Curso de Música Litúrxica do Corpus Christi

A segunda edición do Curso de Música Litúrxica do Corpus Christi celebraráse na cidade de Lugo do 4 ao 9 de xullo de 2017.

Organízao a Delegación de Liturxia da Diocese de Lugo e o Centro Eucarístico Lucense. O curso ten tres modalidades: órgano, dirección coral e canto. É posible cursar dúas modalidades, indicando unha das dúas como preferente, podendo ser cursadas ambas sempre que o permitan as posibilidades organizativas. Está dirixido a directores de formacións vocais, organistas, cantores, monitores, etc.

A clausura do Curso será cunha actuación o día 9 de xullo na Catedral de Lugo.

[Máis información]

Concerto de música góspel

O 7 de maio ás 18h na igrexa de Santiago A Nova hai un concerto de góspel a cargo do grupo Aba Taano, conformado por unha mezzosoprano, un barítono e tres baixos. Estes cantantes cantarán en zulú, swahili, luganda ou runyancore e tamén interpretarán góspel tradicional en inglés e pop á vez que bailan coreografías preparadas por eles mesmos. Os concertos de Aba Taano están sempre impregnados de pureza, forza e entusiasmo e as súas voces son excepcións e emocionan a todo tipo de audiencia.

Cos seus concertos axudan a financiar o proxecto humanitario de Música Para Salvar Vidas, cuxo labor é axudar a que nenos orfos procedentes de Uganda poidan labrar o seu futuro por medio da música e a danza. O concerto deste domingo é de entrada libre e ao final pode deixarse unha colaboración económica.

Os músicos do grupo Aba Taano percorreron moitos auditorios de España co coro Uganda Natumayini, logo co Omutima Gwa Afrika e actualmente coa actual formación (Aba Taano).

Concerto na Catedral “Aquesto foi en Galiza. Cantigas arredor da Eucaristía”

O 22 de decembro ás 19h na Catedral hai un concerto do grupo de música Antiga 1500 con motivo da renovación do privilexio da indulxencia plenaria cotiá e perpetua na sé lucense.

O programa musical fundaméntase nas Cantigas de Santa María, do obradoiro de Afonso X o Sabio, e na Eucaristía. Inclúese unha referencia á basílica lucense, pois unha das cantigas que se interpretará será a número 77, que narra un milagre da Virxe feito na Catedral. Tamén se poderá escoitar un Ave verum polifónico, dos primeiros que se compuxeron.

Os intérpretes, con instrumentos de época, son: María Giménez, voz e percusións; Belén Bermejo, voz e órgano percutido; Víctor Blanco, guitarra renacentista, harpa; Roberto Santamarina, fídulas e Andrés Díaz, viola de man, frautas e dirección.

Despois de este acto cultural será o Xoves Eucarístico, cunha Eucaristía de acción de grazas, ás 20h.

[Ver programa do concerto]

Concertos solidarios nas parroquias da cidade de Lugo

polifonia-por-kilos-wp

As corais de Lugo capital axudan aos máis necesitados da cidade, organizando unha serie de concertos solidarios denominados Polifonía por Kilos. Comezaron a pasada fin de semana na igrexa de San Francisco Xavier e seguirán nestoutras parroquias:

  • Centro parroquial As Fontiñas o 3 de decembro ás 18:30h os coros Xeral Calde e Lugh actúan no centro parroquial As Fontiñas.
  • Parroquia Sagrado Corazón o 4 de decembro ás 12h, co coro Cantardelas (Misa) e Orfeón Xoán Montes (concerto)
  • Parroquia San Antonio de Padua o 8 de decembro ás 12h: Coro San Antonio (Misa) e Coro Ecos do Miño Astelu (concerto)
  • Parroquia San Froilán o 10 de decembro ás 20:30h: Coro Ecos do Miño Astelu (Misa) e Coro Amigos del Camino (concerto)
  • Parroquia A Milagrosa o 11 de decembro ás 12:30h: Orfeón Xoán Montes (Misa) e Coro Xolda (concerto)
  • Parroquia San Lourenzo de Albeiros o 18 de decembro ás 12:45 h: Schola Gregoriana (Misa) e Coro San Antonio (concerto)

Aos asistentes só se lles pide que acheguen alimentos non perecedoiros, que logo serán repartidos na mesma Parroquia entre as familias máis necesitadas.

Eucaristía solemne en honra de santa Icía

scecilia-copia

 O martes 22 de novembro ás 20h na Santa Igrexa Catedral Basilica de Lugo hai unha Eucaristía solemne en honra de santa Icía, patrona dos músicos. Intervirán as seguintes agrupacións de música vocal:

  • Cantar Delas
  • Coral Xeral Calde
  • Coral Lugh
  • Coral Xolda
  • Orfeón Lucense
  • Orfeón Xoán Montes
  • Scholla Gregoriana Lucensis

 Había en Lugo unha tradición, que agora recupera o Cabido da Catedral, de que no día da patrona dos músicos, estes participen nun acto eclesial para honrar á santa.

%d bloggers like this: