Mes: Outubro 2016

Interpretación de “Misa a San Froilán” na igrexa de Santiago A Nova

misa-a-san-froilan-face

O venres 28 ás 20h na igrexa de Santiago a Nova será interpretada a Misa a San Froilán. Esta Misa, composta por Xavier de Acosta foi estreada o pasado 5 de outubro e agora será cantada por Marcos Fernández Mosquera, director del Orfeón Lucense.

Outra Misa cantada na mesma igrexa será o sábado 29 ás 20h. Neste caso Esperanza Iglesias tocará o órgano. Ás 20:30h iníciase un concerto do conxunto coral Lugh e a Asociación Cultural e Musical Solfa de Santiago.

Teatro: Na Parroquia Santiago a Nova intentan sacar adiante unha aula de teatro aberta a quen teña máis de 10 anos e desexe espertar e desenvolver os dotes de artista. Formaríase un pequeno grupo e logo fixar horarios e concretar as actividades.

Café teolóxico

cafe-teoloxico-28-outubro-galego

Trátase de que os mozos que van á Delegación de Xuventude inviten a outros, crentes ou non, porque o tema (a existencia de Deus, neste caso) trátase desde o punto de vista da razón. E tamén se informará nas facultades, onde se fará a pregunta que se verá no café teolóxico e invitará a asistir. É unha búsqueda dos que están nas periferias.

O acto do venres 28 desenvólvese a partir das 21h no local da Delegación (r/ Ona de Echave, Lugo) nun clima distendido: invítase a un café ou a un refresco, unha persoa fai unha exposición sobre o tema correspondente. Despois, os rapaces, en mesas de catro debaten sobre o que lles pareceu a intervención. Se hai algunha pregunta ou dúbida, anótase.

Os seguintes cafés teolóxicos teñen os seguintes títulos: “Teño alma?”, “Cando morra, onde vou?”, “Existe o mal?”, cuestións presentes en tantas persoas, pero que non sempre cunha resposta clara.

Carta da irmá Jesusa desde Guatemala á Delegación Diocesana de Misións

jesusa
Irmás da congregación Esclavas del Santísimo (Guatemala)

A graza e a paz do Señor reine nos nosos corazóns, queridos amigos. Grazas por lembrarse de nós. Perdoen a tardanza, Deus ten o seu ritmo… Levamos case 2 meses sen sinal, hoxe parece…

“Sae da túa terra” significa para min montarse na barca do abandono, queimar redes e equipaxe e deixar que Deus a conduza… Diría que é unha aventura de amor con DEUS que quere valerse da miña pobreza para que outros irmáns o coñezan, adoren e amen.

Son misioneira contemplativa, vivo en Guatemala, pero a miña misión é moito máis grande. Os contemplativos non temos fronteiras. Pertenzo á congregación de Esclavas del Santísimo y de la Inmaculada.

Gustaríame contaxiar esta loucura de amor a XESÚS SACRAMENTADO á mocidade de Lugo. Invito sobre todo ás mozas. Direilles con san Xoán Paulo II: “Non teñades medo”. Lánzate, fai unha experiencia xunto a Xesús. Pregúntalle, como os apóstolos, ONDE VIVE… e queda con EL.

Déixovos moi, moi dentro dos Sagrados Corazóns de Xesús e María e aos pés da Custodia.

A súa irmá e amiga

Jesusa Marzán Gárate

A Biblioteca do Seminario expón exemplares do seu fondo antigo

expo-fondo-biblioteca-seminario

Última semana para visitar a exposición Volumen in folio na sala de exposicións do Seminario Diocesanocon obras do fondo da Biblioteca, que van desde o século XVI ao XX. O horario é de 11:30 a 13:30 e de 17 a 19h (de luns a venres) Son 22 volumes grandes, chamados in folio, dos que algúns alcanzan os 32 centímetros e bastantes pasan das 1000 páxinas. Hai obras de Aristóteles, importantes porque no lombo teñen o título. Hai 2 obras de San Agostiño e de San Xerónimo dunha colección do século XVIII en París e que foron traídos a Lugo polo Bispo Armañá.

Outra parte da exposición adícase á Biblia: hai un Diccionario de la lengua santa de más de 2000 páxinas e a Biblia Hebraica con tradución interlineal en latín.

Outras obras: publicación de San Basilio Magno no século XVIII, dicionario de antigüidades dos Maurinos en 18 volumes adicados aos temas máis diversos: numismática, mitoloxía, obras de autores. Outra colección, neste caso de Dereito, é a do Digestum vetus, cun exemplar no que o propio autor engadiu notas nas marxes.

De interese polas ilustracións tamén son unha Cristíada do século XIX e un exemplar da Divina Comedia ilustrada por Gustavo Doré.

Domund 2016

xubileu-das-misions-2-copia

 A Delegación Diocesana de Misións programou varios actos con motivo do Domund:

Luns 17: Conferencia de José Mª Rojo sobre a misión nas grandes urbes latinoamericanas.

Venres 21: Vixilia da Luz na Parroquia de San Tirso, Palas de Rei.

Domingo 23: procesión desde o Bispado ata a Catedral, onde se celebrou a Eucaristía ás 13h, presidida polo bispo Mons. Alfonso Carrasco Rouco. Ante a imaxe da Virxe dos Ollos Grandes depositáronse 56 flores en representación dos misioneiros naturais da Diocese lucense.

A Diocese de Lugo recadou en 2015 a cantidade de 99.377,45 euros de parroquias, comunidades, colexios e particulares. A Delegación de Misións agradece a todas as persoas e institucións que fixeron o ano pasado ese esforzo económico e apoiaron desa maneira o traballo dos misioneiros. 

 Na páxina web da Delegación de Misións recóllense testemuños dalgúns dos misioneiros da Diocese de Lugo.

A %d blogueros les gusta esto: