Presentación do libro “Lugo en branco e negro”

O xoves 20 de xuño os sacerdotes Jesús Río Ramilo e José Río Ramilo presentaron na libraría Trama o libro da súa autoría titulado Lugo en branco e negro.

Cando foi o 50 aniversario de varias parroquias da cidade de Lugo, José Río pensou en publicar un libro con fotos antigas dos templos e das parroquias. Cando se viu a posibilidade de financiar o proxecto, José Río comezou a buscar fotos de igrexas, e tamén do Seminario, colexios… As fotos son de finais do século XIX e comezos do XX e permiten ver como cambiou a cidade de Lugo. Acompañan ás fotografías informacións que foron buscadas en hemerotecas, páxinas web especializadas…

Na presentación do libro, Jesús Río achegou os seguintes datos: no censo de 1591 había en Lugo 296 veciños cabezas de familia que pagaban impostos. No mesmo censo O Courel tiña 656 veciños cabezas de familia que pagaban impostos, ou sexa máis do dobre. Hoxe voltaron as tornas e O Courel é quen sofre a despoboación.

Na presentación, agradeceuse á Secretaría Xeral de Política Lingüística, e ao seu titular Valentín García Gómez, polo apoiou económico dao para a publicación desta obra non venal.

Ao primeiro capítulo do libro, adícado á muralla, seguen estoutros: Catedral de Santa María, prazas, rúas, novas parroquias, xentes.

Sobre os escenarios

 

Xornada de Contacontos

A Asociación Xuvenil Ateibo, en colaboración coa Deputación Provincial de Lugo, organiza a IV Xornada de Contacontos o venres 14 de decembro ás 18:30 h na Sala Moza do Colexio salesiano Divina Pastora de Lugo (entrada polo recanto da rúa Camiño Real)

 

 

 

Teatro na igrexa O Bo Pastor, Lugo

Moisés Mato presenta en Lugo o seu proxecto “Cartografía de la desobediencia”. Será o venres 14 de decembro ás 20h na Parroquia O Bo Pastor. A través do humor e a ironía, Moisés Mato vai mostrando aquelas desobediencias que só o son en aparencia e aqueloutras que buscan realmente a xustiza e o amor. Moisés Mato interpreta a 20 personaxes distintos, moitos deles exemplos da aplicación da non violencia.

 

 

 

Festival solidario e exposición en San Francisco Xavier

A igrexa de San Francisco Xavier acolle o sábado 15 de decembro ás 5 da tarde un Festival solidario. Sortearase unha cesta en beneficio de Cáritas Parroquial.

Ese mesmo día comeza unha exposición de artesanía no salón parroquial de San Francisco Xavier. Estará aberta ata o domingo 16 e organízaa o Centro ocupacional de San Vicente de Paúl.

Polifonía por quilos

As Corais de Lugo, convocadas polo Orfeón Xoán Montes, participan nos Concertos Solidarios “Polifonía por quilos”. As actuacións realizaranse nas distintas igrexas da cidade de Lugo e pídese a doazón duns quilos de alimentos, non perecedoiros, para que as propias parroquias repartan entre os máis necesitados.

Programa:

Sábado 15/12/2018.- Parroquia San Antonio de Padua 19.30

–Orfeón Xoán Montes (Misa)

–Coral Xolda (Concerto)

Sábado 15/12/2018.- Parroquia Santiago A Nova/ centro parroquial Fontiñas 18.30

–Schola Gregoriana Lucensis (Misa e Concerto)

Sábado 15/12/2018.- Parroquia Santiago A Nova 20.00

–Cantar Delas e Solo Voces (Misa e Concerto, conxuntamente)

Domingo 16/12/2018.- Parroquia Sagrado Corazón 12.00

–Coral Xeral Calde e Coral Lugh (Misa e Concerto, conxuntamente)

Domingo 16/12/2018.- Parroquia A Milagrosa 12.30

–Coral Ecos do Miño Astelu (Misa)

–Coro San Antonio (Concerto)

Domingo 23/12/2018.- Parroquia San Lorenzo de Albeiros 12.00

–Coro da Asociación de Amigos do Camiño de Santiago (Misa e Concerto)

Concertos solidarios

Concerto solidario de Mans Unidas

O domingo 6 de maio o Círculo das Artes de Lugo acolle o Concerto Solidario que organiza Mans Unidas. A partir das 20h actuarán:

– Escola Municipal de Música de Lugo, dirixida por Carlos Méndez Castro

– Nacho Samena, mago

– Orfeón Lucense, dirixido por Marcos Manuel Fernández Mosquera

Gala Solidaria en Melide

A Gala Solidaria será no Palacio de Congresos e Exposicións o venres 4 de maio e dende ás 16h haberá persoal para a recollida de alimentos

A Asociación da Hostalería Melide Móvese organiza por quinto ano consecutivo unha nova edición da Gala Solidaria na vila. No acto de presentación no Salón de Plenos do Concello de Melide estiveron presentes membros de Cáritas Parroquial de Melide, Dolores Rodríguez e Amparo Taboada.

O Combo Dominicano será a orquestra encargada de presentar a súa xira 2018 con moitas sorpresas xunto coa orquestra Garibaldi.

Dende Cáritas Parroquial din sentirse orgullosos de que en Melide se poñan en marcha iniciativas deste tipo, non só agora coa gala solidaria senón que son moitas as accións que se levan ao longo do ano para axudar a facerlles máis fácil a vida aos máis necesitados. “todos os alimentos serán aceptados, pero é preferible que sexan alimentos non perecedoiros como aceite, pasta, arroz ou azucre. Tamén se necesita leite ou alimentación infantil xa que nos últimos tempos é moi necesario para as familias de Melide e supón un gasto importante para as persoas con poucos recursos”.

O ano pasado, esta Gala Solidaria en Melide foi quen de recaudar 13 toneladas de alimentos e de reunir a máis de 3.000 persoas.

Inmaculada Vázquez Fernández: Gracias, hijo: un mundo mejor es posible

Acto de presentación do libro no Instituto Masculino (12/04/2018)

Do libro Gracias hijo: un mundo mejor es posible, poden destacarse uns eixes teolóxicos e unha gran riqueza de valores ético-morais.

Xa no primeiro poema: y tus brazos me acogieron

tu amor me envolvió

y la felicidad llenó

todos mis rincones de mi pequeño ser

para siempre…

 

Aquí está revelando un concepto de Deus manifestado no seu Fillo Xesucristo. Un Deus tenro, un Deus pai-nai, un Deus cercano, cariñoso, bondadoso.

Lendo o libro observaráse un gran eixe de relación materno-filial. Cun gran valor de xenerosidade, de amor, e todo realizado cunha gran alegría. Este estilo de vida e de plantexamento educativo vai repercutir no mociño Gerald, sendo ese rapaz cariñoso, bo, listo e responsable. Por isto, a nai Conchi-Inma descúbreo todo como o gran regalo que Deus lle deu.

Tamén cando fala da Tita Flori xorde a gran actitude de crenza e dunha vida máis alá da morte.

Outro gran eixe teolóxico é a gran dimensión comunitaria cos amigos-amigas e a familia propia, que sempre está moi valorada. Así, a gran actitude maternal de entrega de cara ao seu fillo Gerald, síguea disfrutando en cada momento da vida.

Outro eixe teolóxico é o acompañamento, o ánimo, o cariño, que xorde por todas as páxinas da obra. Sempre despois de calquera actuación do seu fillo a frase que sempre soa: ¡Muy bien, cariño, lo has hecho muy bien!

Outro gran valor ético-moral que descubrimos é que Conchi e Gerald loitan pola dignidade da súa gran familia de Filipinas. Conchi sempre cre que un mundo mellor é posible. Sobresae o valor de facer o ben, neste caso a tantos nenos e nenas.

Outro valor a destacar é compartir o tempo, a vida, nos distintos aspectos. Así atopámonos na primeira parte do libro coa descrición dun fermoso cadro que simboliza unha flor e no tallo vese unha frase: O esencial é invisible aos ollos, soio se pode ver co corazón.

Tamén descubrimos unha clara transmisión de valores ao seu fillo Gerald analizando as etapas do Camiño de Santiago, por exemplo baixando do Cebreiro a Triacastela e noutras etapas escoitamos varias veces ao seu fillo, «Mami, yo te ayudo. Dame la mano». É dicir, ofrécese sempre colaboración, descúbrese unha preocupación polos demais.

Dille a nai ó fillo: Qué belo é compartir, Gerald! Comparte sempre a túa vida, o que es, o que teñas. É o que che fará feliz.

Plantéxase unha educación austera, facéndolle ver a Gerald que o esforzo é necesario. E a constancia é a que nos fai conseguir o verdadeiramente importante nesta vida.

Unha gran conclusión que podemos sacar nesta obra é que o regalo máis grande que Deus puxo na vida de Conchi é Gerald. Di: para ser feliz só necesitas un puñado de persoas ás que amas e te aman, polas que farías calquera cousa e que farían calquera cousa por ti.

Tamén neste segundo libro o logotipo Mensaxeiros da Paz dalle un prestixio á obra dende a bondade do Padre Ángel.

Como conclusión final, dicir que nai e fillo saben que un mundo mellor é posible. Por isto remata a obra cos agradecementos ás diversas persoas que colaboran para facer posible isto.

Luis Manuel Rodríguez Pérez

A %d blogueros les gusta esto: