O 22 de xullo finalizou o Campamento Urbano XXII “A volta ao mundo en 12 días” que organizou Cáritas Diocesana desde o 11 de xullo en Lugo no Colexio María Auxiliadora de Lugo e unha fin de semana en Laxe. Cada un dos 75 nenos participantes levouse un pasaporte no que se recollen as actividades realizadas, un libro e unha morea de experiencias vividas nos distintos talleres, xogos… preparados por monitores. Entre estes contábase con antigos monitores e outros en prácticas.
Ovidio comezou como monitor hai varios anos nos Campamentos Urbanos de Cáritas, coñeceu neles á súa esposa e despois de probar distintas ocupacións laborais, decantouse polo que lle gustaba: traballar con nenos e agora leva unha empresa de animación.
Marta é unha rapaza diplomada en Ciencias Empresariais que traballa nunha asesoría. Había tempo que tiña interese en facer un curso de monitora de tempo libre agora vai obter o título coas prácticas que acaba de realizar no Campamento Urbano de Cáritas.
Sobre o vivido, Marta di que “rompe as expectativas que podería ter calquera, porque esperábame un campamento con 2 ou 3 actividades pero aquí hai moitas máis”. Tamén destaca a involucración dos voluntarios, que non se limitan a cumprir sen máis, senón que adican a máxima atención e todo o tempo necesario aos nenos, logrando que vivan a fondo o Campamento e disfruten.
[Ver álbum da festa de clausura do Campamento]