Revisión da campaña de reestructuración parroquial

20140529-132301-48181165.jpg20140529-132240-48160532.jpg
O Vicario de Pastoral, Luis Manuel Rodríguez Pérez convocou unha reunión de avaliación da campaña de reestructuración parroquial levada a cabo na Diocese de Lugo durante a Coresma. Neste tempo distribuíronse por todas as parroquias 30.000 trípticos informativos plantexando a nova realidade da igrexa lucense e as propostas de reforzo e reanimación das comunidades rurais mediante un proyecto de agrupación de fieis de parroquias cercanas para vivir mellor a fe en comunidades máis amplas.

Neste proceso de revisión da campaña, as dificultades atopadas coincidiron básicamente na problemática de ter que desplazarse a unha parroquia cercana, ainda que esta diste só 1 km da propia. A pesar de todo, os fieis entenden perfectamente que é necesario facer estes cambios. Tamén é verdade que son casos cada vez máis frecuentes os fregreses que se dezprazan os domingos á misa a unha parroquia cercana, como de feito o están a facer cando van os funerais ou a outras misas de defuntos noutra parroquia distinta a súa.

Os sacerdotes expuxeron ante os fieis os novos plantexamentos recalcando que o sacerdote era a única presenta dinamizadora nas parroquias rurais cando noutros estamentos se abandonou o campo hai décadas. Recalcouse igualmente a necesidade de recuperar o sentido do domingo, o reunirse para celebrar a fe todos as semanas e non contentarse cunha Eucaristía cada quince días ou unha vez o mes. Neste senso sería boa a incorporación de laicos comprometidos que acompañasen a comunidades dirixindo a oración.

Finalizou a reunión recapitulando as ideas básicas da campaña e acordando dar os pasos necesarios para superar os problemas atopados. Todo isto pasa pola pastoral de conxunto, a maior relación entre os sacerdotes entre sí de destes cos laicos, buscando todos lavar a cabo o obxectivo común de evanxelización, de profundizar na fe e de manifestar públicamente o compromiso cristiano ante a sociedade.

 

Ciclo de conferencias sobre as persoas que coidan a dependentes

Copia de Ciclo conferencias coidadores día 30

 O Centro de Orientación Familiar Diocesano, en colaboración co Concello de Lugo, organiza no Centro social Uxío Novoneyra ás 18h un ciclo de conferencias de especial interese para quen teña ao seu cargo persoas  dependentes. O programa é o seguinte:

30 de maio:

O coidador na encrucillada: entre o amor, a rabia, o deber e a culpa

Relator: Martiño Rodríguez González. Psicólogo, Terapeuta Familiar e Director do COF Diocesano de Lugo

6 de xuño:

Orientacións sobre o aseo, a alimentación e o coidado da persoa dependente

Relatora: Sonia Abeledo Sánchez. Educadora Social, Auxiliar de Enfermaría e formadora en atención á discapacidade, terceira idade e saúde.

20 de xuño:

Coidar coidándose. Reflexións sobre a síndrome do coidador queimado, a comunicación e a autoestima

Relatora: Noemí Devesa Montouto. Psicóloga, Diplomada en Maxisterio e formadora en temas de dependencia.

27 de xuño

A asistencia na vellez: a que recursos e apoios podo acceder?

Relator: Manuel Pérez Puente, Director do Centro de Día ABRITE

4 xullo:

Reflexións sobre o Alzheimer e outras demencias, e coloquio aberto cun xeriatra experimentado

Relator: Manuel Melero Brezo, Médico especialista en xeriatría

Peregrinación xuvenil ao santuario do Faro

Copia de Peregrinacion Faro 2014

Os primeiros participantes veranse o venres 30 de maio ás 7 da tarde en Chantada, alí presentaranse e despois de cear irán a un concerto que está preparado por Pascua Xove; ao terminar vaise ao pavillón de deportes que será o aloxamento.

Ao día seguinte, sábado, tras o almorzo; haberá exposición dun tema (sentido da vida)e reunión por grupos; despois irase en bus até o lugar onde se comeza a camiñar cara ao Faro; alí haberá música, diversión, oración, confesións e ao finalizar a xornada a Misa presidida polo bispo Don Alfonso Carrasco Rouco.

[Máis información]

Agradecemento de Cáritas diocesana de Lugo a institucións de iniciativa social

Recoñecemento-de-Cáritas-a-asociacións

O 27 de maio ás 12 h nos locais de Cáritas diocesana de Lugo (avda. Américas, 93-97) o director de Cáritas, Ginés Plaza Fernández, fixo entrega da figura conmemorativa con motivo do 50 aniversario de Caritas Diocesana de Lugo a varias entidades de iniciativa social que colaboran ou colaboraron en favor das persoas máis desfavorecidas da Diocese.

As entidades son as seguintes: Cruz Vermella; Ateibo; Fundación Juan Soñador; Auxilia; Aspnais; Cogami; Asociación Down; Secretariado Xitano; ASFEM; Aliad Utreia; Asociación Dignidade; Fundación Meniños; Asociación de Promoción e Integración Xitana; Centro para o Desenvolvemento Rural Ancares; Asociación de Viúvas Julia Minguillón.

[Ver vídeo]

Terceira sesión do Curso de formación en matrimonio e familia

Curso formación matrimonio e familia

O día 24 en Silleda tivo lugar a terceira sesión do Curso de formación en matrimonio e familia. A relatora principal foi Begoña Ruiz Pereda. Licenciada en Ciencias Relixiosas, Begoña Ruiz pertence á Fraternidad Seglar en el Corazón de Cristo e na Fundación Desarrollo y Persona  é responsable de Formación do proxecto educativo Aprendamos a amar. Begoña Ruiz ten interese en que a búsqueda de parella se faga con menos ansiedade e con máis liberdade.

No transcurso da súa intervención, referiuse a Adán e Eva e das leccións que se poden obter da súa vida:

“Ao descubrir a súa vocación ao amor, Adán ten a posibilidade de coñecer a Deus dunha maneira como antes non o coñecía. O home coñecía a Deus como creador (deu a vida), como lexislador (deulle a norma) pero non tiña unha intimidade forte no trato con Deus. Pero agora ao descubrir que o corpo sexuado chama á unidade da carne co outro e esta unidade non é simplemente algo físico senón que é espiritual, descúbrese como un don para o outro e viceversa. Descúbrese que Deus é a fonte de todo don, de todo amor.  Cando viven a súa vocación ao amor Adán e Eva, descobren que detrás da súa vida, detrás da súa vocación hai unha bendición de Deus. Por iso Deus fainos fecundos”.

%d bloggers like this: