Conferencias sobre San Manuel González e a catequese

Do 25 ao 27 de febreiro organízase unha viaxe a Ávila para asistir a tres conferencias que se realizan na Universidade da Mística baixo o título “Itinerario misioneiro de san Manuel como catequista e mestre de catequistas”. As conferencias serán:

1- San Manuel González: catequista eucarístico e eucaristizador por Aurora Mª López Medina. Doutora en Dereito, profesora de Dereito canónico e diplomada en Teoloxía. Universidade de Huelva

2- Regras pedagóxicas, o gran fin da Catequese e a arte ao servizo da Catequese por Sergio Pérez Baena. Vicario episcopal e delegado de catequese e catecumenado (Zaragoza). Licenciado en Catequética

3- O gran medio: a graza, Os dous mellores libros dun bo catequista. O neno e o Evanxeo pola irmá Mónica Mª Yuan Corduviola m.e.n. Doutora en Xornalismo e licenciada en Ciencias Relixiosas. Universidade CEU San Pablo

A saída de Lugo será o venres 25 de febreiro ás 13 horas (Praza de Bretaña) e regrésase o domingo 27 ás 21 horas. Información: Irmá Esther: 619 98 58 81

Triduo na honra de San Manuel González

A partir do 2 de xaneiro na Catedral de Lugo celébrase un triduo na honra de San Manuel González, cos seguintes actos:

Domingo 2 de xaneiro ás 18 h: oración e vésperas eucarísticas.

Luns 3 de xaneiro ás 18 h na capela do Bo Xesús conferencia do prefecto de liturxia da Catedral, Manuel Castro Gay: “Llevar la Eucaristía a la vida y la vida a la Eucaristía según el pensamiento de San Manuel”.

Martes 4 de xaneiro ás 20 h: celebración eucarística. A colecta adícase ao Fondo Solidario San Manuel González.

4 de xaneiro, San Manuel González

O sábado 4 de xaneiro é a festa de San Manuel González, Bispo dos Sagrarios abandonados, fundador das Marías dos Sagrarios e das Misioneiras Eucarísticas de Nazaret. Foi adorador nocturno.

A Catedral de Lugo acolle o 4 de xaneiro os seguintes actos na honra de San Manuel González:

  • 19:00 horas: – Adoración Eucarística na Catedral Lugo. Con textos de San Manuel.

  • 19:30 – Rosario bíblico comentado por San Manuel.

  • 20:00 – Celebración da Eucaristía. Colecta: para Fondo Solidario San Manuel González. (Comedor de nenos en Venezuela) Entrega de folleto coas pinceladas máis importantes da súa vida.

Unión Eucarística Reparadora e Marías dos Sagrarios Discípulos de San Xoán – Lugo organizan estes actos.

Celebración de San Manuel González

O venres 4 de xaneiro a Catedral acolle as celebracións en honra de San Manuel González: ás 18:30h oración e ás 20h Eucaristía. A lembranza de San Manuel González tamén é ocasión para coñecer o Fondo solidario  da Familia Eucarística Reparadora. O recadado na colecta do día 4 irá destinado a un comedor infantil en Venezuela.

Os membros da Familia Eucarística Reparadora en Lugo (Misioneiras Eucarísticas de Nazaret, Marías dos Sagrarios), entre outras actividades, organizan este curso:

  • o primeiro domingo de cada mes, un acto eucarístico (vésperas) na Catedral ás 5 da tarde;

  • a acción “Lume á tardiña” os segundos martes na Catedral ás 6 da tarde;

  • unha charla de formación o terceiro martes de mes ás 5 da tarde na igrexa Santiago A Nova;

  • e os cuartos martes ás 5 de tarde, faise oración en localidades da Diocese onde non hai Misa diaria.

San Manuel González

 Unión Eucarística Reparadora – Marías dos Sagrarios e as Misioneiras Eucarísticas de Nazaret invitan aos fieis de Lugo a participar, na Catedral, na Eucaristía das 20h do 4 de xaneiro, festividade de San Manuel González.

 Con motivo desta festa, traemos aquí a semblanza que fixo José Lebón do santo:

É doado presentar a San Manuel González, “Bispo da Eucaristía”. A súa forte personalidade polifacética: como sacerdote; como fundador; como catequista; como escritor; como heraldo e misioneiro da Eucaristía.

A súa vida e a súa actividade poden condensarse e unificarse nesta frase dun dos biógrafos: ” …móstrasenos como unha perfecta testemuña de Xesucristo, como un acabado modelo de heroica fe eucarística”.

Nestas liñas, sinalemos unhas pequenas notas biográficas, deixando para outro momento outros aspectos interesantes da súa vida.

O 25 de febreiro de 1.877, nace en Sevilla o penúltimo dos cinco fillos que o piadoso matrimonio Martín González Lara e Antonia García Pérez regalan ao mundo. Tres días despois é bautizado na parroquia sevillana de S. Bartolomé e póñenlle os nomes de MANUEL Jesús de la Purísima Concepción, Antonio Félix deb la Santísima Trinidad. Sempre será nomeado co nome de “Manuel”. Agora San Manuel González!!.

En 1886, cando tiña 9 anos recibiu a “Primeira Comuñón” de mans do seu tío Cóengo da Catedral de Sevilla e poucos meses despois a “Confirmación”.

No colexio de San Miguel aprende as primeiras letras e admíteselle como “seise” (“corista” ou cantor da catedral) pola súa afección á música, o seu fino oído e a súa voz vibrante.

Aos 12 anos, en 1889 ingresa no seminario con bolsa para os seus estudos, polas súas boas notas e por ser de familia pobre.

Realizados brillantemente os seus estudos eclesiásticos nos anos 1900 e 1901 recibe todas as “ordes” e o presbiterado de mans do Beato Spinola.

Os primeiros anos da súa vida pastoral dedícaos á cidade de Sevilla (1.901-1905) simultaneando o seu labor coa predicación en varias “misións”. Unha delas en Palomares do Río, onde fortemente impresionado pola soidade e abandono do seu sagrario, é cando toma a firme resolución de dedicar todo o seu sacerdocio a ser apóstolo dos SAGRARIOS ABANDONADOS. El cóntanos dunha forma sinxela e vivencial a súa impresión desoladora

“…Fun dereito ao sagrario…Que Sagrario, Deus meu… alí de xeonllos… vía a un Xesús abandonado, calado, tan paciente, tan desairado, tan bo, que me miraba… naquel intre de Sagrario entrevín para o meu sacerdocio unha ocupación que antes non soñara”.

Ler máis

A %d blogueros les gusta esto: