Lugo

IX Encontro do voluntariado de Cáritas Galicia

CREATOR: gd-jpeg v1.0 (using IJG JPEG v62), default quality

O sábado 4 de xuño máis de 500 persoas desembarcarán en Mondoñedo, entre voluntarios, técnicos e membros dos equipos directivos das cinco Cáritas galegas.

O programa de actos, a partir das 10 h no claustro do Real Seminario ‘Santa Catalina’, inclúe unha degustación da tradicional tarta de Mondoñedo, Eucaristía na Catedral-Basílica, presidida polo bispo diocesano, Mons. Luis Angel de las Heras; saúdo de benvida a cargo da alcaldesa da cidade, Elena Candia, na Praza da Catedral, onde tamén se realizará unha foto de familia con todos os participantes; a conferencia ‘O voluntariado de Cáritas: pegada de misericordia’, pronunciada polo responsable de Voluntariado de Cáritas Española, Emilio López Salas.

Despois da comida no Seminario hai catro saídas culturais: Catedral e Museo Diocesano; Barrio de ‘Os Muíños’; Centro de interpretación do Camiño Norte; Basílica de San Martiño de Foz.

Pregón da Caridade

Myriam García Abrisqueta 1O mércores 25 de maio o Círculo das Artes de Lugo acolleu a 25º edición do Pregón da Caridade, a cargo de Myriam García Abrisqueta, conselleira de designación episcopal en Cáritas Española, ex presidenta de Mans Unidas.

Segundo Myriam García, o compromiso que asume Cáritas ten 5 características:

1) poñer a dignidade da persoa nun lugar central,

2) defender os dereitos das persoas,

3) responsabilidade que nos une uns a outros,

4) traballar pola xustiza para ir contra as causas que orixinan sufrimento,

5) esperanza cristiá, perseverando no traballo

Na súa intervención foi glosando os compoñentes da palabra “compromiso”, que inclúe o concepto ‘adiante’. Concepto que a Myriam García traíalle á mente a imaxe da Virxe dos Ollos Grandes co Neno Xesús, ao que acaba de alimentar, entre as súas mans, moi preto do seu corazón, e coa mirada levantada. O Papa Francisco dicíalles aos membros do Comité Executivo de Cáritas Internacional que tivesen a esperanza mirando cara adiante, como a mirada da Virxe dos Ollos Grandes, unha mirada entrañable, que nace de dentro, que está chea de misericordia e de esperanza, na que cabemos todos. Esta é tamén a mirada de Cáritas.

Pregón Caridade público

Actos de Cáritas Lugo con motivo do Día da Caridade

O mércores 25 de maio terá lugar ás 20h no Círculo das Artes de Lugo o Pregón da Caridade, con motivo da celebración do Corpus Christi, que será o domingo 29. O pregón estará a cargo de Myriam García Abrisqueta, conselleira de designación episcopal en Cáritas Española, ex presidenta de Mans Unidas.

O xoves 26 de maio

• Dende as 10:30 da mañá ata as 13:30 do mediodía, haberá en Lugo, mesas para recoller donativos, atendidas por persoas voluntarias.

• Ás 18:00 Acto da campaña educativa no que se entregarán agasallos aos nenos/as participantes no salón de actos do Seminario.

• Ás 19:00 Realización de actividades para os nenos/as, organizadas polo Servizo de Infancia e Xuventude de Cáritas Diocesana de Lugo.

Domingo 29 de maio

• Dende as 10:30 da mañá ata as 14:00 horas, haberá en Monforte, Sarria, Melide, Silleda e Lalín mesas para recoller donativos, atendidas por persoas voluntarias.

• Colectas nas misas de toda a Igrexa Diocesana.

Exposición sobre Cervantes no Seminario

Expo Cervantes autógrafos

A Biblioteca do Seminario exhibe durante o mes de maio unha exposición con motivo do IV Centenario da morte de Cervantes. Consta de catro partes:

  • Unha sección céntrase en diversas biografías ademais dunha edición facsímil que reúne por primeira vez os doce documentos escritos da súa propia man (na imaxe superior, dous deses autógrafos);
  • outra está dedicada á relación que estableceu Galicia con Cervantes a través dos seus escritores autóctonos;
  • unha terceira parte está integrada polos diversos estudos, ensaios e a pegada que deixou Cervantes na nosa cultura;
  • e, para rematar, diversas edicións de El Ingenioso Hidalgo Don Quijote de la Mancha, publicadas este ano para conmemorar o IV Centenario da súa morte.

O Colexio María Auxiliadora participa na campaña Domisal de toda España e Portugal

domisal

O colexio María Auxiliadora de Lugo participa nunha campaña chamada DOMISAL. É unha iniciativa que une a todos os colexios de Salesianas de España e Portugal para dar a coñecer un proxecto das Fillas de María Auxiliadora en países en vías de desenvolvemento e recadar fondos para o mesmo.

Este ano o obxectivo é o sur da India: na localidade de Kanakakunnu mellórase a vida de 150 familias con cursos de capacitación en agricultura e compostaxe, repartindo sementes e axudándolles na construción e reparación de tanques e pozos.

Iniciativas:

– Na portaría do colexio María Auxiliadora, hai huchas nas que se poden deixar achegas económicas.

– Que sabes sobre India? Do 12 ao 20 de abril, está en marcha un pasatempo para descubrir India. Entre os alumnos participantes, sortéanse algúns exemplares do conto O soño de Pragasi editado pola ONGd Madreselva. Os participantes achegarán a cantidade simbólica de 30 céntimos.

– Mercadiño. Do 18 ao 21, nos recreos e o venres 22, na entrada de Mariña Española.

– Diariamente, nos Bos Días dáse a coñecer a realidade de Kanakakunnu e apréndese a valorar a auga e as plantas.

A %d blogueros les gusta esto: