Lugo

Concertos solidarios nas parroquias da cidade de Lugo

polifonia-por-kilos-wp

As corais de Lugo capital axudan aos máis necesitados da cidade, organizando unha serie de concertos solidarios denominados Polifonía por Kilos. Comezaron a pasada fin de semana na igrexa de San Francisco Xavier e seguirán nestoutras parroquias:

  • Centro parroquial As Fontiñas o 3 de decembro ás 18:30h os coros Xeral Calde e Lugh actúan no centro parroquial As Fontiñas.
  • Parroquia Sagrado Corazón o 4 de decembro ás 12h, co coro Cantardelas (Misa) e Orfeón Xoán Montes (concerto)
  • Parroquia San Antonio de Padua o 8 de decembro ás 12h: Coro San Antonio (Misa) e Coro Ecos do Miño Astelu (concerto)
  • Parroquia San Froilán o 10 de decembro ás 20:30h: Coro Ecos do Miño Astelu (Misa) e Coro Amigos del Camino (concerto)
  • Parroquia A Milagrosa o 11 de decembro ás 12:30h: Orfeón Xoán Montes (Misa) e Coro Xolda (concerto)
  • Parroquia San Lourenzo de Albeiros o 18 de decembro ás 12:45 h: Schola Gregoriana (Misa) e Coro San Antonio (concerto)

Aos asistentes só se lles pide que acheguen alimentos non perecedoiros, que logo serán repartidos na mesma Parroquia entre as familias máis necesitadas.

Taller de Solidariedade presenta o libro Filipinas. Tres historias de despertar

tres-historias-de-despertar

O luns 28 de novembro ás 19.30 h na cafetería O Pousadoiro de Lugo preséntase o libro Filipinas. Tres historias de espertar. Trala presentación haberá unha charla sobre o traballo realizado por Taller de Solidariedade -a ONG das Servas de San Xosé- e sobre os proxectos de cooperación nos que se enmarcan estas historias. No acto estarán Fernando Tomei, ilustrador do libro, e persoas que coñecen directamente estes proxectos.

Ademais, habilitaráse un espazo de venda de produtos de Comercio Xusto.

A Biblioteca do Seminario expón exemplares do seu fondo antigo

expo-fondo-biblioteca-seminario

Última semana para visitar a exposición Volumen in folio na sala de exposicións do Seminario Diocesanocon obras do fondo da Biblioteca, que van desde o século XVI ao XX. O horario é de 11:30 a 13:30 e de 17 a 19h (de luns a venres) Son 22 volumes grandes, chamados in folio, dos que algúns alcanzan os 32 centímetros e bastantes pasan das 1000 páxinas. Hai obras de Aristóteles, importantes porque no lombo teñen o título. Hai 2 obras de San Agostiño e de San Xerónimo dunha colección do século XVIII en París e que foron traídos a Lugo polo Bispo Armañá.

Outra parte da exposición adícase á Biblia: hai un Diccionario de la lengua santa de más de 2000 páxinas e a Biblia Hebraica con tradución interlineal en latín.

Outras obras: publicación de San Basilio Magno no século XVIII, dicionario de antigüidades dos Maurinos en 18 volumes adicados aos temas máis diversos: numismática, mitoloxía, obras de autores. Outra colección, neste caso de Dereito, é a do Digestum vetus, cun exemplar no que o propio autor engadiu notas nas marxes.

De interese polas ilustracións tamén son unha Cristíada do século XIX e un exemplar da Divina Comedia ilustrada por Gustavo Doré.

Mesa redonda sobre a defensa do traballo decente

caritas-mesa-redonda-defensa-traballo-decente

Con motivo do día 7 de outubro ser a Xornada Mundial polo Traballo Decente, Cáritas Diocesana de Lugo organizou entre outras accións unha mesa redonda baixo o título “Defensa do traballo decente”.

Participantes na mesa redonda:

  • Ramón Fariñas Ríos

    Secretario Comarcal de CCOO de Lugo

  • Mercedes Montes Rodríguez

    Dtora. da Escola Universitaria de Relacións Laborais de Lugo

  • Carmen José López

    Presidenta de AJE Galicia

  • Rocío Rebolo Serén

Xefa do Servizo de Emprego e Economía Social-Consellería de Economía

  • Modera: Mónica Yáñez, Secretaria xeral de Cáritas Diocesana de Lugo

    Traballo decente é un concepto usado pola sociedade civil e o maxisterio da Igrexa católica, que se ve a necesidade de reivindicar e poñelo en primeira liña da axenda política, social e eclesial.

    [Manifesto polo traballo decente]

Campaña de Cáritas no Día contra a explotación sexual e o tráfico de persoas

dia-contra-a-trata-wordpress

O venres 23 de setembro é o Día Internacional contra a explotación sexual e o tráfico de mulleres, nenas e nenos. Cáritas Diocesana de Lugo, xunto coas entidades Aliad Ultreia e Asociación Bonhomía, buscan sensibilizar á poboación sobre este drama humano. Para iso elaborouse un vídeo, coa colaboración da Fundación TIC e Centinelas Asociación, que será difundido a través das redes sociais. No vídeo personalízase este problema que tantas veces se considera alleo ao noso mundo, móstrase como calquera muller compañeira ou amiga próxima, ante un momento de necesidade ou vulnerabilidade pode ser vítima de trata ou explotación.

O programa de Muller de Cáritas diocesana de Lugo desenvolve un proxecto dirixido a vítimas de violencia, especialmente, vítimas de trata e explotación sexual en contextos de prostitución; e outro destinado ao traballo de prevención e coidados da saúde de mulleres. No 2015 foron 161 as mulleres contactadas en pisos ou clubs de prostitución ás que se lles impartiron micro talleres sobre información sanitaria, outros empregos... Delas, máis de 60 recibiron despois unha atención, acompañamento e apoio personalizado directamente en Cáritas.

A %d blogueros les gusta esto: