rosario e exercicio piadoso da Novena

19:30 h Celebración eucarística

O día 27, festa da Virxe da Medalla Milagrosa, celébrase Misa solemne ás 19:30 h.

Pola súa parte, na igrexa da Milagrosa (Lugo) celébrase do 19 ao 27 de novembro a Novena na honra da Virxe Milagrosa:

– Rezo do Santo Rosario ás 19:00 h. (Domingos ás 18:00)

– Eucaristía ás 19:30 h (Domingos as 18:30)

– Exposición do Santísimo despois da Misa: martes 19, venres 22 e martes 26

– Confesións de 19 a 19:30 h (Domingos de 18 a 18:30).

– Ofrenda Floral á Virxe o 27 de novembro

A %d blogueros les gusta esto: