Xornada de autoemprego organizada por Cáritas

Cáritas Diocesana de Lugo quere fomentar a cultura emprendedora. Por iso, a través do Programa de Emprego, organiza xornadas divulgativas que poidan favorecer o xurdimento de novas iniciativas. A próxima xornada terá lugar o día 22 de xuño de 10:30h. a 13:00h. no Centro de Servizos de Cáritas Diocesana de Lugo, Avda. Américas, 93-97.

Ese día xuño contarase con:

– Un técnico do Instituto Galego de Promoción Económica (Igape) que informará sobre os recursos dispoñibles para axudar á promoción e creación de empresas.

– Panel de experiencias, onde coñecer as historias de tres mulleres que un día decidiron dar o paso e emprender o seu propio proxecto profesional.

Para participar hai que inscribirse antes do 21 de xuño. Horario de atención: mércores e xoves de 10:00h a 14:00h.

Xornada de autoemprego organizada por Cáritas

Os asistentes a esta Xornada de Autoemprego o 6 de marzo descubrirán a través de experiencias emprendedoras unha posibilidade máis no seu proceso de inserción laboral.

Participarán: Confeccións Artesás Jeyma (Artesanía textil), Cantina rural de Meán (Hostalaría), Imaxinatia (Lecer-tempo libre e decoración con globos), Estati.co (Deseño web) e Eventos Lugo (Eventos empresas e institucións).

O prazo de inscrición está aberto ata o 03/03/2017. Os interesados en participar teñen que acudir ao Programa de Emprego de Cáritas Diocesana de Lugo o mércores ou o xoves de 10h. a 14h. r/ da Cruz, 1. A xornada celebrarase o día 6 de marzo de 10:30 a 14:00h. no Centro de Servizos de Cáritas Diocesana de Lugo. Avenida das Américas, 93-97.

Xornada de autoemprego organizada por Cáritas

empleo 2

O próximo día 2 de marzo, Cáritas Diocesana de Lugo organiza unhas novas xornadas denominadas Por que non?. Están orientadas a motivar e incentivar o espírito emprendedor entre as persoas desempregadas que poidan ser obxecto da intervención (desempregados con dificultades de incorporación ao mercado laboral como asalariados: mulleres, inmigrantes, desempregados de longa duración…).

Cóntase coa participación de Ugacota (Unión galega de cooperativas de traballo asociativo, Fundación Confederación de Empresarios de Lugo, Centro de empresas e innovación Nodus).

Colaboran no panel de experiencias: Bico de grao, Vinissi, Kekotucos, Centro de día Esmorga, Nudos e Miramar Cruises)

Realízase esta xornada no marco do proxecto “Emprégate II” que é unha acción posta en marcha no ano 2013 por Cáritas Diocesana de Lugo

Xornada de autoemprego organizada por Cáritas

O día 23 de setembro terá lugar no local da avda. das Américas, 93-97 unha xornada de autoemprego co título Por que non?. Trátase dunha actividade incluída no proxecto “Emprégate II”, no marco do Programa de Emprego de Cáritas Diocesana de Lugo.
A xornada será como segue:
10:00-10:15 Acollida e presentación da xornada.
10:15-11:15 Mesa redonda “O emprendemento na actualidade”.
Participan: Dña. Beatriz Varela Regueira, Presidenta da Asociación Mulleres Empresarias de Lugo. Inés Maseda Francos, xerente da Asociación de Novos Empresarios de Lugo. Norman Veiga Álvarez, Subdirector do CEI-NODUS.
11:15-11:30 Descanso
11:30-13:15 Mesa redonda “Historias Reais”.
Participan: Pilar Fernández Neira, (empresa A Cociña de Pilar), Mª José González Antolín, (Empresa A mercería de Chus) e Mª del Carmen Encarnación Sosa, participante de “Emprégate II”.
13:15-13:30 Despedida Proxección Empresa Arranxos “Proxecto Emprégate I”

A %d blogueros les gusta esto: