Día da Acción Católica e do Apostolado Segrar

O sábado 22 de maio ás 20:30 h na parroquia de San Francisco Xavier (Lugo) celébrase a Vixilia de Pentecoste. Tratará de recoller dun xeito oracional e vivencial o camiño formativo coa Fratelli Tutti que organiza a Delegación de Apostolado Segrar de Lugo. Desde hai varias semanas a devandita Delegación vén realizando un itinerario de formación desde a Fratelli Tutti vista desde 5 claves: chamada a vivir o modelo do BO SAMARITANO; crear un modelo económico onde se busque o ben común; migrantes, un corazón aberto ao mundo; un mundo sen guerra; e diálogo e reconciliación.

Na celebración do Día do Apostolado de Segrar e da Acción Católica búscase que as mensaxes de Fratelli Tutti impulsen ao mundo laical da Igrexa que peregrina en Lugo a deixarse mover pola forza do Espírito Santo que sempre arrasa os medos e fortalece o servizo fraterno. Facer vida tendo en conta que “os soños se constrúen xuntos” desde unha Igrexa sinodal.

[Materiais]

Día da Acción Católica e do Apostolado Segrar

Este ano celébrase só a vixilia, que será na Parroquia de San Francisco Xavier o sábado 30 ás 9 da noite. Só poderá usarse o 50% do aforo do templo: 150 persoas

A crise sanitaria fixo ver con máis confianza e ilusión os proxectos e iniciativas do Congreso do Laicado celebrado a comezos de ano. O soño dun Pentecoste renovado na Igrexa será realidade incorporando en todas as accións un estilo de traballo pastoral marcado pola sinodalidade e o discernimento.

O pos-congreso é un camiño aberto e depende de bispos, sacerdotes, relixiosos, e laicos. Este proceso agora ten unha clara continuidade. No Congreso recibiuse o reto de ser unha Igrexa en saída, que toma conciencia de Pobo de Deus e da necesidade de ir ó encontro dos demais, deixándose tocar pola realidade do noso tempo e sentíndose parte do mundo.

[Máis información]  [Materiais para a xornada]

Día da Acción Católica e do Apostolado Segrar

Coincidindo coa gran festa do Espírito Santo, Pentecoste, (9 de xuño) celébrase tamén unha xornada especial para os segrares. A Delegación de Apostolado Segrar programa as actividades seguintes:

– Venres 7 de xuño: conferencia Congreso “Pobo de Deus en saída”, por Alfredo Losada, relator do Congreso de Laicos, ás 20:00 h no Seminario.

– Sábado 8 de xuño: Asemblea Diocesana de Laicos ás 17:30 h parroquia de San Francisco Xavier. A continuación Vixilia de Pentecoste.

Na Asemblea traballarase sobre o Congreso de Laicos, vendo como se desenvolve o pre-congreso nas parroquias e movementos, como se vive a sinodalidade desde cada parroquia e movemento, sobre os froitos que se poden ofrecer nesta etapa do pre-congreso. Tamén se prepara unha asemblea en outono.

Xornadas de Apostolado Segrar

Con motivo do Día da Acción Católica e o Apostolado Segrar que se celebra esta semana, as principais actividades que na Diocese de Lugo organiza a Delegación de Apostolado Segrar, en colaboración coa Delegación de Misións, son:

Venres 18 de maio, ás 20:00 h., no salón de actos do Seminario de Lugo, charla titulada “Ao servizo do mundo coa forza do Espírito”, que impartirá o Delegado de pastoral rural da Diocese de Mondoñedo-Ferrol, Manuel Regal.

Sábado 19 de maio: ASEMBLEA DIOCESANA DE LAICOS, á que acudirán segrares de toda a Diocese: fregueses de parroquias, mestres, catequistas, membros de asociacións e movementos, voluntarios de Cáritas, confrades… O lugar é o Colexio Divina Pastoral de Lugo (Salesianos), co seguinte horario:

17:30 h. Asemblea Diocesana de Laicos (haberá atención a nenos).

20:15 h. Vixilia de Pentecoste

Domingo 20 de maio, Eucaristía de Pentecoste, que presidirá D. Alfonso Carrasco, ás 13:00 h., na Catedral de Lugo.

[Materiais da Conferencia Episcopal]

Retiro de Coresma organizado pola Delegación de Apostolado Segrar

É un retiro aberto a todos os segrares de parroquias, movementos e asociacións.

 Será o vindeiro sábado 3 de marzo, de 10h a 13:45h, no Seminario diocesano de Lugo, e acompañará o retiro José Luis Vázquez Coego, subdelegado de Catequese.

O horario do retiro será o seguinte:

  • 10:00 Acollida
  • 10:15 Oración
  • 10:30 Primeira charla
  • 11:30 Descanso
  • 12:00 Segunda charla
  • 12:45 Preparación eucaristía
  • 13:00 Eucaristía
A %d blogueros les gusta esto: