música

O xoves 9 de xuño ás 20 h na igrexa de Santa María en Vilabade (Castroverde) terá lugar un concerto cos seguintes intérpretes e o programa:

Felix Vogelsang, violonchelo         Concentus Lucensis

Ismaele Gatti, órgano positivo       Stefano Molardi, dirección

Johann Ludwig Bach (1677-1731)

Das ist meine Freude, JLB 28

Para 8 voces e baixo continuo

Jan Pieterszoon Sweelinck (1562-1621)

Salmo 150 «Or soit loué l’Eternel»

Para 8 voces e baixo continuo

Francisco Guerrero (1528-1599) Ave, virgo sanctissima A 5 voces

Johann Sebastian Bach (1685-1750)

Suite n.º 2 en re menor para violonchelo só, BWV 1008

Preludio, Alemanda, Corrente, Zarabanda, Minueto I e II, Xiga

Francisco Guerrero (1528-1599) Virgen santa A 5 voces

Johann Sebastian Bach (1685-1750) SingetHerrn ein neues Lied BWV

Para 8 voces e baixo continuo

Felix Vogelsang, Nado en 1975 en Paderborn (Alemaña). A súa carreira levouno por toda Europa, Chile, Sudáfrica e Estados Unidos. Tocou como solista coa Deutsches Kammerorchester na Philharmonie de Berlín. É convidado regularmente a festivais coma o Festival Braunschweig Classix, o Vinschgauer Musikwochen, o Festival de Chaillol ou o Ceresio Estate, entre outros.

Stefano Molardi. Nado en Cremona en 1970. Participou en importantes festivais de música en Venecia, Ámsterdam, Conzertgebow, Utrecht, Rotterdam, Barbican Centre de Londres, Los Angeles, Boston, Nova York, São Paulo. Molardi ensina órgano, clavicémbalo e música de cámara na Escola Universitaria de Música de Lugano (Suíza). Imparte clases maxistrais e conferencias sobre música barroca en varios países europeos e Xapón.

Concentus Lucensis Os seus compoñentes son os mestres e solistas principais do coro lucense Solo Voces, do Orfeón Lucense e do Gruppo Vocale S. Bernardo, agrupación que desenvolve a súa actividade principal entre Saronno (Italia) e Lugano (Suíza). O Concentus Lucensis canta principalmente a partes reais, é dicir, cunha soa persoa para cada parte vocal, abordando un extenso repertorio, cunha predilección particular pola polifonía renacentista.

Este concerto forma parte do ciclo Ó son de Santa María, que nesta segunda edición de 2022 continúa no mes de xullo con dous concertos máis, un no mesmo lugar (16 de xullo) e outro na igrexa de Santiago, en Castroverde (8 de xullo).

[Programa completo]

O martes 19 de abril e o mércores 20 de abril celébranse senllos concertos de gospel en Monforte (primeiro día, na igrexa Sagrado Corazón – A Estación ás 20:15 h) e Lugo (segundo día, na Catedral ás 20:30 h)

Trátase de galas musicais do grupo Aba Taano a beneficio de Música para salvar vidas, organización que atende a nenos ugandeses necesitados de protección.

Na gala do día 20 en Lugo tamén actuará o Orfeón Lucense.

Aba Taano veu cantando a cappella durante os últimos 11 anos, realizando 1500 concertos, 7 discos, 11 premios internacionais, unha libraría virtual de Voces Africanas (Kyawa, de Educardo Tarilonte) e colaboraron na banda sonora da película The House. O seu repertorio comprende música gospel, cantos étnicos e pop.

Ao ser un acto benéfico, pídese un donativo ao final do concerto. O recadado destínao a asociación Música para salvar vidas a unha casa orfanato en Kireka, Uganda e para ir creando unha escola de música, de danza e arte.

O xoves 17 de marzo ás 20 h na Capela do Carme (Lugo) o grupo Concentus Lucensis dará o concerto espiritual In tempore Quadragesimae. O acto está organizado pola Delegación episcopal de Liturxia, Relixiosidade popular e Patrimonio histórico artístico en colaboración co Concello de Lugo.

Concentus Lucensis está integrado por:

Esperanza Iglesias, soprano

Carmen Prendes, alto

Fernando G. Jácome, tenor

Giulio Mercati, tenor/órgano positivo

Antón Castro, baixo

Marcos F. Mosquera, baixo

Cristina Nogueira, violoncello

Margarita López Blanco e Silvia Alonso, lecturas

No concerto interpretaránse obras musicais de compositores dos séculos XVI – XVIII: Jacob Handl, Nicola Porpora, Palestrina, Jean-Baptiste Barrière, Tomas Luis de Victoria, Cristóbal de Morales e Marc-Antoine Charpentier.

Capela do Carme, Lugo. Xoves 16 (día do mes en que se celebra a Eucaristía na capela), O armonio do século XIX da capela tocarao Xavier de Acosta, que tamén o restaurou recentemente. Xunto con Abraham Sánchez (voz) interpretarán “Stabat mater”, de Pergolesi, cantos de Advento como “Nueva aurora”…

Igrexa Santiago A Nova, sábado 18 de decembro: clausura da Novena á Virxe da Esperanza, co Orfeón Lucense.

Igrexa de Meira, sábado 18 de decembro ás 19:30 h: II Festival de Corais de Nadal, con actuación da Coral Polifónica de Meira, Coral Polifónica de Palas de Rei e do Orfeón Xoán Montes de Lugo.

Igrexa de San Froilán, Lugo, domingo 19 ás 19h: Concerto e Misa co Orfeón Lucense

Catedral de Lugo, domingo 19 ás 20:45 h Concerto de Solo Voces, e o domingo seguinte, 26 de decembro ás 17:30 h actúa o Orfeón Lucense. Estas actuacións forman parte do ciclo musical “Cantemos ao Nadal” que se vén desenvolve este mes na basílica lucense.

Festival de panxoliñas en liña que organiza o 17 de decembro Escolas Católicas.