Corpus Christi, Día da Caridade

Con motivo de celebrarse esta segunda semana de xuño a solemnidade do Corpus Christi, Cáritas leva a cabo a campaña do Día da Caridade co lema “O poder de cada persoa”. Refírese Cáritas ao poder de cambiar e transformar o estilo de vida de forma que reflicta o ser e o facer de Xesús. E diríxese non só ás persoas vinculadas à organización, senón tamén ás que ven con bos ollos o seu labor e a todas as que se consideran convidadas a reconstruír a sociedade dun xeito novo.

Desta forma, celebrar o Día da Caridade adquire unha nova dimensión. Xesús convida a percorrer o seu camiño, sen aforrar a cruz, pero si dándolle sentido. Cáritas propón tecer comunidades de esperanza onde se acolle e escoita, onde se ora e celebra, comunidades nas que hai encontro e perdón, onde é posible sanar e facerse cargo dos máis fráxiles, comunidades proféticas que toman partido e denuncian as inxustizas.

[Mensaxe dos bispos da Subcomisión Episcopal de Acción Caritativa e Social]

[Vídeo]

Deixa un comentario

Este sitio emprega Akismet para reducir o spam. Aprende como se procesan os datos dos teus comentarios.

A %d blogueros les gusta esto: