Exercicios espirituais organizados por Apostolado Segrar

Ás portas de Advento, no Seminario Diocesano de Lugo, haberá do 1 ao 3 de decembro, uns exercicios espirituais dirixidos por D. Óscar Bartolomé, salesiano, director do colexio Divina Pastora de Lugo. O tema a tratar será “Chamados a vivir o evanxeo da alegría”. Invítase a participar a toda persoa con inquietudes sobre a súa vida, laicos de parroquias, membros de asociacións e movementos, en definitiva, quen considere que forma parte dunha fraternidade universal.

Horario:

Venres, 1 decembro

  • 19.00 Oración de inicio

  • 19:15 Charla: Chamados. A alegría de ser chamados á vida, a alegría de ser cristiáns. Non fuches ti quen me escolleu, fun eu quen chamei

Sábado, 2 decembro

  • 10:00 Oración ao comezo da xornada

  • 10:15 Charla: A miña vida. A alegría de sabernos amados e perdoados por Deus Pai coa nosa historia. Hoxe teño que hospedarme na túa casa

  • 12:00 Eucaristía

  • 16:30 Charla: Coa samaritana revisamos o pozo da nosa vida para descubrir que con Deus somos máis felices.

  • 18:30 Charla: Benaventuranzas. O evanxeo, unha proposta de felicidade.

  • 20:30 Oración: Agradecer a Deus o seu amor e a súa misericordia na nosa vida

Domingo, 3 decembro

  • 10:00 Oración ao comezo da xornada

  • 10:15 Charla: Mensaxeiros do Deus da Vida e da alegría do evanxeo. A alegría do anuncio.

  • 13:00 Eucaristía

Camiño contemplativo organizado por Apostolado Segrar

O venres 10 de novembro ás 18 h a Delegación de Apostolado Segrar organiza un Camiño contemplativo ao que se invita a participar tanto a cristiáns como a persoas alonxadas da Igrexa.

Un dos de obxectivos da devandita Delegación para este curso 2017/2018, é ofrecer espazos de oración, que mostren unha Igrexa aberta e en saída.

Desenvolvemento do Camiño contemplativo:

– primeiro momento: ás 18:00 horas na igrexa de Santiago A Nova, de Lugo, onde unha animadora facilitará unhas pautas para meditar durante o traxecto.

– segundo momento: camíñase desde a igrexa da Nova ata as proximidades da igrexa do Bo Pastor.

– terceiro momento: no lugar indicado, haberá un espazo para compartir a experiencia de oración e meditación.

Anímase a todas as persoas con inquietudes espirituais, a compartir este espazo humanizador. E se alguén non puidese camiñar moito, sería levada en coche.

Encontro de laicos

 No Seminario Diocesano de Lugo haberá un Encontro de leigos o 4 de novembro baixo o título Retos para un laicado maduro e evanxelizador. Está dirixido a todo tipo de segrares, ben sexan catequistas, axentes de Cáritas, profesores, membros de asociacións e movementos, ou ben persoas sen vinculación con parroquias, en definitiva, todo bautizado. Será co seguinte horario:

  • 10:00-10:30 Oración

  • 10:30-11:10 Charla introductoria, polo Delegado de Apostolado Segrar, Alfredo Losada

  • 11:10-12:00 Obradoiro: Como renovar a Igrexa diocesana?

  • 12:00-12:30 Café-descanso

  • 12:30-13:30 Posta en común do obradoiro e diálogo

  • 13:30-13:45 Oración

Principais actividades programadas en torno á festa do Apostolado Segrar

 A Delegación de Apostolado Segrar, en colaboración coa Delegación de Misións, o venres 2 de xuño, ás 20:00 h., no salón de actos da Deputación de Lugo, organizou unha charla baixo o título de “Ser Igrexa en permanente saída”, que impartiu Milagros Martínez, licenciada en pedagoxía social.

Comezou cunhas reflexións a partir da exhortación Evangelii Gaudium, e dixo que a alegría consiste en estar sempre atentos ás necesidades dos demais e alimentando isto coa oración e a lectura do Evanxeo. E a parte central da súa intervención foi sobre o papel dos leigos na Igrexa Diocesana, sinalando os problemas do evanxelizador: crise de identidade, cansazo por exceso de activismo, separación fe-vida, búscanse seguridades que non se teñen na vida persoal, pénsase que a acción propia é mellor cá allea. Para Milagros estes problemas non se superan necesariamente con grandes programas pastorais e si son importantes as seguintes actitudes:

  • Traballar xuntos, con corresponsabilidade
  • Actitude de escoita
  • Actitude de oración, volvendo ao Evanxeo, para distinguir o trivial do importante
  • Recoñecer deficiencias, pero non quedar niso, senón presentar solucións
  • Ter compromiso social
  • Aproximarse aos alonxados

O sábado 3 de xuño a parroquia do Sagrado Corazón de Lugo acolleu primeiro a ASEMBLEA DIOCESANA DE LAICOS e a continuación a Vixilia de Pentecoste (imaxe da dereita, vía @alfredo_losada).

O domingo 4 de xuño ás 13h na Catedral celebrouse a Eucaristía de Pentecoste.

Exercicios espirituais no mosteiro de Santa María de Sobrado dos Monxes

As 5 Delegacións de Apostolado Seglar das dioceses que compoñen a provincia eclesiástica galega (Santiago de Compostela, Lugo, Mondoñedo-Ferrol, Ourense e Tui-Vigo) organizan exercicios espirituais no tempo de Coresma, do 10 ao 12 de marzo, no mosteiro de Santa María de Sobrado dos Monxes (Patrimonio da Humanidade). Os exercicios están impartidos polo prior D. Carlos Gutiérrez Cuartango. Comézase o venres 10 de marzo coa oración das vésperas coa comunidade do monxes, ás 19:00 h, e remátase o domingo 12 de marzo co xantar, ás 16:00 h. A pensión completa de todo o retiro é 90 €.

A comuñón eclesial faise tamén con xestos como o de coorganizar estes retiros, que neste curso fan por primeira vez de forma conxunta as 5 delegacións diocesanas de Galicia. É unha forma de que os seglares de diferentes lugares e procedencia (de parroquias, de movementos e asociacións, amigos, etc.) coñezan e poidan participar activamente neste tipo de encontros profundos cun mesmo, co Señor e cos irmáns.

Quen teña dúbidas ou queira máis información, pode enviar un correo electrónico ou chamar por teléfono: laicos@diocesisdelugo.org ou belsaivi@yahoo.es e 639 938 216 ou 649 045 880.

A %d blogueros les gusta esto: