Jesús Folgado: A Catedral, lugar para amar e perdoar

A xornada do 22 de xuño, o Encontro Eucarístico Lucense adicouna á adoración ao Santísimo. E ademais, o profesor de Teoloxía de Getafe, Jesús Folgado, pronunciou na Catedral unha conferencia sobre o papel da Basílica.

Jesús Folgado explicou que unha finalidade da Catedral é alimentar como nai a todas as igrexas, primeiro celebrando novos sacerdocios e o resto dos sacramentos. Por iso faise mención específica ao crisma: os bispos son crismados, os fieis son crismados (confirmación, bautismo, unción de enfermos), aos sacerdotes únxenlles as mans.

O Bispo é a esencia do Pai, e como a esencia de Deus é a caridade e a misericordia, por extensión, a Catedral ten que ser a igrexa da misericordia e da caridade. Esta é a tarefa que ten que cumprir calquera Catedral. E aí están os penitenciarios.

Para Jesús Folgado “a Catedral lucense ten unha sorte que non teñen o resto de catedrais: todos os días pode lucrarse a indulxencia plenaria, cumprindo as condicións xerais e a visita ao Santísimo Sacramento, exposto permanentemente no Altar Maior. A Catedral é o centro da misericordia, a cal en Lugo non se reserva para uns días especiais: Lugo ten a sorte de ter un ano xubilar extraordinario, ou un ano xacobeo, todos os días.”

VI Encontro Eucarístico Lucense

 O programa do VI Encontro Eucarístico Lucense é o seguinte:

Xoves 15 xuño – XOVES DO CORPUS CHRISTI

Ás 20h na Catedral: Sinatura do decreto do novo Seminario Diocesano e Misioneiro Redemptoris Mater

Xoves Eucarístico. Eucaristía e procesión

 

Venres 16 xuño

Ademais da clausura do Curso Pastoral 2016-2017 no Cebreiro, pola tarde (ás 20:45h) a Catedral acolle o primeiro concerto do IV Festival Internacional de Órgano. “Adoro te devote”, con Jacob Lorentzen (Dinamarca), órgano

 

Sábado 17 xuño

Ás 12:30h no Seminario Diocesano: entrega de premios aos gañadores do IV Concurso fotográfico e III Certame literario e inauguracion da exposición fotográfica

Ás 20h na Catedral Novena na honra do Santísimo Sacramento. Ata o domingo 25 de xuño. Predicador: D. Andrés Ramos Castro, Capelán do Colexio Maior San Pablo-CEU e Viceconsiliario Nacional da Asociación Católica de Propagandistas.

 

Domingo 18 xuño CORPUS CHRISTI

Ás 11h na Praza de Santa María Eucaristía e procesión. Actuará a Banda Filarmónica de Lugo, o Orfeón Lucense e a Coral do Hospital Xeral-Calde.

Luns 19 xuño

LUGO. S. I. Catedral Basílica

20:45 Segundo concerto do IV Festival Internacional de Órgano: “Sacris solemnis”. Fabio Ciofiní (Italia), órgano do Evanxeo; Giulio Mercati (Italia), órgano da Epístola

 

Xoves 22 xuño

LUGO. S. I. Catedral Basílica

Xornada de adoracion e reconciliación. Todo o día

18:30  Conferencia. “Un lugar para amar y perdonar: la Catedral”. D. Jesús R. Folgado García, profesor do Centro Diocesano de Teoloxía de Getafe

20:00 Eucaristía e procesión

LUGO. Parroquia de Santiago A Nova

21:00 Terceiro concerto do IV Festival Internacional de Órgano: ‘Panis angelicus”. Noemí Mazoy (Lugo), soprano; Lidia Basterretxea Vila (Bilbao), mezzosoprano; Eugenio María Fagiani (Italia), órgano

 

Venres 23 xuño

Ás 20:45 h na Catedral cuarto concerto do IV Festival Internacional de Órgano: ‘Pange lingua”. Coro Solo Voces (Lugo); Arturo Barba (Valencia), órgano

 

Sábado 24 xuño

LUGO. S. I. Catedral Basílica. Claustro

18:30 Summa Poética. Recital poético-eucarístico

LUGO. S. I. Catedral Basílica

20:00 Vésperas Solemnes da Oitava do Corpus Christi

 

Domingo 25 xuño

LUGO. S. I. Catedral Basifica

12:00 OFRENDA DE GALICIA AO SANTÍSIMO SACRAMENTO

Preside Mons. D. Luis Ángel de las Heras Berzal cmf, Bispo de Mondoñedo-Ferrol. Presenta a Ofrenda a Sra. Alcaldesa de Mondoñedo, Dna. Elena Candia López

Jaume González Padrós interveu no V Encontro Eucarístico Lucense

Conferencia Jaume G Padrós - copia

O xoves 2 xuño ás 18:30 h na Capela do Bo Xesús da S. I. Catedral Basílica houbo unha conferencia titulada “Sacramentum Caritatis: os dous altares” a cargo do liturxista Jaume González Padrós, que se baseou na encíclica de San Xoán Paulo II Ecclesia de Eucharistia e o punto de partida foi a seguinte idea: A Igrexa sen Eucaristia morre, porque sería unha Igrexa sen o Señor.

Jaume González matizou a frase “ao comungar recibimos a Xesucristo” por esquecer tal frase o aspecto trinitario da Eucaristía: no pan eucarístico, grazas ao Espírito Santo recibimos a Xesús, que nos pon e. comuñón co Pai.

Os cristiáns vivimos en tensión como a corda dun arco: por unha parte estamos agarrados ao ceo e por outra á caridade; se a corda non está abondo tensa, a nosa vida non está como debe. De feito, o amor sen liturxia pode converterse en prepotencia ideolóxica.

Jaume González recalcou que é para sentirse impresionado polo feito de que a Igrexa é unha familia da que forman parte Santa Teresa de Jesús, San Juan de la Cruz (de quen citou os versos Aquesta eterna fonte está escondida en este vivo pan por darnos vida, aunque es de noche)… Algo así non pode acabar mal.

Concerto cos dous órganos da Catedral de Lugo

_DSC5874

O mércores 1 de xuño ás 20.45 h na Catedral celebrouse o terceiro concerto do III Festival Internacional de Órgano do Corpus en Lugo.

Había décadas que non se utilizaban conxuntamente os dous órganos da catedral: o órgano barroco e o órgano romántico, chamados tamén da epístola e do evanxeo.

Os intérpretes foron:

Giulio Mercati, músico versátil, moi solicitado e apreciado internacionalmente. É o director do ciclo Europeo de Concertos de Órgano “A música do Peregrino” e director artístico do Festival de órgano do Corpus de Lugo.

Román Perucki, é un prestixioso organista e profesor polaco. Realizou máis de 2000 concertos de órgano e numerosos recitais en toda Europa, Estados Unidos, Xapón, Australia e México.

O Festival Internacional de Órgano do Corpus en Lugo organízase co desexo de realzar a solemnidade do Corpus. E intégrase dentro do Ciclo Europeo de Concertos de órganos “A música do Peregrino” que se desenvolve en Lugo, Lugano (Suiza), Milán e Saronno (Italia). Todos teñen como vínculo común o Camiño de Santiago.

A %d blogueros les gusta esto: