Lugo

Cáritas Sarria cumpre 50 anos

En 1965 iniciaba o seu labor Cáritas Interparroquial de Sarria polo que celebran as vodas de ouro.

O venres 4 ás 20h hai unha Eucaristía de acción de grazas e en memoria dos voluntarios e colaboradores xa desaparecidos. Esta Misa na igrexa de San Salvador estará oficiada polo Vicario xeral da Diocese.

Ás 21.30 h no hotel Alfonso IX, haberá unha cea benéfica. Parte do recadado dedicarase aos fins solidarios da entidade. Á cea poden acudir voluntarios, colaboradores e cidadanía en xeral. No transcurso da mesma a directiva de Cáritas repasará o feito nestes 50 anos.

Para este mes de decembro programa un mercado solidario e unha nova Operación quilo nos supermercados da vila.

Cea solidaria en beneficio de Anciáns do Mundo-Monforte

O día 27 hai en Monforte unha cea solidaria en beneficio de Anciáns do Mundo.

O capelán do hospital comarcal de Monforte, Miguel Vázquez López, puxo en marcha fai 3 anos unha delegación de Anciáns do Mundo, que saca á xente maior da rúa e faise cargo das súas necesidades. Páganselles habitacións en hospedaxes, axúdaselles para que poidan arranxar os papeis e recibir axudas oficiais. En Monforte asisten a unhas doce persoas. A algunhas delas conseguiuse sacalas da rúa. Préstase axuda nos domicilios. Nos casos máis graves hai que educar ou reeducar aos anciáns.

A organización está integrada por sete persoas e contan coa axuda de socios e do persoal de asuntos sociais, tanto do hospital como do Concello.

Desde que se fundou o colectivo, organiza anualmente unha cea de solidariedade na que actúa desinteresadamente un grupo musical. Na cea do día 27 actuará o grupo Camelia.

Recital concerto en torno a Santa Teresa de Xesús

Paloma G borrero na capela do Bo Xesus

O xoves 12 de novembro na Capela do Bo Xesús da Catedral houbo un recital – concerto con motivo do recentemente clausurado V centenario do nacemento de Santa Teresa de Xesús. Paloma Gómez Borrero relatou aspectos da súa vida e a continuación tamén interviñeron un barítono e un pianista. O barítono Luis Santana e o pianista Antonio López Serrano, que basearon a súa actuación en varios textos poéticos da santa de Ávila.

Concertos de Sólo Voces e do Orfeón Xoán Montes

Copia de 11 novembro día 7 concerto na igrexa A NovaO sábado 7 de novembro ás 12h o grupo vocal Sólo Voces dará un concerto na igrexa Santiago a Nova (Lugo) interpretando temas de polifonía relixiosa da Península Ibérica baixo a dirección de Fernando Gómez Jácome. O repertorio de Sólo Voces abrangue os ámbitos máis diversos (desde o máis serio ao máis humorístico) e en música sacra publicou o disco “Nihil novum sub sole”.

O  día 7 de novembro, celébrase o “IX Concerto de Outono” a partir das 19,45 horas na Igrexa de S. Pedro, este ano acompañarán ao Orfeón Xoán Montes o Coro Facundino de Sahagún (León) dirixido por Svetlana Krichtopova. Na mesma igrexa de S. Pedro o 14 de novembro ás 20h actúan os colectivos “Cantar delas” e ” EntrElas”.

Exposición fotográfica “Tralas luces: soños e medos de mulleres”

Exposición Muller

A Área de Muller de Cáritas Diocesana de Lugo organiza unha exposición fotográfica itinerante, onde once mulleres en contextos de prostitución -algunha delas vítimas de trata de seres humanos- mostran os seus soños e os seus medos a través de fotografías realizadas co móbil. Así mesmo, as participantes desta acción explican as súas imaxes con comentarios escritos polo seu puño e letra.

Esta exposición pode verse na Biblioteca Intercentros do Campus de Lugo (ata o 13 de novembro).

Os doce paneis que compoñen a exposición fotográfica van acompañados de material informativo sobre a prostitución, a explotación sexual e a trata de persoas.

A %d blogueros les gusta esto: