Lección inaugural do Curso 2018-2019 no Seminario

O Seminario Diocesano, o Instituto Teolóxico Lucense e o Instituto Superior de Ciencias Relixiosas (extensión da Universidade San Dámaso) abriron solemnemente o Curso Académico 2018-19 o pasado día 30 de setembro.

Encargouse da lección inaugural Vanesa Ferreiro, que explicou como tralo Concilio de Trento as masas eran catequizadas por ordes relixiosas, pero tamén a arte contribuía a expandir a doutrina, como por exemplo El Greco e o seu cadro “El entierro del conde Orgaz“. En canto á literatura, Frei Luis de León adopta a postura tridentina da desvalorización do mundo terreal, cunha linguaxe simple. Pola súa parte, San Juan de la Cruz e Santa Teresa souberon expresar a súa experiencia mística, e desde o punto de vista da forma, máis complexa, prefiguran o Barroco, pois vai cambiando a maneira de comunicar a mensaxe de Trento.

Trento tamén sinalou as condicións en que se debía realizar o sacramento do matrimonio, algo que se recolle en Peribáñez y el comendador de Ocaña, de Lope de Vega, sinalou Vanesa Ferreiro que a persoa que tivese nas súas mans outra obra do mesmo autor –El peregrino en su patria, que inclúe catro autos sacramentais- podería repasar a doutrina tridentina.

Un dos puntos desa dourina trata das razóns lexítimas para entrar en combate; e a elas se refire o protagonista de El Quijote.

Finalmente, Vanesa Ferreiro referiuse á poesía moralizante de sor Juana Inés de la Cruz, que tamén fomenta o desprendemento das riquezas mundanas, como se vira en Frei Luis de León.

A Catedral acolle a inauguración do Curso Pastoral da Diocese

O luns, 2 de outubro, ás 20 h na Catedral de Lugo iníciase oficialmente o Curso Pastoral 2017-18 cunha Eucaristía presidida polo Bispo Mons. Alfonso Carrasco. Participarán membros de organismos, asociacións, movementos, catequistas, profesores de Relixión da Diocese…

As principais liñas da acción pastoral da Diocese para este curso son as seguintes:

1.- Comunidades como verdadeiras escolas de fe. É necesaria a presenza próxima do fiel cristián, do Pobo de Deus como realidade perceptible, experimentable nas nosas comunidades, coas súas tradicións, iniciativas e celebracións, para que exista unha verdadeira escola na que se cultive a fe.

2.- Prioridade da catequese. Sen dúbida un instrumento fundamental para a educación na fe e parte principal da actividade pastoral.

3.- Continuar a reorganización pastoral da Diocese. Vontade de axeitar as nosas estruturas para que sirvan mellor á tarefa da evanxelización. O anuncio do Evanxeo pasa pola constitución de lugares de referencia, vivos, próximos, en que estean presentes os trazos esenciais da fe: a palabra e os sacramentos, a unidade e a caridade. Iso non diminuirá o valor das parroquias máis pequenas, ás que se continuará coidando como parte de nosa propia identidade.

4.- Valorar, apoiar e aproveitar os privilexios da nosa Catedral (Indulxencia plenaria permanente e perpetua) e de O Corpiño (Ano Xubilar Mariano).

Eucaristía de inicio de Curso Pastoral

inauguracion-curso-pastoral-catedral-2-copia

 O luns 3 de outubro ás 20 h quedou inaugurado o Curso Pastoral 2016 – 2017 cunha Eucaristía presidida polo señor Bispo Mons. Alfonso Carrasco Rouco na S. I. Catedral. Participaron vicarios e delegados, persoas consagradas, catequistas, profesores de relixión, membros de Cáritas, de movementos… en representación de toda a Diocese.

 Na súa homilía, o señor Bispo agradeceu o labor que realizan todos e invitou a pedir “ao Señor que manteña  esperto e vivo o noso corazón. Estará así se acertamos co desafío que van significar as persoas e as tarefas que temos encomendadas. Como o bo samaritano tamén nós debemos mirar as persoas, as tarefas, os desafíos, como unha ocasión que Deus nos dá. Seremos felices se florece no noso corazón o amor ao próximo… que é a clave en case todos os programas”.

Inauguración do curso pastoral

Mons Alfonso Carrasco

O xoves 8 de outubro inaugurouse oficialmente o curso pastoral 2025 – 2016 na Catedral de Lugo, cunha Eucaristía presidida polo señor Bispo, Mons. Alfonso Carrasco.

Na homilía Mons. Alfonso Carrasco Rouco considerou que hai razóns para iniciar con alegría todos xuntos o novo curso. A historia na que estamos é boa; así pois, a meta será boa. Tamén sinalou que “a pedagoxía divina é humana, boa, prudente e pacífica”.

A %d blogueros les gusta esto: