Novenas na honra da Virxe Milagrosa

A Parroquia de San Froilán (Lugo) celebra até o 27 de novembro unha solemne Novena na honra da Santísima Virxe da Medalla Milagrosa, que preside o reitor do Seminario D. David Varela.

O horario é o seguinte:

19:15 h Santo Rosario e exercicio piadoso da Novena

19:30 h Celebración eucarística

O día 27, festa da Virxe da Medalla Milagrosa, celébrase Misa solemne ás 19:30 h.

Pola súa parte, na igrexa da Milagrosa (Lugo) celébrase do 19 ao 27 de novembro a Novena na honra da Virxe Milagrosa:

– Rezo do Santo Rosario ás 19:00 h. (Domingos ás 18:00)

– Eucaristía ás 19:30 h (Domingos as 18:30)

– Exposición do Santísimo despois da Misa: martes 19, venres 22 e martes 26

– Confesións de 19 a 19:30 h (Domingos de 18 a 18:30).

– Ofrenda Floral á Virxe o 27 de novembro

Novenas da Virxe da Milagrosa na cidade de Lugo

Na Parroquia da Milagrosa celébrase a Novena en honra da patroa co seguinte horario: Rezo do Rosario ás 19h (domingos ás 18h); Eucaristía ás 19:30h (domingos ás 18:30h); confesións antes da Misa, exposición do Santísimo despois dela.

  • Domingo 19 de novembro. Día da Catequese. “Ide e anunciade o evanxeo”.

    Preséntase a María toda a tarefa da catequese

  • Luns 20. Día da Muller.

    Preséntanse a María as vítimas da violencia machista

  • Martes 21. Día do maior e do enfermo.

    Preséntanse a María as persoas maiores e os enfermos. Rézase por eles e con eles para combater a soidade e o sofrimento.

  • Mércores 22. Días das vocacións.“A mies é abundante, os traballadores son poucos”

    Preséntanse a María os nosos seminaristas e que nos conceda a graza de novas vocacións.

  • Xoves 23. Día de Cáritas. “Amade o próximo como a un mesmo”

    Preséntanse a María os nosos irmáns necesitados.

  • Venres 24. Día da mocidade.

    Preséntase a María a nosa mocidade, esperanza da Igrexa e do mundo.

  • Sábado 25. Día da familia.

    Preséntase a María a realidade das nosas familias.

  • Domingo 26. Día da Eucaristía.

    Preséntase a María a nosa parroquia e as necesidades da Diocese.

  • Día 27. Día da Milagrosa.

    Preséntase a María o noso recoñecemento e acción de grazas.

Pola súa parte, a Parroquia de San Froilán, (Lugo), comeza unha solemne Novena en honra da Virxe da Medalla Milagrosa. A partir das 19:15 h comézase co Rosario e exercicio pidadoso da Novena, para seguir ás 19:30h coa celebración eucarística. Preside Alejandro Pin Díaz. O día 27, festa da Virxe da Medalla Milagrosa, hai Misa Solemne ás 11 da mañá.

Festas da Milagrosa

Festa Milagrosa igrexa wp 2

 O venres 2 de setembro inícianse as festas na parroquia lucense da Milagrosa co pregón a cargo do párroco José Antonio Ferreiro Varela ás 20:30h.

 O domingo 4 ás 12 h será a Misa Solemne e trala súa finalización, o acto “Flores para a Virxe”, procesión polas rúas próximas á igrexa, ofrecéndolle á imaxe da Virxe Milagrosa flores brancas.

 Coincidindo con estas festas, nos locais da igrexa está aberto un mercado solidario.

Miguel A. Álvarez: Como coñecín a novena da Medalla Milagrosa

Teño que comezar  facendo unha confesión que me avergoña bastante. Cheguei a Lugo no ano 1988, fun ordenado sacerdote no 1999, e ata fai 4 anos non sabía da existencia da novena da Medalla Milagrosa que congrega a unha cantidade considerable de devotos. Para min foi unha agradable sorpresa ver, aos poucos días de estar na parroquia de San Froilán, como se enchía a igrexa de persoas para rezar o Santo Rosario e a Novena e celebrar a Eucaristía.

No longo, escuro e triste mes de novembro esta Novena da Milagrosa supón un foco de luz e alegría. Non en balde, a imaxe da Milagrosa irradia luz. Os raios que saen das mans da Virxe María son símbolos das grazas que María alcanza aos homes, Cristo mediador e salvador.

Lembro coma se fose hoxe que a primeira igrexa na que entrei na cidade de Lugo foi na da parroquia da Milagrosa. Tiña 9 anos e fora con motivo da voda da miña prima Nieves. E no 1988, cando xa viñen definitivamente para Lugo, a primeira igrexa na que entrei foi tamén a da Milagrosa. Pero non remata aquí a historia. Ordenáronme de presbítero nesta mesma igrexa. E a miña primeira parroquia non foi a Milagrosa, como poderían estar esperando, senón a de San Froilán, que no seu día foi a nai da parroquia da Milagrosa, cando fai 50 anos a cidade de Lugo expandíase cara á zona norte. E como na parroquia de San Froilán venerábase a Virxe da Medalla Milagrosa, por influencia das Fillas da Caridade, púxose baixo o seu patrocinio a nova parroquia que despois deu nome a ese extenso novo barrio da cidade. Como ven, a miña vida en Lugo está moi marcada pola Milagrosa, aínda que non soubese da existencia da súa novena tan popular ata hai pouco tempo.

Todos necesitamos que Deus faga algún milagre en nós ou en alguén a quen coñecemos. Hoxe preséntolle ao Señor por medio da súa Nai, a Virxe María da Medalla Milagrosa, todas as intencións dos que están lendo isto e necesidades. Pido tamén polas parroquias de San Froilán e da Milagrosa, polas Fillas da Caridade e polos alumnos e profesores do seu colexio. !¡

O María sen pecado concibida! Roga por nós que recorremos a ti.

Miguel Ángel Álvarez

Novenas en honra da Virxe Milagrosa

A Medalla Milagrosa

Na Parroquia da Milagrosa, a partir do mércores 19 ata o xoves 27 de novembro ten lugar a novena na honra da Virxe Milagrosa, cos seguintes actos:

  • Rezo do Santo Rosario ás 19:00 (sete)
  • Eucaristía ás 19:30 (sete e media)
  • Exposición do Santísimo despois da misa
  • Confesións de 19 a 19:30 h.

Na Parroquia de San Froilán a novena, os mesmos días, terá o horario seguinte:

  • 19:15 h  Santo Rosario e exercicio piadoso da novena
  • 19:30 h Celebración eucarística. A proclamación da Divina Palabra estará a cargo do misioneiro comboniano P. Damián Bruyel.
  • ás 11 da mañá do día 27 será Misa solemne da festa da Santísima Virxe da Medalla Milagrosa.
A %d blogueros les gusta esto: