Festa da familia adoradora

A Adoración Nocturna celebra o domingo 30 de setembro en Chantada a XIII Festa da familia adoradora da Diocese de Lugo. O programa é o seguinte:

  • 11,00 h Recepción e concentración de adoradores diante da antiga igrexa Parroquial.

  • 11,15 h Saúdo do Presidente da Sección de Chantada e rezo de laudes, no citado templo.

  • 12,15 h Procesión de bandeiras cara á igrexa nova

  • 12,30 h Eucaristía presidida por Monseñor Carrasco Rouco. Ao concluír, visita á Nova Capela do Santísimo, integrada nunha monumental e artística Santa Cea, e tempo libre.

  • 15,00 h Comida de confraternidade.

  • 18.00 h Desprazamento ao Santuario de Nosa Sra. do Faro.

  • 19,00 h Ofrenda floral, rezo do Santo Rosario e breve intervención do Presidente Diocesano.

  • 20,00 h Regreso.

25 aniversario da Adoración Nocturna Feminina de Lalín

 No ano 1993 comezaba en Lalín unha sección da Adoración Nocturna Feminina. Transcorridos 25 anos de tal fundación, celébrase o vindeiro 8 de setembro ás 19 horas na igrexa de Santa María das Dores.

 O Consello Diocesano da Adoración Nocturna Feminina Española en Lugo pon a disposición de adoradores, familiares e amigos un autobús para asistir á conmemoración. Sairá ás 17 horas do sábado 8 de setembro da praza de Bretaña, con paradas diante do edificio da Xunta e na Fonte dos Ranchos. Para reservar praza chamar a un dos seguintes teléfonos: 982 246 936 (Mª José), 982 202 463 (Anuncia).

Asemblea da Adoración Nocturna Feminina

O vindeiro sábado 17, celebrará a Asemblea Anual Diocesana a Adoración Nocturna Feminina. Será no salón de actos da parroquia de S. Froilán, ás catro e media da tarde.

Na orde do día inclúese a lectura da Memoria Anual, un informe sobre a Asemblea Nacional celebrada en Zaragoza e outro informe sobre a situación actual da Adoración Nocturna Feminina na Diocese de Lugo.

Tamén se procederá á elección dalgúns cargos para o Consello Diocesano. Ao final da Asemblea celebrarase unha Eucaristía, na que se impoñerán distintivos a algúns membros pertencentes á Asociación.

A Adoración Nocturna Feminina estableceuse en Lugo no ano 1961 e conta na actualidade con nove quendas na capital e unha sección en Lalín, que este ano celebrará os seus vinte e cinco anos de existencia.

XII Festa da Familia Adoradora da Diocese de Lugo

O domingo 24 de setembro celebrarase en Portomarín a XII Festa da Familia Adoradora da Diocese de Lugo. Todos os adoradores das seccións de Lugo, Chantada, Sarria, Lalín, Portomarín e O Corpiño están convocados para acudir a esta entrañable festa de confraternidade adoradora. A xornada servirá tamén de estímulo para seguir traballando, cada vez con máis ilusión, na “viña do Señor”.

O programa é o seguinte:

  • Ás 11.00 horas: Recepción de adoradores na “Casa do Pobo” de Portomarín. (Fronte ao Templo Parroquial)

  • Ás 11,30 horas: Saúdo do presidente da Sección de Portomarín e charla do Sr. Alcalde desta localidade, sobre a historia e devir deste laborioso pobo.

  • Ás 12,15 horas: Procesión de Bandeiras ata a igrexa parroquial onde, ás 12.30 celebrarase a Santa Misa. Concluída esta, actuará na praza o grupo de gaitas “Río Miño” que animará a festa.

  • Ás 14.30 horas: Comida de confraternidade

  • Ás 18,00 horas: Rezo do Santo Rosario e “Ofrenda Floral” ante a imaxe de Nosa Sra. das Vitorias, na igrexa parroquial, dando fin aos actos cunhas palabras do presidente diocesano.

Reapertura oficial no Corpiño da sección de Adoración Nocturna

Desde hai uns meses invítase a participar na Adoración Nocturna, cunha resposta positiva

O 16 de setembro no Corpiño reinaugúrase oficialmente a súa Sección Adoradora. Adoradores de Galicia asisten a este festivo acto para acompañar ao novo grupo adorador que reinicia a súa andadura da man da Nosa Señora do Corpiño.

PROGRAMA DE ACTOS

  • 18,30 h: Concentración de Adoradores e inscrición de Bandeiras na “Carballeira do Santuario”.

  • 19,30 h: Procesión de Bandeiras e rezo do Santo Rosario ata o adro do templo. Recepción por parte do Rector do Santuario e entrada pola Porta do Ano Santo.

  • 20,00 horas: Solemne Vixilia de Reinauguración coa celebración da Santa Misa con vésperas, exposición do Santísimo, oración de presentación de adoradores, oficio de lectura e quenda de vela, finalizando coa Procesión Eucarística, Bendición do pobo. Reserva e ágape fraterno.

    Para asistir a este acontecemento, o Consello Diocesano de Lugo dispón autocares que sairán ás 17h do citado día desde a praza de Bretaña, con paradas diante do edificio da Xunta, (Ronda da Muralla) e Fonte dos Ranchos, para recoller aos adoradores/as con praza reservada.

A %d blogueros les gusta esto: