Vodas de ouro e prata sacerdotais

Con motivo da celebración do patrón do clero, San Juan de Ávila, a Diocese de Lugo ten este ano unha consideración especial cos sacerdotes ordenados en 1970 e 1995.

Vodas de ouro sacerdotais

– Benjamín Álvarez Freije

– Luis Férnandez Chousa

– Cosme Insua López

– Ramón Revuelta Refojo

– José Antonio Veiga Maceda

Vodas de prata sacerdotais

– Alfonso Fraga Ríos

– José Manuel Melle Parajuá

– José Ramón Pena Taboada

– José Ramón Pérez García

– Severino Piñeiro García

[Textos para a preparación da festa de San Juan de Ávila]

Encontro de antigas alumnas do Colexio Santísimo Sacramento

Onde agora está o convento das salesas, á beira da Casa Diocesana, houbo o Colexio Menor Feminino Santísimo Sacramento, casa de formación cristiá e promoción da muller estudante, creada polo Bispo Don Antonio Ona de Echave. Hai 50 anos a provincia de Lugo só contaba con tres centros de ensinanza secundaria (Lugo, Ribadeo, Vilalba).

O 14 de maio na capela do Mosteiro da Visitación haberá unha Eucaristía coa que comezan o seu encontro as alumnas do curso 1966-1967, que ese día estarán en Lugo procedentes de varios lugares de España. A continuación haberá unha comida de confraternización.

Interpretación de “Misa a San Froilán” na igrexa de Santiago A Nova

misa-a-san-froilan-face

O venres 28 ás 20h na igrexa de Santiago a Nova será interpretada a Misa a San Froilán. Esta Misa, composta por Xavier de Acosta foi estreada o pasado 5 de outubro e agora será cantada por Marcos Fernández Mosquera, director del Orfeón Lucense.

Outra Misa cantada na mesma igrexa será o sábado 29 ás 20h. Neste caso Esperanza Iglesias tocará o órgano. Ás 20:30h iníciase un concerto do conxunto coral Lugh e a Asociación Cultural e Musical Solfa de Santiago.

Teatro: Na Parroquia Santiago a Nova intentan sacar adiante unha aula de teatro aberta a quen teña máis de 10 anos e desexe espertar e desenvolver os dotes de artista. Formaríase un pequeno grupo e logo fixar horarios e concretar as actividades.

Cáritas Sarria cumpre 50 anos

En 1965 iniciaba o seu labor Cáritas Interparroquial de Sarria polo que celebran as vodas de ouro.

O venres 4 ás 20h hai unha Eucaristía de acción de grazas e en memoria dos voluntarios e colaboradores xa desaparecidos. Esta Misa na igrexa de San Salvador estará oficiada polo Vicario xeral da Diocese.

Ás 21.30 h no hotel Alfonso IX, haberá unha cea benéfica. Parte do recadado dedicarase aos fins solidarios da entidade. Á cea poden acudir voluntarios, colaboradores e cidadanía en xeral. No transcurso da mesma a directiva de Cáritas repasará o feito nestes 50 anos.

Para este mes de decembro programa un mercado solidario e unha nova Operación quilo nos supermercados da vila.

A %d blogueros les gusta esto: