Peregrinación a Terra Santa

Organizada polas parroquias da Milagrosa e San Antonio de Padua, do 19 de febreiro ao 1 de marzo de 2018 hai unha peregrinación a Terra Santa (Israel e Xordania). O programa é o seguinte:

Luns 19. A CORUÑA – MADRID – TEL AVIV

Saída 3.30 h PARROQUIA A MILAGROSA.

Visítase YAFO, a antiga Jope, o máis fermoso suburbio de Tel Aviv e o porto de Salomón.

Martes 20 TEL AVIV – CESAREA – HAIFA – CARMELO – TABOR – TIBERÍADES

Mércores 21. TIBERIADES – XORDAN – LAGO DE GALILEA – NAZARET – CANA

Xoves 22. XORDANIA – XERASA – MONTE NEBO – MADABA – AMMÁN

Venres 23. AMMÁN – WADI RUM. Aquí durmirase no medio do deserto en tendas con cea e espectáculo beduino.

Sábado 24. WADI RUM – PETRA – MAR MORTO

Domingo 25. MAR MORTO – MASADA – QUMRÁN – XERICÓ – XERUSALÉN

Luns 26. XERUSALÉN

Visita ao Monte das OLIVEIRAS, ao lugar da Ascensión, a gruta do Pai noso… Tamén se percorrerá a XERUSALÉN NOVA

Martes 27. XERUSALÉN – EIN KAREM

lMONTE SION, para visitar o Cenáculo, a Tumba de David, e celebrar a Eucaristía. EIN KAREM é a patria de Xoán Bautista

Mércores 28. XERUSALÉN – BELÉN – MURO DAS LAMENTACIÓNS de XERUSALÉN

Xoves 1 de marzo. XERUSALEN – TEL AVIV – A CORUÑA

Percorrerase a VIA DOLOROSA, cumio da viaxe: seguindo os pasos da Paixón, Morte, Resurrección de Xesús: estacións da Vía Dolorosa, Calvario, Santo Sepulcro coas súas diversas Capelas e Santuarios: Celebración da Eucaristía. Traslado ao aeroporto, voo en liña regular. TEL AVIV/16.05h -MADRID/20.15h – 21.40h – A CORUÑA/22.55h. Continuación da ruta en autocar ata o punto de orixe.

Peregrinación a Terra Santa

Peregrinac Terra Santa0001 copiar

O luns 25 ás 7 da tarde no salón parroquial de San Francisco Xavier preséntase a peregrinación a Terra Santa organizada pola parroquia. Estará Juan Fridman, xudeu con máis de 30 anos na profesión de guía e que participou na organización das viaxes de San Xoán Paulo II, Benedito XVI… a Terra Santa.

O programa da peregrinación que se fará en xullo desde Lugo é o seguinte:

Día 1 / 01 xullo Lugo – TeI Aviv

Día 2 / 02 xullo Tel Aviv – Haifa – Tiberiades

Día 3 / 03 xullo Tiberíades Cafarnaum Nazaret

Día 4 / 04 xullo Tibeiriades – Jerash – Monte Nebo- Madaba-Petra

Día 5 / 05 xullo Petra – Mar Morto

Día 6 / 06 xullo Mar Morto – Masada – Xericó – Qumram – Xerusalén.

Día 7 / 07 xullo Xerusalén

Día 8 / 08 xullo Xerusalén – Belén

Día 9 / 09 xullo Xerusalén

Día 10 / 10 xullo Xerusalén Betania

Día 11 / 11 xullo 2016 Xerusalén – Tel Aviv – Lugo

[Ver programa completo]

En Terra Santa

Cenáculo

Sacerdotes lucenses celebrando a Eucaristía no Cenáculo

Visitar Terra Santa é unha experiencia única. É certo que non se trata dunha visita obrigada para un cristián que queira ser digno de tal nome; non é necesario peregrinar alí para completar o itinerario da fe. Pero, sen dúbida, percorrer a xeografía bíblica de Israel e Xordania non deixa a ninguén indiferente, é unha viaxe diversa de calquera outro que poidas facer, e iso aínda que o signo que supón tal visita sexa claroscuro ou se presente con gran humildade.

Quen tivemos o agasallo de visitar recentemente Terra Santa puidemos experimentar in situ como ao longo dos días se confirmaba unha vez máis a natureza do cristianismo: tal e como no seu día escribira Luigi Ciussani nunha circunstancia similar, nesta viaxe un pode contemplar que “Deus se fixo presente ao home a través dunha realidade humana circunscrita a un determinado contexto, leal con todas as condicións do home e do momento histórico no que elixiu manifestarse”. E é que o carácter histórico da nosa fe queda ante os ollos cunha nudez desafiante. Iniciando en Galilea e subindo a Xerusalén aos poucos, como resumidamente podería dicirse que foi o camiño de Xesús, de Galilea a Xerusalén, todos os lugares que a calquera que escoitase o Evanxeo uns cantos anos resultaranlle familiares aparecen agora, traendo o recordo dos eventos sucedidos alí fai dous mil anos. E aparecen xa non como ideas senón como rúas ou ruínas, fontes, igrexas construídas sobre lugares santos a modo de grandes relicarios, montes, lagos, ríos.., que son os mesmos, co inevitable paso do tempo, que un día foron escenario e testemuñas da historia de Deus co seu pobo Israel e, sobre todo, do camiño de Deus por este mundo en Xesús de Nazaret.

Ao peregrinar a Terra Santa concédenseche, así, grandes axudas para fortalecer a memoria viva dun acontecemento que non quedou recluído no pasado. Podes visitar os comezos de toda a historia de Xesús en Nazaret, e permanecer en contemplación ante a casa na que María recibiu o anuncio de que sería a Nai de Deus; podes navegar polo lago de Galilea ou de Tiberíades, onde Xesús chamou aos seus discípulos ou se lles apareceu resucitado; podes subir ao monte das benaventuranzas e lembrar que alí, dous mil anos atrás, o Mestre pronunciou o sermón da montaña; podes ir ao Xordán para revivir o bautismo de Xesús e contemplar as paraxes nos que Xoán Bautista predicaba e indicaba a chegada do Mesías; podes pasear polo campo dos pastores, en Belén, lugar do primeiro gozoso anuncio de Nadal; podes, sobre todo, entrar con emoción na cidade de Xerusalén, percorrer as súas rúas e chegar até a igrexa do Santo Sepulcro, meter a man no oco da cruz e venerar a tumba baleira que un día gardou o corpo de Xesús e viu a resurrección…

E un longo etcétera imposible de describir en poucas liñas, que configura un percorrido de fe e de historia bíblica cuns horizontes tan extensos como os que fisicamente un pode contemplar se sobe, como noutro tempo Moisés, ao monte Nebo e contempla a Terra Prometida. Altamente recomendable… e até necesario para seguir apoiando coa presenza aos cristiáns que custodian os así chamados Santos Lugares.

David Varela

Reitor do Seminario

Peregrinación a Terra Santa

Peregrinación a Terra Santa organizada polo Seminario 1

Peregrinación organizada polo Seminario co desexo de que a visita aos lugares que coñeceron a vida histórica de Xesús axude aos participantes a facer o camiño da formación e da vocación con maior gozo. Programa:

13 xullo.- Lugo – Tel Aviv

14 xullo.- Tel Aviv – Tiberiades (Dia de María): Nazareth. Basílica da Anunciación; Igrexa de San Xosé, Haifa. Cesarea a Marítima.

15 xullo.- Tiberiades (Día de Xesús e o seu ministerio) Mar de Galilea, Cafarnaum, Monte das Benaventuranzas, Caná, Monte Tabor.

16 xullo.- Tiberiades – (Xerusalem como El a Xerusalem) Nablus, Xericó e Monte da Cuarentena, Qunram, Mar Morto, Deserto de Xudea, Cenáculo.

17 xullo.- Xerusalem (A Alegria da Natividade) Belén, Monte Sión, Barrio Xudeu, Vía Dolorosa, Santo Sepulcro.

18 xullo.- Xerusalem (Dor e Paixón do Señor) Explanada do Templo, Monte das Oliveiras, Ein Karem.

19 xullo.- Xerusalem (A Resurreccion e a Vida): Via Crucis, Via Dolorosa, Santo Sepulcro.

Viaxe-peregrinación a Terra Santa dun grupo de lucenses

Renovación promesas bautismais en Caná de Galilea

A Parroquia da Milagrosa organiza unha viaxe-peregrinación por Terra Santa.

Non é imprescindible para a fe visitar Terra Santa. Para a fe é imprescindible ter a experiencia de atoparse con Cristo resucitado, e isto prodúcese en calquera lugar do mundo, porque é unha experiencia que transcende os límites xeográficos…

Esta viaxe, na que teño posta moita esperanza, é unha oportunidade de poñer unha imaxe aos lugares dos que fala o Evanxeo. Seguro que a miña forma de vivir a fe, de ler a Biblia e de facer oración será distinta.

O grupo formámolo 45 persoas, das que nove somos sacerdotes. Case todos nos coñecemos das parroquias de Lugo e estamos en familia. A experiencia dos primeiros días está resultando moi boa: todo sorprendente e todo novidade, fóra diso unha nevada que fixo cambiar algunhas cousas. Polo demais, sen sensación de perigo e con tranquilidade nese sentido.

Xa visitamos Cesarea, o monte Carmelo, o Lago de Galilea, o monte das Benaventuranzas e da multiplicación dos pans, Cafarnaún, Caná, Nazaret, o monte Tabor, o Lugar do Bautismo de Xesús no Xordán, o monte Nebo, Xericó, Betania, Xerusalén. Na parte simplemente turística da viaxe visitamos Xerasa, Petra, o mar Morto, Masada e penetramos no deserto, con paseo en camelo incluído.

En Caná os matrimonios renovaron os compromisos matrimoniais. No Xordán todos renovamos as promesas bautismais. Ademais, todos os días celebramos a Misa nalgún lugar significativo e lemos as pasaxes bíblicas que mencionan o acontecido nos lugares que visitamos.

Miguel Ángel Álvarez

A %d blogueros les gusta esto: