Mesa redonda sobre a caridade organizada pola Delegación de Misións

O martes 3 de outubro ás 20h no salón de actos da Deputación Provincial hai unha mesa redonda titulada A caridade, alma da misión. Moderados polo Vicario de Pastoral, Luis Manuel Rodríguez, intervirán:

  • Laura Campoy Vázquez, Presidenta de Mans Unidas de Lugo

  • Mónica Yáñez Devesa, Secretaria xeral de Cáritas Lugo

  • Jesús Manuel Santiago Vázquez, Delegado de Misións de Lugo

É un acto organizado por Obras Misionais Pontificias e a Delegación de Misións de Lugo.

Gran misión na Praza Maior de Lugo

Durante cinco domingos de Pascua ás 12h levaránse a cabo misións na praza Maior de Lugo. O contido destes encontros é o das catequeses para a iniciación cristiá que realiza o Camiño Neocatecumenal. Levándoas á rúa, ofrécense a tanta xente que non vai polos templos e á quen Xesucristo quere saír ao seu encontro.

En cada convocatoria, despois de interpretar cánticos, e que algunha persoa conte a súa experiencia de fe, un catequista predica unha das catequeses.

Infancia Misioneira 2017

A Xornada da Infancia Misioneira celébrase o día 22 co lema “SÍGUEME” e nos días previos estará na Diocese de Lugo Rolando Ruíz, misioneiro xaveriano natural de México, que estivo moitos anos en África e agora reside España. Xunto co delegado de Misións, Jesús Santiago, recorrerá diversos puntos da Diocese desde o luns 16, día adicado ao contacto cos nenos e os peregrinos no Cebreiro. O martes 17 estarán en Palas de Rei. O mércores 18 no C.E.I.P. A Gándara de Monforte de Lemos e ás 19:30 h haberá un encontro con catequistas e pais na Parroquia San Francisco Xavier, Lugo. O xoves 19 as actividades faranse con nenos de Mosteiro e Melide. O venres 20 pola mañá no Colexio Divino Mestre de Lugo e pola tarde de 18h a 20h haberá un encontro cos nenos de todo Lugo no Pazo dos deportes. Estarán acompañados por un dos xogadores do segundo equipo do Breogán que fixo a pretemporada con eles e que é de Níxer. Pódese levar algo de material escolar para poder enviarllo aos nenos de Níxer. Será unha acción misioneira concreta en favor dos nenos máis necesitados. Haberá varias actividades durante esas 2 horas nas cales os nenos aprenderán a ser solidarios e misioneIros, ademais de realizar varias actividades deportivas.
O sábado 21 será na Parroquia da Milagrosa e na Misa de 19:30h na Parroquia San Antonio de Padua. E o domingo 22 conclúe esta campaña da Infancia Misioneira en Monforte.

Concurso de postais de Nadal convocado por Infancia Misioneira

concurso-christmas

Con motivo da celebración da Xornada de Infancia Misioneira 2017, co lema “Sígueme”, Obras Misionais Pontificias e o Secretariado de Infancia Misioneira convocan, con vistas ás festas de Nadal deste 2016, un concurso de postais, que recollerá a visión dos nenos sobre a devandita celebración. O concurso consiste no deseño dunha tarxeta con motivos de Nadal.

Premiarase a orixinalidade e a beleza da mesma.

O prazo do concurso remata o 20 de novembro. As postais deben presentarse na Delegación Diocesana de Misións, situada no Bispado, Praza de Santa María, 1 – 1º, indicando no sobre “Concurso de Christmas de Infancia Misioneira”.

Celebración da Infancia Misioneira

mpilar Durante esta semana a misioneira comboniana Pilar Sáinz Gomara, está mantendo encontros con nenos e maiores de toda a Diocese. É con motivo da xornada da Infancia Misioneira (24 de xaneiro) que en Lugo se encarga de organizar o Director Diocesano de Obras Misionais Pontificias, Jesús Santiago.

Pilar Sáinz naceu en Sevilla, formouse en Italia, estivo en Etiopía cinco anos e medio e en Ecuador 33 anos. Formou parte da Comisión de Coordinación da “Escola de Formación Misioneira” da arquidiocese de Quito en Ecuador. Esta Escola conta con centos de alumnos. Colaborou tamén na Comisión de Animación Misioneira da Conferencia Ecuatoriana. Ademais, foi Procuradora da Provincia de Misioneiras Combonianas, que abrangue Ecuador, Perú, e Colombia. Colabora na Delegación de Misións de Almería.

O luns estivo en Sarria, o martes 19 estará en Palas, o mércores 20 en Lugo, o xoves en Antas de Ulla e Melide, o venres e sábado en Lugo e o domingo 24 en Monforte.

[Información e recursos da Xornada da Infancia Misioneira]

 

%d bloggers like this: