Lugo

Programa de Emprego de Cáritas Lugo

 O programa de emprego de Cáritas desenvolve varias liñas de axuda á xente que está buscando traballo, desde darlles información para achegalos máis ao mundo laboral ata apoialos cando teñen algunha idea para emprender pola súa propia conta.
A Cáritas pode ir calquera persoa que se atope en situación de desemprego. Cada persoa é acollida, escoitada e sabe que Cáritas é a súa casa. A través de distintas entrevistas vese cal é a súa situación e en que camiño se lle pode acompañar.

Información, asesoramento, formación e apoio económico
Cáritas dá información sobre o emprendemento e espazos de asesoramento para aqueles que xa teñan unha idea e queiran emprender. Algo fundamental é a formación, pois ter unha idea está moi ben, pero para emprender hai que ter moitos conceptos claros. Non se pode emprender sen máis, e entón Cáritas facilita todas as ferramentas necesarias.
Moitas veces os emprendedores non poden levar a cabo a súa idea porque lles falta apoio económico. Cáritas dá axuda económica naqueles proxectos que se ven viables.
Como tantas cousas no mundo actual, non é doado emprender. No ano 2013 xurdiron 3 novos empresarios e actualmente un continúa coa súa actividade. E o apoio económico que lle deu Cáritas está devolvéndoo de xeito regular para que outros emprendedores tamén poidan beneficiarse. 

Ler máis

Xornada de autoemprego organizada por Cáritas

O día 23 de setembro terá lugar no local da avda. das Américas, 93-97 unha xornada de autoemprego co título Por que non?. Trátase dunha actividade incluída no proxecto “Emprégate II”, no marco do Programa de Emprego de Cáritas Diocesana de Lugo.
A xornada será como segue:
10:00-10:15 Acollida e presentación da xornada.
10:15-11:15 Mesa redonda “O emprendemento na actualidade”.
Participan: Dña. Beatriz Varela Regueira, Presidenta da Asociación Mulleres Empresarias de Lugo. Inés Maseda Francos, xerente da Asociación de Novos Empresarios de Lugo. Norman Veiga Álvarez, Subdirector do CEI-NODUS.
11:15-11:30 Descanso
11:30-13:15 Mesa redonda “Historias Reais”.
Participan: Pilar Fernández Neira, (empresa A Cociña de Pilar), Mª José González Antolín, (Empresa A mercería de Chus) e Mª del Carmen Encarnación Sosa, participante de “Emprégate II”.
13:15-13:30 Despedida Proxección Empresa Arranxos “Proxecto Emprégate I”

Peregrinación a Terra Santa

Peregrinación a Terra Santa organizada polo Seminario 1

Peregrinación organizada polo Seminario co desexo de que a visita aos lugares que coñeceron a vida histórica de Xesús axude aos participantes a facer o camiño da formación e da vocación con maior gozo. Programa:

13 xullo.- Lugo – Tel Aviv

14 xullo.- Tel Aviv – Tiberiades (Dia de María): Nazareth. Basílica da Anunciación; Igrexa de San Xosé, Haifa. Cesarea a Marítima.

15 xullo.- Tiberiades (Día de Xesús e o seu ministerio) Mar de Galilea, Cafarnaum, Monte das Benaventuranzas, Caná, Monte Tabor.

16 xullo.- Tiberiades – (Xerusalem como El a Xerusalem) Nablus, Xericó e Monte da Cuarentena, Qunram, Mar Morto, Deserto de Xudea, Cenáculo.

17 xullo.- Xerusalem (A Alegria da Natividade) Belén, Monte Sión, Barrio Xudeu, Vía Dolorosa, Santo Sepulcro.

18 xullo.- Xerusalem (Dor e Paixón do Señor) Explanada do Templo, Monte das Oliveiras, Ein Karem.

19 xullo.- Xerusalem (A Resurreccion e a Vida): Via Crucis, Via Dolorosa, Santo Sepulcro.

Campamento urbano organizado por Cáritas

 

Copia de campamento_urbano Caritas

Durante as dúas semanas centrais de xullo está levándose a cabo o Campamento urbano Caritalia, no que participan 70 nenos guiados por 18 monitores con actividades innovadoras, educativas e de relación estreita coas familias.

Os monitores colaboran desinteresadamente para organizar estos Campamentos implicándose na elaboración da programación, trasladando material, encargándose da montaxe de escearios e vídeos, realizando actividades e avaliando

O Servizo de Atención á Infancia e Xuventude de Cáritas agradece especialmente á Directora e Comunidade do Colexio María Auxiliadora que permite telo como lugar de base do Campamento, ao Concello de Lugo pola cesión das instalacións deportivas e ao Colexio Público Cabo da Area en Laxe, onde os nenos pasarán a fin de semana.

O equipo do Servizo de Atención á Infancia e Xuventude é un grupo consolidado, multidisciplinar, con vocación educativa e de servizo comunitario que prioriza a atención personalizada de cada neno e de apoio á conciliación familiar.

Horto solidario dos alumnos do Seminario

Os alumnos do Seminario de Lugo non só reciben formación teórica sobre a solidariedade (unha das bases fundamentais inculcadas no centro) senón que tamén manteñen un horto solidario.

Os propios estudantes preparan a terra e plantan unha vintena de frutais e hortalizas como leitugas, tomates, pementos, verzas…

Miguel Leiva TorreiroÉ unha actividade coordinada polo profesor de Matemáticas e Tecnoloxía, Miguel Leiva Torreiro, na parroquia de Santa Comba, preto de Nadela. Outra plantación é unha leira que o Concello de Outeiro de Rei cedeulles para este fin no polígono industrial. Os rapaces collen o labor con ganas, aínda que acaben coas mans cheas de calos. Non deixa de ser unha actividade diferente, divertida, e cun fin solidario. O 90% da produción repártese entre a xente necesitada de Lugo e o 10% restante consúmese no Centro. Da parte que se doa, o 70% lévase a Cáritas parroquial de Lugo. O outro 30% da colleita vai ó comedor social de San Froilán.

Os participantes na actividade aprenden non só aspectos da natureza senón tamén de matemáticas (cando fan estatísticas da produción anual, por exemplo), química (reciclaxe, biodiésel…)

Por este horto solidario, os seminaristas recibiron en anos anteriores o premio Voz Natura.

[Páxina web da actividade]

A %d blogueros les gusta esto: