Domund 2021

O domingo 24 de outubro celébrase a Xornada Mundial das Misións, o Domund, co lema “Conta o que viches e oíches”. O papa Francisco lembra que, cando recoñecemos a presenza de Deus como Pai na nosa vida, podemos abrir o corazón para deixarnos tocar por El, permitir que cure as nosas cegueiras e ser capaces de compartir no día a día o que vimos e oído da man de Jesús. É o que fan os misioneiros.

OBXECTIVOS DO DOMUND

  • Explicar o labor evanxelizador nos territorios de misión e mostrar a vida das comunidades que constitúen as Igrexas novas.

  • Buscar fondos para manter á Igrexa neses territorios encomendados á Congregación para a Evanxelización dos Pobos.

  • Fomentar as vocacións misioneiras, que son algo de hoxe e de sempre, así como a formación e a oración misioneira de todo o pobo de Deus.

  • Dar a coñecer as Obras Misionais Pontificias e a súa función esencial para a animación e a cooperación misioneiras.

O programa “Polo camiño da fe” da Televisión de Galicia dedícase esta semana ás misións. Domingo 24 ás 9:45 h

A continuación, a Misa das 10:00 h. será retransmitida por TVG desde a igrexa de San Francisco Xavier (Lugo)

Ás 12:30 h. na mesma igrexa celébrase unha Misa cos misioneiros, e familiares, da Diocese de Lugo. E seguidamente haberá unha comida no salón parroquial.

[Materiais]

Domund 2020

O sábado 17, ás 19:30 h. terá lugar na parroquia San Froilán (Lugo) unha Eucaristía por todos os misioneiros da Diocese e a presentación da Xornada do Domund. A continuación haberá unha breve intervención de Ana López, Misioneira Seglar Vicenciana, sobre como se está vivindo a Covid-19 en Misión.

O Domund (DOmingo MUNDial das misións) é o día no que toda a Igrexa reza especialmente pola causa misioneira, e organiza unha colecta para colaborar con ela. No Domund lémbrase a implicación de todos os cristiáns na misión da Igrexa. O lema da xornada neste ano 2020 é “Aquí estou, envíame”.

Outubro misioneiro

Onte celebrouse a popular e tradicional festa do DOMUND. Pero este ano dun xeito extraordinario xa que o Papa Francisco quixo convocar un “mes misioneiro” baixo o lema: “Bautizados e enviados: a Igrexa de Cristo en Misión no mundo”.

A Obra Pontificia da Propagación da fe é unha institución universal da Igrexa para cooperar coas misións a través da oración, o sacrificio, a promoción das vocacións misioneiras e a cooperación económica dos cristiáns de todo o mundo. Esta Obra naceu en Lyon (Francia) en 1822 por iniciativa dunha entusiasta rapaza chamada Paulina Jaricot. Comezou implicando a compañeiros traballadores para que axudasen ás misións cunha pequena esmola semanal. Un século despois, estendida xa a Obra polo mundo, o Papa Pío XI institucionalizouna como canle oficial para toda a Igrexa co fin de axudar espiritual e economicamente á actividade misioneira da Igrexa.

Preocupado está o Papa pola acción misioneira da Igrexa. Neste mes quere retomar a conciencia da misión ad gentes e promover con novo impulso a responsabilidade que temos todos de proclamar o Evanxeo. O tema da evanxelización non é só actual porque é abundantemente tratado, senón que é tratado porque en si mesmo é de permanente actualidade. O Concilio Vaticano II afirmaba con claridade que é “deber fundamental do pobo de Deus, posto que toda a Igrexa é misioneira”. A todo bautizado correspóndelle o compromiso de levar a fe a aquelas periferias que aínda non coñecen a Cristo. A exhortación Evangelii nuntiandi sostén que “a tarefa da evanxelización de todos os homes constitúe a misión esencial da Igrexa” (EN 14).

Documentos recentes da Igrexa lémbrannos que esta é esencialmente misioneira porque xorde da mesma misión do seo da Trindade. Deus é comuñón e quere que todos se salven. Para iso saíu ao encontro da humanidade encarnándose na historia. Elas, as persoas divinas, son fundamento da nosa chamada á misión evanxelizadora. O espírito misioneiro pertence, pois, á natureza íntima da vida cristiá xa que a evanxelización é a tarefa central e máis urxente da acción pastoral da Igrexa.

Neste contexto misioneiro tamén nós, como diocesanos lucenses, o vindeiro 26 de outubro, honraremos, no 201 aniversario do seu nacemento, cunha peregrinación polas terras de Pol, ao noso querido paisano San Xosé María Díaz Sanjurjo, misioneiro e mártir no actual Vietnam. Será nun encontro con testemuños de distintos misioneiros e unha peregrinación desde Mosteiro á capela da Nosa Señora das Neves en Suegos (onde se conserva a casa natal e a familia do misioneiro).

Desde o interior da mesma Igrexa, o Papa Francisco úrxenos a traballar para que resplandeza no noso tempo a boa nova do Evanxeo co anuncio e o testemuño de vida.

José Mario Vázquez Carballo

Vicario Xeral da Diocese

Pregón do DOMUND

O pregón do DOMUND terá lugar o 19 de outubro ás 20h na igrexa Santiago A Nova (Lugo). O encargado de pronuncialo é o xurista, historiador e escritor José Ramón Ónega, que naceu en Pol, e escribíu unha biografía do santo lucense José María Díaz Sanjurjo: un gallego en Vietnam.

 Participará o Coro Parroquial de San Francisco Xavier (Lugo), dirixido por Marcos Manuel Fernández Mosquera.

Celebracións previas ao DOMUND

O martes 16 de outubro ás 19 h na igrexa de San Francisco Xavier ten lugar a Vixilia do Domund tendo especialmente presentes aos misioneiros, que cambian o mundo co seu labor de anuncio e caridade entre os máis necesitados da Terra.

O venres 19 de outubro ás 20h na igrexa Santiago A Nova será o pregón do DOMUND. O encargado de pronuncialo é o coñecido xurista, historiador e escritor José Ramón Ónega, que naceu en Pol, como o protagonista dun dos seus libros José María Díaz Sanjurjo: un gallego en Vietnam.

[Materiais do DOMUND]

A %d blogueros les gusta esto: