Lugo

Entrega dos I premios da Caridade

Nun acto presidido por Mons. Alfonso Carrasco o 30 de maio no Seminario, Cáritas Lugo fixo entrega dos I premios da Caridade aos nenos e mozos que participaron realizando traballos (debuxos, maquetas, curtas e poesías). Participaron 1066 escolares de distintos colexios.

Os premiados foron os seguintes:

– Infantil. Premio Individual: Gabi Herrera Gómez. 5A EI . Colexio Franciscanos (Lugo)

– Infantil. Premio “Aula máis creativa” . 4,5,6 EI. Colexio Divino Mestre (Lugo)

– Primaria (1º, 2º, 3º). Premio individual: Martín Díaz López. 2º EP. Colexio Nosa Sra. da Asunción. Sarria (Lugo)

– Primaria (1º, 2º, 3º). Premio “Aula máis creativa” . 2º EP. Colexio Cervantes (Lugo)

– Primaria (4º,5º,6º). Premio individual: Lorena Soto García 6º EP. Colexio Divino Mestre (Lugo)

– Primaria (4º, 5º, 6º). Premio “Aula máis creativa” . 6º EP. Colexio Divino Mestre (Lugo)

– Secundaria. Premio individual: Ainara Gorgoso Fernández. 2º ESO. Colexio Divino Mestre (Lugo)

– Secundaria: Premio “Aula máis creativa”: 3º A ESO. Colexio San Xosé (Lugo)

– Premio Especial “Colexio máis participativo e creativo”: Colexio Divino Mestre (Lugo)

Os asistentes ao acto puideron disfrutar coa actuación do Mago Rafa.

Pregón da Caridade

O mércores 29 de maio celebrouse no salón de actos da Deputación Provincial de Lugo o Pregón da Caridade, que este ano correu a cargo do presidente do Parlamento de Galicia, Miguel Santalices Vieira. O acto estivo presidido polo Bispo de Lugo, Mons. Alfonso Carrasco Rouco, e nel tamén participou a directora de Cáritas de Lugo, Amparo González Méndez.

O pregoeiro agradeceu o labor de Cáritas e animou a seguir. Tras lembrar que son case 25.000 persoas as beneficiarias en Lugo, preguntouse que tería sido destes milleiros de persoas se Cáritas non existise. E comentou: “Pois isto, indudablemente, sería un problema, porque as administracións públicas está claro que non podemos chegar a cubrir toda a demanda que se xera da poboación”.

Tamén lembrou Miguel Santalices que a Cáritas se lle entregou a medalla do Parlamento:

“Eu un ano levei a Cáritas e por suposto a mesa na que está a representación política de todos os grupos, naquel momento eran máis grupos, non hubo unha dúbida, nin unha, aprobouse por unanimidade da mesa do Parlamento. Cando se entregou esa medalla, eu recordo que dixera que por riba de todo importan as persoas e as súas dificultades. E como exemplo último deste compromiso, que anima esta organización caritativa da Igrexa, a Igrexa está tamén firmemente comprometida neste ámbito”.

Carreira solidaria en apoio ao Centro San Vicente de Paúl

O Centro Residencial San Vicente de Paul, para persoas dependentes con discapacidade intelectual, AFADI (Asociación de familiares e amigos de persoas con discapacidade intelectual) e o deportista Óscar Domínguez Rodríguez, con ampla experiencia en eventos solidarios, organizan unha carreira solidaria de 50 horas, ao longo da Muralla romana de Lugo. O acto comeza o 24 de maio ás 9:00 horas e remata o 26 de maio ás 11:00 horas e desenvólvese baixo o lema “Enchendo de vida cada paso”

Trátase de mellorar a calidade de vida das persoas con discapacidade intelectual e, na medida do posible, recuperalas e promovelas co fin de brindarlles apoio para mellorar a súa autonomía e facilitar a súa inclusión social e laboral. E o obxectivo do evento tamén é visibilizar esta realidade na cidade de Lugo.

Co recadado cubriranse as seguintes necesidades:

  • Material para favorecer a estimulación (1.451€)
  • Mobiliario especializado (4535€)
  • Equipamento sala Snoezelen (2.080€)
  • Programa de lecer: actividades deportivas, estivais e de inclusión social. (3.450€)

Investigación sobre a Catedral de Lugo presentada no Simposio Internacional sobre o Doutoramento en Educación

O 15 de maio, o director do Museo Diocesano Catedralicio de Lugo, Marcos Calles, presentou na Universidade de Santiago de Compostela unha investigación sobre a Catedral de Santa María de Lugo dentro do Simposio Internacional sobre o Doutoramento en Educación. A investigación leva por título “O papel da Catedral de Lugo dentro da materia de Xeografía e Historia en Educación Secundaria en Galicia”.

Continúan as investigacións vinculadas á Catedral de Lugo e ao Museo Diocesano Catedralicio de Lugo, achegando ao conxunto de investigadores e investigacións novas propostas sobre unha basílica que dentro duns poucos anos celebrará o 900 aniversario da súa reedificación.

Comunicación de Marcos Calles sobre a evolución artística da Catedral de Lugo

O Festival Internacional Pint of Science celébrase simultaneamente en varios paises durante uns días de maio para divulgar a ciencia dun xeito ameno en lugares de lecer.

O primeiro día -luns13- desenvólvese no Mesón do Forno, (Rúa Río Ser, 12 Lugo) baixo o título “Do patrimonio e a memoria”. A Catedral de Lugo será a protagonista da primeira comunicación: ás 18 h o director do Museo Diocesano Catedralicio, Marcos Calles Lombao, profundizará no coñecemento da basílica. Tamén se falará dos aneis gravados na madeira das árbores. E finalmente daranse a coñecer os últimos avances no tratamento do Alzheimer.

Entrada libre.  [Noticia]

A %d blogueros les gusta esto: