Congreso de educadores

O sábado 13 de maio a partir das 10 mañá no Salón de Actos do Colexio FEC San Xosé (Lugo) ten lugar o XI Congreso de Educadores Católicos co título de “Identidade do educador católico”. Pola mañá haberá dous relatorios a cargo da Presidenta da Fundación Trilema Carmen Pellicer e a directora de proxectos da devandita Fundación, Beatriz Álvarez. Os títulos dos relatorios son “O educador católico” e “Como será a escola católica do futuro”

A programación da tarde comezará con tres obradoiros – 1) O espertar relixioso e o ERE, 2) Como estimular o pensamento crítico na aula e 3) Experiencias de aprendizaxe baseadas en proxectos. E a conclusión do Congreso de Educadores Católicos faise cunha mesa redonda sobre os desafíos da LOMLOE para a Escola Católica e na que intervirán Carmen Pellicer, Beatriz Álvarez e o presidente de Escolas Católicas de Galicia José Manuel Buján, OFM.

O sábado 7 de maio celebrouse o X Congreso de Educadores Católicos que tivo como tema A Biblia na clase de Relixión. Organizado pola Delegación para a Educación na Fe, contouse coa colaboración da editorial SM, a libraría La Voz de la Verdad e o Centro Público Integrado de Formación Profesional As Mercedes, que foi o lugar da cidade de Lugo onde se desenvolveu o Congreso.

O profesor de Bacharelato en Logroño e Asesor Pedagóxico de SM, Fernando Arriero Perantón, dirixiu as charlas-taller, que tiñan como obxectivo repasar a nova lei, a LOMLOE, como afecta á materia de Relixión, e poder programala ben sacando partido e aproveitando este cambio de lei. Para iso estiveron desenvolvéndose as 6 competencias específicas da materia de Relixión desde a óptica da Biblia, porque é o cimento onde se vai apoiar a materia pero sen perder de vista cara a onde se vai co resto das materias. Tamén se tivo en conta que na materia de Relixión trátase de formar mozos a nivel integral, tendo moi presentes os dereitos do neno. Viuse o que pode achegar de xeito específico o profesorado de Relixión e o que xunto coas outras materias poida contribuírse ao ben dos mozos.

O relator Fernando Arriero reflexionou conxuntamente cos asistentes ao Congreso e saíron co ánimo non tanto de queixarse dunha lei que xa vén dada senón aproveitar ese cambio tomando os puntos positivos para o que queren todos os educadores: que o alumnado contribúa a un mundo mellor, ademais de mellorar persoalmente.

A parte final do Congreso adicouse a mostrar dúas realidades educativas da Diocese de Lugo: Colexio da Milagrosa, Colexio Diocesano San Lorenzo.

O sábado 4 de maio de 2019 no Salón de Actos Seminario de Lugo ten lugar o IX Congreso de Educadores Católicos “Aplicacións e dispositivos móbiles na aula de Relixión” co seguinte programa:

• 09:15 Acollida dos asistentes e presentación das xornadas

• 09:30 Relatorio: Orientacións de metodoloxía didáctica

• 10:30 Obradoiro: Obradoiro I: Robótica

• 11:30 Descanso

• 12:00 Obradoiro: Obradoiro II: Realidade aumentada

• 16:00 Obradoiro: Obradoiro III: Gamificación e Creatividade

• 18:00 Descanso

• 18:15 Relatorio: Carisma franciscano-clariano no século XXI: a evanxelización dixital

• 19:15 Avaliación

O relator será o mestre de Relixión na Cañiza Manuel Fernández Álvarez, experto na utilización de aplicacións e redes sociais na aula.

Coma todos os anos, réndese homenaxe a un centro educativo da Diócese, este ano o Colexio dos Franciscanos

O Instituto Teolóxico Compostelán valora en horas da formación a asistencia a este Congreso: 7 horas (fase formativa), 1 hora (fase de avaliación).

O 5 de maio terá lugar no Seminario Diocesano a oitava edición do Congreso de Educadores Católicos, que organizan as Delegacións Diocesanas de Ensino e de Pastoral Universitaria, co seguinte programa:

10h Carlos Ortíz Sanchidrián: A Tradición no ensino católico. Unha aproximación pedagóxica

11h ——————— : O Maxisterio eclesial na escola actual. Perspectiva didáctica

12:30 h ————— : Home e muller os creou. Derivadas práxicas no eido escolar

13:30h Gregorio Ludri Medrano: Identidade do educador católico no ensino público. Eixos pedagóxico-didácticos

16h Juan Bautista Sánchez López: Ensino mercedario, medio século de testemuña pedagóxica na Diocese

18:15h Gregorio Ludri Medrano: Misión do educador católico no ensino público. Ensinar aprendendo, aprender ensinando

O 6 de maio celebrouse en Lugo o VII Congreso de Educadores Católicos, organizado polas Delegacións de Ensino e de Pastoral Universitaria.

O profesor da Universidade San Pablo CEU, Francisco Serrano Oceja, levou o peso do Congreso, intervindo mañá e tarde. Francisco Serrano alertou sobre o principal inimigo da transmisión da fe: o medo. Medo a dicir o que se pensa, medo a dialogar, a non resultar eficaces… En canto ao labor dos mestres, sinalou que non hai traballo que aposte máis pola esperanza có seu.

María Ángeles López Romero, Directora da editorial San Pablo, falou do compromiso cristián e a forza da súa pegada transformadora. É algo no que Mª Ángeles cre firmemente despois de ver a moitísimas persoas traballando e deixando unha pegada de amor, de solidariedade, de xustiza e facendo propostas moi especiais, moi ancoradas na realidade. E parten, non dos problemas e das necesidades, senón das capacidades das persoas. Ademais, é un compromiso que nace do seguimento de Xesús, de saber que entregou a súa vida, que El nos ama e márcanos un camiño para complicarnos a vida, como di o Papa Francisco.

Iván Prol Fernández, profesor do Colexio Divina Pastora, falou de Don Bosco e da historia da congregación. A mestra e psicopedagoga do mesmo centro, Marta Trashorras Gayoso, explicou o método pedagóxico salesiano, baseado en tres puntos: 1) pedagoxía do corazón: arte de educar en positivo (sistema preventivo); 2) encontro co mozo, co neno e 3) sustentación no amor, a relixión e a razón.

A clausura do Congreso correu a cargo do Vicario Xeral da Diocese, Mario Vázquez Carballo, que invitou a non perder a referencia de Xesús: Fillo de Deus e home sublime.