Lugo sumouse á Xornada Mundial polo Traballo Decente, que sempre se celebra a primeiros de outubro, e que nesta ocasión fíxose mediante unha vixilia de oración na parroquia do Sagrado Corazón. Tras un tempo de oración, lecturas bíblicas, cantos e reflexión, o presidente da Xunta de Confrarías de Semana Santa da cidade de Lugo, Ramón Basanta, leu o manifesto do ano 2025. Finalmente houbo un acto simbólico de compromiso co traballo decente estampando a silueta da man de cada persoa nun cartel co lema da Xornada, que era traballo decente: dereito, non privilexio.
Este ano ponse o foco nunha das situacións máis graves: a das persoas migrantes. cuxo traballo segue marcado pola precariedade e o escaso recoñecemento social.
