Presentación do libro Titanes contra pobreza, que conmemora os 50 anos de Cáritas de Lugo

Presentación libro Titanes contra pobreza

A Deputación de Lugo acolleu o día 15 a presentación do libro Titanes contra pobreza, co que se conmemoran os 50 anos de Cáritas Diocesana en Lugo.

O autor do libro, José de Cora, explicou que “a obra é como un álbum de fotografías no que se rende homenaxe a todos os implicados nos 50 anos de historia de Cáritas na provincia; e no que se pode apreciar a grandísima evolución no seo da propia organización durante todos estes anos”

O Director de Cáritas, Ginés Plaza, sinalou a importancia desta obra para lembrar “o labor de tantos lucenses: voluntarios, socios, colaboradores e traballadores de Cáritas en apoio aos máis desfavorecidos da sociedade; todos eles foron e son parte fundamental da historia desta institución, así como de Lugo, e así se ve reflectido neste libro”

O Bispo de Lugo, quixo pór en valor a creación de Cáritas un 4 de xuño de 1964, pois foi “a expresión da fe profunda do pobo de Lugo a Xesús Sacramentado presente no altar maior da Catedral. Este libro fala da sinxeleza da nosa Igrexa e de Cáritas que ten acompañado a moitas persoas, atendido moitas necesidades e consolado moitos sufrimentos. Como Igrexa debemos estar no medio do mundo e que a nosa presenza faga posible o encontro, o diálogo e a esperanza, sen aceptar exclusións, divisións ou marxinacións”.

Pola súa banda, a secretaria xeral da Igualdade, Susana López Abella, lembrou o traballo desinteresado de Cáritas na loita contra a pobreza e a exclusión social. Destacou o traballo que nos últimos anos están a desenvolver para axudar e atender ás mulleres que exercen a prostitución ou son vítimas de trata.

Presentación libro Titanes contra pobreza público

Deixa un comentario

Este sitio emprega Akismet para reducir o spam. Aprende como se procesan os datos dos teus comentarios.

A %d blogueros les gusta esto: