Hospitalidade de Lourdes

“Eu recomendo que a única expectativa sexa ver á Virxe, convivir cos demais e deixarse levar. Poñerse nas mans de María e dicirlle “aquí estou”; a partir de aquí sácase unha experiencia interesante”

“Estiven moi a gusto desde o primeiro momento. E o que máis me gustou foi, cando ía a Lourdes, esa sensación de ir visitar á Virxe á súa casa, porque eu creo que Santuario de Lourdes é unha das moitas casas que ten a Virxe polo mundo.

Marien Pérez Casanova

 

 

“Desde que teño 16 anos, peregrino con moita frecuencia ao santuario de Nosa Señora de Lourdes. É precioso poder ver como a mocidade coida dos enfermos, como estes acoden á Virxe vendo que nela teñen un socorro, un amparo. É unha experiencia singular.

“Considero que a experiencia en Lourdes cambia a calquera persoa. Por iso, neste ano especial no que se lembran as palabras da Virxe de ir “en procesión”, quero invitar a todos os fregueses e diocesanos de Lugo a experimentar os coidados da nosa Nai do ceo”.

Carlos Presas

 

 

 

“A peregrinación a Lourdes paréceme unha oportunidade para desconectar e pedirlle axuda á nosa Nai con todo aquilo que nos preocupa. Ela ten gardada para cada un de nós unha sorpresa que non podemos deixar polo que, se aínda dubidas, esta é a túa oportunidade.

“O tema que se nos presenta este ano reflicte o camiño que facemos todos xuntos en comunidade cara ao ceo, ao carón de María”.

Uxía (Chantada)

A Hospitalidade de Lourdes peregrina ao santuario francés do 1 ao 5 de xullo. Os interesados acudirán á Parroquia ou ao responsable de zona.

[Testemuños completos e outros máis]

A Hospitalidade Diocesana da Nosa Señora de Lourdes de Lugo, informa a todos os seus socios e colaboradores que, debido á actual realidade sanitaria, na reunión celebrada días atrás da Xunta Directiva e os delegados de zona, presidida polo Vicario Xeral da Diocese Mario Vázquez Carballo, decidiuse por unanimidade suspender a asemblea anual ordinaria que tiña previsto celebrarse o vindeiro venres día 6 de maio e a peregrinación deste ano 2022 ao santuario francés de Lourdes.

A Hospitalidade Diocesana da Nosa Señora de Lourdes de Lugo, informa a todos os seus socios e colaboradores que, debido á actual realidade sanitaria e aos informes recibidos do Santuario portugués de Fátima, vese obrigada a cancelar a anual Peregrinación diocesana a Fátima, na data en que estaba programada, do 4 ao 7 de setembro.

Anteriormente, por idénticos motivos, o pasado mes de xullo, mediante carta persoal, a Xunta Directiva da Hospitalidade comunicara a cada socio e peregrino a supresión definitiva da Peregrinación diocesana a Lourdes do presente ano 2020, que se estaba valorando atrasar ao mes de outubro.

Infórmase tamén que se empezaron a facer todos os preparativos das peregrinacións diocesanas a Lourdes e Fátima do vindeiro ano 2021, se se dan as circunstancias normais, que serían:

– Peregrinación diocesana a Lourdes 2021: do luns 28 de xuño ao venres 2 de xullo.

– Peregrinación diocesana a Fátima 2021: do venres 3 ao luns 6 de setembro.

A Hospitalidade Diocesana da nosa Señora de Lourdes de Lugo, informa que, debido á actual realidade sanitaria e os informes recibidos do Santuario francés de Lourdes, vese obrigada a suspender a Peregrinación anual de enfermos a Lourdes, na data en que estaba programada, do 29 de xuño ao 3 de xullo. Trasládase dita peregrinación á última semana do vindeiro mes de setembro ou á semana despois das festas de San Froilán, sempre que o permita o desenvolvemento da crise sanitaria. A finais do mes de xuño ou primeiros de xullo, farase unha comunicación persoal a cada socio e peregrino, do decidido nese momento pola Xunta Directiva, sobre todo o relacionado con este tema.

As persoas que até a data entregaron algunha cantidade de diñeiro como inscrición, poden esperar, se o desexan, ao próximo mes de xullo cando se comunique a data dispoñible para peregrinar, ou recuperar inmediatamente todo o seu diñeiro, ben persoalmente, cando sexa posible verse, ben facilitando á Xunta Directiva o número da súa conta bancaria para realizar ao momento o seu abono, ou ben contactando co responsable da súa zona.

Infórmase tamén que todas as demais actividades e reunións de zona programadas para este curso social, quedan aprazadas até novo aviso.

Por último, a Hospitalidade de Lourdes recomenda vivamente aos socios e peregrinos, a maior relación posible entre todos, e dun xeito especial con aquelas persoas que vivan soas ou teñan algún problema que as faga depender dos demais.

O Seminario Diocesano acolle o martes 11 de febreiro a partir das 4,30 da tarde a Asemblea-Convivencia da Hospitalidade Diocesana de Nosa Señora de Lourdes. O programa é o seguinte:

1° Oración inicial; saúdo aos participantes. 2° Reflexión mariana, co título do lema do ano 2020: “Eu son a Inmaculada Concepcion”, a cargo de Isabel González Blanco, presidenta da asociación de mulleres rurais de Carballedo; co-responsable da zona de Carballedo – Chantada; socia e peregrina da Hospitalidade.

3° Breve información do curso 2018-19.

4° Breve exposición da programación do curso actual: 2019 – 20.

5° Presentación da xestión económica do curso 2018-19 e do orzamento para o curso actual..

6° Suxestións dos asambleistas, para as vindeiras peregrinacións e máis actividades da Hospitalidade, que axuden á boa marcha da mesma.

7° Vivencias ou resonancias persoais dos participantes. Sobre as 6,30: descanso de 15 minutos.

8° Eucaristía presidida polo Sr. Bispo e concelebrada polos sacerdotes asistentes.

Final da Asemblea, sobre as sete e media da tarde.