Ilusión, esperanza e fe

Unha vez superado o estado de alarma en Galicia, lembramos o tempo anterior: días, semanas, meses complicados. Non fai falla recordar cousas concretas pois temos todo moi fresco na memoria e a flor de pel.

Ante nós temos a porta que nos conduce a unha normalidade (póñalle o apelido que queira) que será cousa nosa saber vivila con prudencia, empatía e esperanza.

Dende o ámbito das parroquias (cregos, fregueses, colaboradores) son días tamén de incertidume. Vivíronse situacións complexas nos ámbitos máis humanos da persoa das que fomos testemuñas persoalmente ou en conversacións: despedidas solitarias, escuridade no futuro laboral ou persoal, necesidades básicas, etc.

Pero tamén no ámbito da fe ó ser privados da participación comunitaria dos sacramentos, das visitas a moitos enfermos e do encontro co irmán.

Dende a parroquia queremos animar a que saibamos abrir a porta que se nos presenta agora. Cargados de ilusión, esperanza e fe. Colaborando coas institucións, coas asociacións, coas persoas. Temos a porta diante e na nosa man a chave.

Deus nos bendiga, e San Roque nos protexa.

Unidade Pastoral de Melide

A %d blogueros les gusta esto: