Seminaristas menores de toda España convivirán uns días en Lugo

Cada verán, a Comisión de Seminarios da Conferencia Episcopal Española organiza un encontro nacional de seminaristas menores de Bacharelato (1º e 2º de BAC). Trátase duns días de convivencia e actividades lúdicas, retiro espiritual, visitas culturais, formación… A finalidade é fortalecer o camiño dos seminaristas menores nestes cursos importantes do seu proceso formativo e vocacional. Ao mesmo tempo estréitanse os lazos de fraternidade e colaboración entre os seminarios e bríndase aos participantes o coñecemento dunha rexión de España. O encontro nacional de seminaristas de Bacharelato será este ano en Lugo do 9 ó 13 de xullo. No programa de actividades inclúense celebracións da Eucaristía, oracións, rutas pola Cidade do Sacramento, Ribeira Sacra, O Cebreiro e a costa da provincia. Soen participar uns 50 seminaristas menores de toda España.

Xornada de Portas Abertas do Seminario Menor

O sábado 29 de abril, de 11:30h a 13:30h, o Seminario Menor Diocesano celebra a II Xornada de Portas Abertas deste curso. Está dirixida ás familias e aos rapaces interesados no coñecemento do Seminario Menor, así como a calquera outra persoa desexosa de achegarse a esta realidade diocesana. Será un momento para dar a coñecer a proposta educativa, as instalacións, o funcionamento ordinario da vida académica e comunitaria, alguhas das actividades e proxectos que se realizan ao longo do curso…

A Xornada comezará cun saúdo e presentación na Aula Magna (acceso dende o vestíbulo principal) e logo unha visita ás instalacións do Seminario Menor, con algunhas paradas en sitios puntuais para a explicación dalgunhas das actividades e dos ritmos de funcionamento do Centro. A asistencia é libre, e non é necesario confirmala previamente.

Con esta II Xornada de Porrtas Abertas -despois da I convocada para febreiro- o Seminario quere achegarse ás familias que están nesta época pensando no Centro de ensino para os seus fillos no próximo curso ou máis adiante no tempo, permitindo un coñecemento de primeira man do lugar e do proxecto educativo.

A reserva de praza no Seminario Menor está xa aberta, sendo posible informarse ou cumplimentar o impreso de reserva na Recepción do Seminario Diocesano (Av. Anxo López Pérez, s/n) de luns a venres de 08:30 a 14:00 h. e de 15:30 a 20:30 h.

[Máis información sobre a matrícula]

Portas Abertas do Seminario Menor para as familias

O sábado 4 de febreiro terá lugar a primeira das dúas xornadas de “Portas Abertas” deste curso, dirixidas ás familias ou outras persoas interesadas en coñecer de cerca o Seminario Menor, a súa proposta educativa, as súas instalacións, o funcionamento ordinario da vida académica e comunitaria… Haberá unha primeira presentación e saúdo no Salón de actos e logo unha visita guiada ás instalacións, coa presentación dalgunhas actividades e proxectos que se realizan ao longo do ano. Finalizarase cun breve aperitivo que sirva tamén para o diálogo cos profesores presentes na xornada e para formular calquera pregunta.

Neste curso 2016-2017 o Seminario Menor iniciou o contacto con Be Education, unha realidade educativa impulsada e sostida polo colexio San Ignacio de Loyola (Torrelodones). Coas innovacións, cambios e ferramentas que se incorporen, contribuirase a unha mellor presentación da identidade e proposta como Seminario.

[O Seminario, onte e hoxe]

Encontro vocacional e xornada de portas abertas do Seminario

O sábado 23 de maio de 11:00 h a 16:30 h. o Seminario organiza un día de convivencia para monagos e mozos que poidan ser futuros candidatos a seminaristas menores. Será un día no que os seminaristas están no Seminario, de modo que poidan ser eles os anfitrións e os que se encarguen de presentar esta realidade do Seminario aos que participen no encontro. [Inscrición no Encontro Vocacional]

“Portas Abertas” do Seminario Menor para as familias

O mesmo día a partir das 11:30 h. Iníciase unha xornada de “Portas Abertas” para as familias ou outras persoas interesadas en coñecer de cerca o Seminario Menor, a súa proposta educativa, as súas instalacións, o funcionamento ordinario da vida académica e comunitaria… Haberá unha primeira presentación e saúdo no Salón de actos e logo, posteriormente, unha visita guiada ás instalacións, para que o conxunto non se estenda máis aló das dúas horas de duración. A ela poden unirse, pois, tanto familias dos que veñen ao Encontro como outras persoas interesadas.

Colaboración entre os seminarios de Mondoñedo e Lugo

 As dioceses de Lugo e Mondoñedo-Ferrol asinaron un Convenio de colaboración para a formación dos seminaristas menores de Mondoñedo-Ferrol no Seminario de Lugo.

Seminaristas menores procedentes da Diocese de Mondoñedo son enviados polas súas famílias a formarse no Seminario de Lugo. Para que estes seminaristas sigan pertencendo á Diocese mindoniense, os Bispos de Lugo e Mondoñedo-Ferrol asinaron o Convenio polo que o Seminario Menor de Lugo comprométese a recibir e a formar aos mozos que no futuro sexan propostos polo Seminario de Mondoñedo-Ferrol, respectando sempre a súa procedencia e identidade diocesana.

Para iso o Bispo de Mondoñedo-Ferrol e o Rector do Seminario ou un delegado seu, terán encontros periódicos cos seminaristas e farán un seguimento máis próximo da súa formación, incluso participando en actividades propias da Diocese, en coordinación e corresponsabilidade co equipo formativo do Seminario de Lugo.

%d bloggers like this: