O luns 30 de novembro ten lugar na Diocese de Lugo o acto de inicio pastoral do Ano Litúrxico. Será no santuario do Corpiño, onde se celebrará ás 12:00 h unha Eucaristía, presidida por Mons. Alfonso Carrasco e retransmitida por internet
Ano litúrxico
Encontro diocesano ao comezo do Ano Litúrxico
O encontro diocesano ao comezo do Ano Litúrxico terá lugar en Silleda-Corpiño o vindeiro 3 de decembro co seguinte programa:
-
11:00. Acollida, oración e desenvolvemento do tema: “Igrexa en camiño. Testemuños para a misión”. Lugar: Salón parroquial, casa reitoral de Silleda
-
12:30. Descanso
-
13:00. Celebración penitencial na igrexa parroquial de Silleda
-
14:15. Comida fraternal.
-
17:00. Eucaristía no Santuario do Corpiño
É unha ocasión para reflexionar e orar xuntos, vivir e sentir como Igrexa e coa Igrexa.
A comida será nun restaurante de Silleda e o prezo do menú é de 15 euros; tamén desde Lugo ponse un servizo de autobús, o seu prezo é de dez euros, con saída ás 9:30 da mañá desde a Praza de Bretaña e regreso ao final do encontro.
É necesario apuntarse para a comida e o autobús antes do 1 de decembro nos teléfonos 982 21 42 65, zona de Pontevedra 639 45 49 47.
Encontro diocesano ao comezo do Ano Litúrxico
O próximo 28 de novembro terá lugar en Silleda – O Corpiño un encontro de sacerdotes, consagrados e laicos para reflexionar e orar xuntos. O horario é o seguinte:
- 11:00. ACOLLIDA, ORACIÓN E DESENVOLVEMENTO DO TEMA: “Vivir desde a fe. Vivir con fe”.
Relator: Miguel López Varela, Delegado de Catequese de Santiago
Lugar: Salón parroquial, casa reitoral de Silleda
- 12:30. DESCANSO
- 13:00. CELEBRACIÓN PENITENCIAL na igrexa parroquial de Silleda
- 14:15. COMIDA FRATERNAL.
- 17:00. EUCARISTÍA no Santuario do Corpiño
Desde Lugo ponse un servizo de autobús (o seu prezo é de dez euros), con saída ás 9:30 h da mañá da Praza de Bretaña.
É necesario apuntarse para a comida e o autobús no teléfono 982 21 42 65.
Encontro diocesano no inicio do Ano Litúrxico en Silleda – O Corpiño
O Sr. Bispo invita a participar a todos os diocesanos, sacerdotes, consagrados e laicos ao encontro diocesano ao comezo do Ano Litúrxico que terá lugar en Silleda – O Corpiño o vindeiro 2 de decembro.
O encontro desenvolverase do seguinte xeito:
-
11:00. Acollida, Oración e Desenvolvemento do tema: “Contra toda aparencia o Advento é tempo de esperanza” Relator: D. José Diéguez Dieppa, delegado de pastoral litúrxica e párroco da Diocese de Tui-Vigo Lugar: Salón parroquial da Casa rectoral de Silleda
-
12:30. Descanso
-
13:00. Celebración Penitencial na igrexa parroquial de Silleda
-
14:15. Comida Fraternal.
-
17:00. Eucaristía no Santuario do Corpiño.
A comida será nun restaurante de Silleda (15 €) e desde Lugo ponse un servizo de autobús, (10 €), con saída ás 9:30 da mañá desde a Praza de Bretaña e regreso ao final do encontro. É necesario apuntarse para a comida e o autobús antes do 28 de novembro nos teléfonos 616 85 17 18 ó 982 21 42 65, zona de Pontevedra 639 45 49 47.
Fin de ano – aninovo
Aínda estamos en novembro. Pero o Ano Litúrxico termina e xa comezamos outro. Poderiamos pensar que estamos celebrando sempre o mesmo, como unha especie de espiral repetitiva da que nunca conseguimos saír. Pero non é así. En realidade celebrámolo cada vez dunha forma nova e cada ano máis preto de Xesucristo, ou, polo menos, así debe ser: cada ano máis santos.
O Ano Litúrxico é a celebración de todos os misterios da vida de Xesucristo e todas as súas etapas, desde o nacemento ata o envío do Espírito Santo.
Consta de 3 grandes momentos: nacemento de Xesucristo (Nadal), o tempo da predicación da boa nova co anuncio do Reino de Deus (Tempo Ordinario) e Paixón-Morte-Resurreción (Semana Santa e Pascua). Aos dous grandes acontecementos do Nadal e a Pascua precédenlles senllos tempos de preparación: Advento e Coresma, respectivamente. Ademais, están todas as festas da Virxe María e dos santos distribuídas durante todo o ano.
Coñecemos ben o ano civil, escolar, xudicial, deportivo etc. e tamén existe o ano cristián ou litúrxico. Comeza co primeiro domingo de Advento e termina o día de Cristo Rei do Universo, normalmente a finais de novembro, dependendo do día que coincida Nadal.
Celebrar o Ano Litúrxico sempre é unha nova oportunidade de conversión e de dar pasos no camiño de configuración con Cristo. Celebrando os misterios da súa vida e escoitando a súa Palabra El vai transformando a nosa vida. Cada día deste novo ano será un don de Deus ata que un día nos atopemos con El cara a cara e posuamos todo o tempo e toda a inmensidade de Deus no ceo.
Celebrar o Ano Litúrxico é facer presente o Reino de Deus na terra. Un reino xa comezado porque o Rei da Gloria dignouse vir a inauguralo para que xa podamos gozalo desde agora. Celebrar o ano litúrxico é anunciar e facer realidade xa desde agora a novidade do ceo e lograr que todos-todos podamos vivir xa no ano de graza do Señor.
Celebrar o Ano Litúrxico é celebrar que Xesucristo é o centro da historia e da nosa vida, porque todo vira en torno a El e todo se fundamenta nel.
Miguel Ángel Álvarez