Celebración de Don Bosco

No Colexio Divina Pastora

A segunda quincena de xaneiro dedícase no Colexio Divina Pastora de Lugo a coñecer mellor a figura de Don Bosco a través de concursos, xogos…

O 26 de xaneiro ás 19:30h celébrase o Día do Carisma Salesiano para as familias.

Entre os días 29 e 31 terá lugar o triduo en honor a San Xoán Bosco na igrexa da Milagrosa ás 19:30h

O 30 de xaneiro, Día Escolar da Non Violencia e da Paz.

O propio día de San Xoán Bosco, o 31 de xaneiro, haberá eucaristías, degustaciones, festivais, torneo.

Finalmente, entre o 5 e o 7 de febreiro preséntanse ás familias os festivais solidarios (os dous primeiros días no Auditorio Gustavo Freire e o día 7 no Colexio).

No Colexio María Auxiliadora

O día 31 desenvólvense as seguintes actividades:

  • Eucaristía en San Francisco Xavier (Primaria) e o Bo Pastor (Secundaria)

  • Oración na capela do Colexio (Infantil)

  • Xogos (todos os niveis)

  • Festival Don Bosco en Primaria (9h) e Secundaria (11:45h)

O 2 de febreiro, estes dous centros escolares, celebran o Día Escolar da Non Violencia e da Paz, conxuntamente con outros centros concertados de Lugo. Ás 11:30h haberá un Xesto pola Paz na praza de Santa María.

I Congreso para mozos de Galicia organizado polos salesianos

A asociación Centro Xuvenil Abertal, socia fundadora da Federación de Centros Xuvenís Don Bosco de Galicia, organiza o I Congreso “Es o que comes” para mozos e mozas.

A xuntanza comezará a partires das 10:45 horas no Cine Salesianos (R/ Venezuela) de Vigo, onde será a acollida aos máis de 100 mozos e mozas de 15 a 19 anos de idade que se xuntarán.

Ambientado no formato dun Congreso,  haberá un relatorio inicial, a cargo da médica de familia Ana Prejigueiro (experta en nutrición). A partires das 12:00 haberá seminarios nos que se traballarán distintos aspectos relacionados coa saúde: física, psicolóxica, social e espiritual.

Ás 16:00 horas, hai unha celebración na parroquia Mª Auxiliadora na que se recolle o vivido ao longo da mañá.

O acto de clausura deste encontro realizarase ás 17:15 h no patio do centro.

O lema deste ano é “Es o que comes”. E participarán mozos e mozas que forman parte dos grupos xuvenís de tempo libre que funcionan todo o ano cun ritmo semanal e teñen momentos fortes como son o campamento de verán no mes de xullo, o Campobosco no mes de novembro, esta xuntanza no mes de xaneiro e en Semana Santa a Pascua Xuvenil. En total son preto de 500 mozos e mozas os que participan asiduamente destes grupos en toda Galicia. En Lugo, Ateibo (colexio salesiano da praza da Milagrosa).

Actividades da Asociación Xuvenil Ateibo

Dende o 27 de febreiro ao 1 de marzo, os máis pequenos poderán disfrutar das actividades de “Mañás de Entroido”, os tres días de 10:00 a 13:30 h (horario ampliado para os que o necesiten de 9 a 14 h), facendo xogos, obradoiro e compartindo tempo de lecer con outros nenos dende os 3 aos 12 anos de Educación Infantil e Primaria. Inténtase facilitar a conciliación da vida laboral e familiar proporcionando unha actividade de lecer educativo para os máis pequenos no seu tempo de vacacións.

O 11 de marzo comezará o Curso de Monitor de Tempo libre impartido pola Escola de Tempo Libre Don Bosco en Lugo, coa colaboración do colexio Salesianos. É unha titulación oficial homologada pola Xunta de Galicia. A parte teórica impartirase en varias fins de semana e días de vacacións escolares, dende o 11 de marzo ata o 3 de xuño. A inscrición pode facerse en liña.

Festivais solidarios para as familias organizados polo Colexio Divina Pastora

Despois das celebracións que tiveron recentemente en honra de San Xoán Bosco nos colexios salesianos de Lugo María Auxiliadora e Divina Pastora, este último organiza a partir do día 6 de febreiro os seguintes festivais solidarios para familias:

  • Luns 6 ás 19h no auditorio Gustavo Freire (alumnado de ESO)

  • Martes 7 ás 19h no auditorio Gustavo Freire (alumnado de Primaria)

  • Mércores 8 ás 19 h no salón de actos do Colexio Divina Pastora (Infantil).

San Xoán Bosco, mestre e amigo dos mozos

DON-BOSCOSan Xoán Bosco foi sacerdote, educador, pedagogo, escritor, poeta, mestre de mozos, fundador e sobre todo, santo.

Turín. Mediados do século XIX. Tempos difíciles para a supervivencia. Centos de mozos chegan á cidade fuxindo da miseria e da pobreza. Buscan unha vida máis digna nuns espazos novos e descoñecidos. Pero as súas esperanzas e os seus soños escurécense cando son explotados polos seus amos, cando teñen que traballar día e noite sen descanso e cando, en recompensa, só perciben malos tratos e soldos indignos. Na rúa, malvívese -prostitución, alcohol, frío- e a mala educación vai impregnando a existencia de miles destes mozos que, desconcertados, choran con nostalxia e desesperación os seus desexos dunha vida feliz.

E alí, faise presente un novo sacerdote, sinxelo, humilde, que chegara do campo, orfo de pai desde a infancia pero cunha vocación chea de tenacidade e confianza en Deus e capaz de encarnarse na realidade dos mozos ata convivir con eles, querelos, amalos e conseguir rescatalos daquela crúa realidade.

Tras ser ordenado e enviado como capelán ao cárcere de Turín, puido comprobar e sufrir nas súas carnes ata que punto a existencia dos residentes ía degradándose, perdendo e consumindo. Na rúa e no cárcere experimentou a experiencia da misericordia. Alí estaban os seus amigos, tirados ao bordo do camiño, feridos e abandonados, esperando a un bo samaritano.

Algúns dos seus contemporáneos, tanto da Igrexa como da sociedade civil, considerábano tolo e imprudente. Adoita suceder así coa maioría dos santos. Pero a historia real pon sempre as cousas no seu sitio e o seu prestixio como sacerdote e como educador dos mozos necesitados ou en risco,valeulle o respecto das autoridades civís e relixiosas do seu tempo e do seu país, así como unha gran fama no estranxeiro.

O día 1 de abril de 1934, soamente 46 anos despois da súa morte, Xoán Bosco era canonizado polo Papa Pío X. Xoán Pablo II conferiulle o título de `Pai, mestre e amigo dos mozos’.

Miles de poboacións, provincias, teatros, rúas, museos, colexios e universidades, levan o seu nome. Don Bosco segue vivo no pensamento e no corazón de moitos mozos de hoxe, na Congregación Salesiana, nas Asociacións de María Auxiliadora, nos oratorios, nos Institutos das Fillas de María Auxiliadora, e en innumerables lugares do mundo onde se aplica o seu sistema pedagóxico «preventivo» para a educación de nenos e mozos en situacións de risco. Hoxe é considerado o gran pai e mestre da mocidade.

A presenza das ramas masculina (Colexio Divina Pastora – Salesianos) e feminina (Fillas de María

Auxiliadora – Salesianas) en dous dos barrios e parroquias que máis creceron en Lugo cidade, A Milagrosa e Fingoi, é unha herdanza de Don Bosco que segue enriquecendo a Lugo no máis esencial para o futuro dun pobo: a educación.

Neste ano Santo da Misericordia, San Xoán Bosco, é un claro exemplo digno de imitar polo seu corazón próximo aos máis pobres e desvalidos ao estilo do corazón do Deus da misericordia.

Mario Vázquez Carballo

Vicario Xeral da Diocese de Lugo

A %d blogueros les gusta esto: