Xornada Pro Orantibus

«A vida contemplativa, preto de Deus e da dor do home» é o lema deste ano da Xornada Pro Orantibus, que a Igrexa celebra na solemnidade da Santísima Trindade, o domingo 30 de maio.

Os bispos da Comisión Episcopal para a Vida Consagrada, organizadora desta Xornada, na mensaxe subliñan a importancia da vida contemplativa «que sofre cando o mundo sofre porque o seu apartarse do mundo para buscar a Deus é unha das formas máis fermosas de achegarse a el a través de El».

[Materiais]

O venres 28 de maio de 16:30 a 18 h celébrase un coloquio en liña titulado «A vida contemplativa, preto de Deus e da dor do mundo» organizado pola Comisión Episcopal para a Vida Consagrada, Confer, Cedis, ITVR e a colaboración de Católicos en rede. Interveñen:

  • P. Carlos Gutiérrez, Prior de Sobrado dos Monxes.

  • M. Mª Dolores Domínguez, Carmelita Federal

  • Sor Nazaret, Clarisa. Mosteiro de Monzón.

  • Frei Angel Abarca, Mosteiro de Silos.

  • Irene Pozo, xornalista de COPE-TRECE.

Pode seguirse por youtube

XXV Xornada Mundial da Vida Consagrada

O vindeiro martes 2 de febreiro ás 17 horas, celebrarase a Santa Misa, na Catedral de Lugo presidida polo señor Bispo Don Alfonso Carrasco. No día da Festa da Presentación do Señor, rezarase dando grazas a Deus polo don da Vida Consagrada na diocese e pedíndolle que siga suscitando no corazón dos mozos o desexo de seguir a Xesucristo nesta vocación de oración, amor e servizo.

A Igrexa diocesana de Lugo únese neste día, á oración de toda a Igrexa, por todos os consagrados: monxas, monxes, relixiosas e relixiosos, institutos seculares e novas formas de vida consagrada. Pedindo ao Señor para que sigan rezando e servindo con alegría a todos os homes aos que son enviados.

A Xornada Mundial da Vida Consagrada este ano ten como lema “A vida consagrada, parábola de fraternidade nun mundo ferido”.

[Carta pastoral de Mons. Alfonso Carrasco]

Xornada Mundial da Vida Consagrada

A celebración deste ano para a Xornada Mundial da Vida Consagrada na Diocese de Lugo será na Santa Igrexa Catedral ás 12.00 horas do sábado 1 de febreiro de 2020. Presidirá a celebración o Sr. Bispo, Don Alfonso Carrasco Rouco.

Celébrase a Xornada da Vida Consagrada baixo o lema “A vida consagrada con María, esperanza dun mundo sufrinte”.

As persoas de especial consagración, coas súas palabras, coas súas accións, pero sobre todo coas súas propias vidas, anuncian esperanza. E o será sempre que aprenda de María e con María, Nai da Esperanza, a esperar só en Deus.

As persoas que viven unha especial consagración a Deus están chamadas a ser, con María, mestras e testemuñas da esperanza.

[Mensaxe da presidencia da CONFER para a Xornada Mundial da Vida Consagrada 2020]

[Materiais da Comisión Episcopal para a Vida Consagrada]

Xornada da Vida Consagrada

A Xornada da Vida Consagrada celébrase anualmente cada 2 de febreiro, coincidindo coa festa da Presentación do Señor. La Confederación de Relixiosos de Lugo organiza unha Eucaristía na Catedral.

É un día de especial agradecemento ao Pai noso e a cada consagrado, que coa súa vida é presenza do amor de Deus.


Esta xornada persegue unha tripla finalidade:

1. responder á íntima necesidade de loar máis solemnemente ao Señor e agradecerlle o don da vida consagrada. Os consagrados enriquecen a comunidade cristiá cos seus carismas e cos edificantes froitos da súa entrega á causa do Reino.

2. promover en todo o Pobo de Deus o coñecemento e a estima da vida consagrada porque está ao servizo da consagración bautismal de todos os fieis.

3. celebrar dunha maneira unida e solemne as marabillas que o Señor realizou nas persoas consagradas.

Xornada da Vida Consagrada: celebración no Corpiño

O sábado 3 de febreiro tivo lugar no Corpiño a celebración da Xornada da Vida Consagrada. Ata o santuario mariano acudiron membros das congregacións relixiosas da Diocese para celebrar o seu día á vez que gañaron o xubileu. Ás 12 h o bispo Mons. Alfonso Carrasco Rouco presidiu a Eucaristía. Acompañábao o Vicario Xeral Mario Vázquez Carballo e varios sacerdotes, entre os cales atopábase o Reitor do Santuario.

[Homilía do Sr. Bispo]  [Álbum de fotos]

 

A %d blogueros les gusta esto: