Inmaculada

“Madre ven” na Diocese de Lugo

Un grupo de laicos e sacerdotes propúxose levar á Virxe aos fieis españois para pedirlle consolo e esperanza en Cristo. Tras facer unha peregrinación que comezou en Zaragoza no mes de maio, unha imaxe da Inmaculada procedente de Éfeso chegaba a Santiago o 25 de xullo. E ao día seguinte inicia na Diocese de Lugo a segunda parte do periplo que ata outubro levará a imaxe da Virxe polo resto de España.

Poucos minutos despois das 11h do 26 de xullo a imaxe da Inmacula subía pola rúa do Carme para estar na Capela do Carme, desde alí foi en procesión ata a Catedral, onde se celebrou unha Misa solemne na honra da Inmaculada.

Pola tarde está no Santuario da Nosa Señora do Corpiño (Lalín, Pontevedra) onde será recibida polo reitor e os fieis e levada en procesión.

Ás 18:00 h. celébrase unha Misa Solemne no Santuario.

Ás 20:00 h hai unha Vixilia coa Virxe: adoración ao Santísimo Sacramento, rezo do Santo Rosario e de vésperas.

A imaxe da Inmaculada permanece no Santuario até o día 27 de xullo pola mañá.

Nacho López Perea, un dos coordinadores da peregrinación “Madre ven”, dicía o seguinte á súa chegada a Lugo:

“Cando comezamos a pensar que tiñamos que facer unha homenaxe á Virxe nestes tempos tan difíciles nunca imaxinamos que puidese ser tan bonito e que a xente estivese tan entregada. Si sabiamos que ía mover moitos corazóns pero está superando calquera expectativa. Estamos chegando a todos os pobos e mesmo a xente sae ao encontro da imaxe polos camiños. Levamos 3 meses peregrinando e quédannos outros tres. Aínda que ultimamente se fale doutras cousas, nótase que esta é unha Terra de María, e ogallá que o siga sendo”

[Fotos]

Actos con motivo da solemnidade da Inmaculada Concepción da Virxe María

O sábado 7 de decembro ás 19 h na Parroquia de A Milagrosa, Lugo, celébrase a Vixilia da Inmaculada. A Delegación de Pastoral Familiar convida a participar neste acto ás familias lucenses.

O propio día da festividade da Inmaculada Concepción, o 8 de decembro na Catedral de Lugo celébrase unha Misa Solemne presidida polo Bispo da diocese. Intervén o Orfeón Lucense e ao finalizar a Eucaristía impártese a bendición Papal.

Celebracións en honra da Inmaculada Concepción

Cando se aproximan as festas de Nadal, con celebracións tan entrañables para as familias, a Diocese quere ter presente esta realidade familiar, vivíndoa como algo gozoso, que nos constrúe na nosa vida persoal e na nosa vida de fe arredor da Virxe María. Para iso organízase a Vixilia da Inmaculada o venres 7 de decembro ás 19:30 h na Parroquia da Milagrosa. Estará presidida polo Bispo da Diocese.

O proprio día da Inmaculada, o 8 de decembro, ás 13h será a Eucaristía na Catedral, e ese mesmo día acudirán en peregrinación fregueses do Centro interparroquial San Xosé Obreiro de Oural.

Celebración da Inmaculada Concepción

– Vixilia da Inmaculada

O 7 de decembro na igrexa da Milagrosa (Lugo) terá lugar ás 19:30h a Vixilia da Inmaculada, que estará presidida polo Bispo, Mons. Alfonso Carrasco. É un acto organizado pola devandita Parroquia e a Delegación Diocesana de Pastoral Familiar.

– Inmaculada Concepción da Benaventurada Virxe María

Na Catedral de Lugo, a celebración do propio día da Inmaculada (8 de decembro) será ás 13h cunha Eucaristía presidida polo Bispo, Mons. Alfonso Carrasco.

O fascinante misterio dunha muller

Durante a semana que acaba de transcorrer entre os domingos 4 e 11 de decembro celebramos en España dúas festas en feminino singular: A Constitución e a Inmaculada. Sobre a primeira e a súa necesidade de reforma e actualización escribiuse xa demasiado. Non así, con todo, sobre a segunda, moito máis antiga e importante, máis universal e venerada en miles de recunchos da nai terra e sobre todo, amada e celebrada como ningunha muller da historia. Na teoloxía máis recente, desde finais do século pasado, houbo e hai unha nutrida literatura en clave de muller, algunha misoxinamente elaborada, que redescobre e demostra non só todo o que as mulleres deron á Igrexa no curso dos séculos, senón tamén todo o que a Igrexa deu ás mulleres, ofrecéndolles posibilidades que a sociedade laica do seu tempo nin sequera concibía nin imaxinaba. A afirmación anterior, por se a alguén se lle ocorre pensar que quen o di é un home, non é miña, é o pensamento de Giulia Galeotti, xornalista, doutora e escritora italiana especialista en temas cristiáns.

Un dos tópicos do pensamento dominante contrapón facilmente ás mulleres entendidas como grupo social que loita pola súa propia emancipación e, por outra, á Igrexa católica vista como o gran obstáculo para o logro dunha plena liberación feminina. Non é que todo sexa falso. É certo que a Igrexa pode ter aínda algún problema coas mulleres e con todo, é indubidable que a mensaxe de Xesús foi e é en grao sumo liberadora, non só en relación coa sociedade do seu tempo, senón tamén respecto ao contexto actual, como mulleres e homes do terceiro milenio. Soamente quen nunca coñeceu e meditou os Evanxeos sería quen de afirmar o contrario. O cristianismo xorde poñendo a mirada no protagonismo dunha muller a través dunha mensaxe divina sobre a Encarnación do Fillo de Deus a unha novísima rapariga de Nazaret. E trinta anos despois, aparecéndose a María Madalena para que vise e testemuñase ao mundo que aquela historia non acababa na Cruz senón na Resurrección do Fillo de Deus.

Os Evanxeos describen a María de Nazaret, a Inmaculada, como unha sinxela muller singular que soborda espiritualidade, fe e silencio. A nai que canta á liberdade, a un Deus que acode á terra facéndose pobre cos pobres para enriquecelos coa súa divinidade, que fai marabillas cos pequenos, que desbarata os plans dos poderosos e que enaltece aos humildes. Esta historia singular que considera a María como expresión suprema do feminino desbordouse dun xeito especialísimo na piedade tradicional do pobo cristián español. Foi o pobo cristián movido polo Espírito Santo o que impulsou o dogma da Inmaculada e mesmo ante a oposición de teólogos e algúns grandes santos. Por iso, cada ano, na praza de España de Roma, ao pé do monumento adicado á Inmaculada, os Papas renovan, pola tarde, a homenaxe á doce Nai da Graza. Unha festa que ilumina, como un faro esplendoroso, este tempo de preparación para o Nadal e que brilla como signo de esperanza segura e de consolo para o pobo de Deus en camiño.

J. Mario Vázquez Carballo

Vicario Xeral

A %d blogueros les gusta esto: