Experiencia na Xornada Mundial da Mocidade de Pedro Martínez Puig

O meu nome é Pedro Martínez Puig, teño 19 anos e estudo Belas Artes en Pontevedra. Cando fai oito anos o bispo de Lugo pediu a familias en misión unha axuda á parroquia, a miña familia, do Camiño Neocatecumenal de Alacante, ofreceuse, e levamos en Lugo 8 anos.

A peregrinación na que participei na Xornada Mundial da Mocidade de Lisboa, levouna adiante o Camiño Neocatecumenal de Galicia e fomos uns 100 mozos xunto a uns 20 catequistas. Estivemos unha semana por España ata a vixilia co Papa.

O primeiro día atopámonos todos os mozos na Coruña para coñecer a realidade eclesial da zona e pedir unha intercesión ante a reliquía de San Pedro Apóstolo, que está na Misio ad gentes de Coruña. Despois partimos todos os mozos en dous autobuses, e fomos acollidos polas monxas cistercienses no mosteiro do Salvador, onde nos fixeron unha pequena experiencia. Tivemos unha invitación para facer a confesión e comezar a peregrinación xa cos pecados perdoados.

O segundo día fixemos unha misión evanxélica por Toledo, anunciando o Evanxeo con guitarras, cantando todos os mozos. Foi algo espectacular, impresionante, e uníronsenos dalgúns países tamén que ían á Xornada.

Ao día seguinte fomos a un parque temático cun transfondo cristián que nos axudou tamén aos mozos.

O cuarto día estivemos en Sevilla evanxelizando como fixemos en Toledo.

O quinto día fomos ao santuario do Rocío para pedir unha graza á Virxe María. Tivemos unha Eucaristía no Rocío para preparar o encontro co Papa.

Actos centrais

O 5 de agosto fomos a Lisboa, ao Campo da Graça. Estivemos case dous millóns de persoas en Lisboa. Tocounos o bloque D1, diante da pantalla víase moi ben ao Santo Padre cando apareceu. Tivemos a adoración ao Santísimo e o encontro co Santo Padre, que nos deu a benvida e explicounos o lema da Xornada Mundial da Mocidade, “María levantouse e partiu sen demora”. Explicounos que María fai as cousas por amor, cunha alegría misioneira e convidounos a todos nós a levar esta alegría, que os mozos estamos chamados a crear raíces de alegría, pois somos a alegría do mundo. A todo a isto convidábanos o Papa, que nos ensinou tamén que, en comunidade, debemos levantarnos uns a outros para ascender esta montaña do camiño da vida. A cuestión non está en non caer, senón en aprender a erguerse e seguir adiante todos xuntos. E é o único momento no que se pode mirar ao outro de arriba abaixo. Foi toda unha experiencia, unha axuda do Papa ese día, que tamén nos falou do achegamento a Xesús adestrándonos todos os días e sen ter medo, que foi unha frase estelar nesta Xornada do Papa.

Tivemos despois unha noite de fraternidade, os irmáns cantando, bailando. Unha noite cortada porque nos espertaron pronto cunha música moito máis actual e co baile alegre das monxas da Iesu Communio que tiñamos ao noso carón.

Xa na mañá do domingo tivemos a celebración da Santa Misa co Papa Francisco, que nos deu unha homilía moi clave e clara para nós. A min axudoume moito. Falábanos de resplandecer, como resplandece a lúa ante o sol, que reflicte a luz de Cristo, e que non somos perfectos, pero amando como El, iso é o que nos fai luminosos. E Deus ilumínanos.

Ademais de resplandecer, deunos outra palabra: escoitar, para non equivocarse, para seguir o camiño do amor que non é egoísta, o amor do que nos fala Xesús. O Papa convidábanos a escoitar a Xesús, lendo os evanxeos.

E a última frase, que foi o cumio desta peregrinación, non ter medo. O Papa convidábanos a todos a saír, a anunciar esta alegría que temos os mozos para buscar. Moitas veces vivimos tentados polo desánimo, pola preguiza, a falta de alegría e o Papa convidábanos á alegría, a non ter medo. E como dicía o Papa San Xoán Paulo II, o amor vence sempre. É algo impresionante que a min axudoume a coller a Palabra e a saír renovado desta Santa Misa.

Saímos do recinto e chegamos ao hotel onde se nos deu unha pequena catequese para prepararnos para o día seguinte.

O luns tivemos un encontro cos iniciadores do Camiño Neocatecumenal, con Kiko Argüello, Padre Mario e Ascensión, que nos dan unha palabra e podemos nós responder se é que o Señor nos chama a unha vocación sacramental. E nesta peregrinación dixeron si ao Señor uns tres mil mozos, que é algo impresionante. Podo dicir que fun un deles, que dixen si ao Señor. E alí mesmo o Bispo Patriarca de Lisboa deunos a bendición. Este ano seguramente xa entro no Seminario, se Deus quere.

Impacto 

Esta peregrinación para min foi algo clave na miña vida, a Xornada é un encontro persoal co Señor, é como un camiño, como unha vida dentro dun momento. Faise participe da graza de Deus. Nos autobuses adoitamos dar unha experiencia, dicimos como estamos neste tempo, explícansenos as Escrituras e os catequistas axúdannos a entrar en intimidade co Señor. E a min axudábame moito o saír de min mesmo, o buscar ao outro, o non quedarme quieto, como dicía o Papa, a saír, a dar esta alegría, a buscar estas raíces de alegría, a non quedar separado e a non quedar caído, a erguerse, a estar en vela esperando ao Señor. É algo que a min axúdame tamén a seguir o día a día, a poder manterme nesta mocidade e a ver que, como dicía o Papa, o que queda caído está xubilado da vida. Eu non quero xubilarme da vida. Esta Xornada Mundial da Mocidade axudoume e cambioume a vida debido a que agora vou ao Seminario nun tempo de discernimento. Agradezo o que fai a Igrexa por min, todo o que organiza, todo o amor que se me dá e todas as palabras que me dan. Tamén foi unha gran alegría poder vivilo alí con emoción, como pasaba o Papa e todos nos achegabamos a saudalo. Foi algo verdadeiramente especial ver que hai moitos como nós, case dous millóns de persoas que foron a Lisboa. Déixache impactado para sempre, cámbiache a vida. e iso empúxame a vivir a vida doutro xeito, empúxame a querer ao outro, a querer loitar. Para ter éxito, hai que adestrar. Agora, á volta da Xornada, que tanto custa volver a realidade moitas veces, ao que nos convida o Papa é a adestrar día a día, indo a Misa, á comunidade cos irmáns, a todo o que nos fortalece. E ver que a nosa vida é como unha peregrinación, é como un paso no que o Señor se fai presente.

Moitas grazas. É un pracer poder comunicar a miña experiencia e dar grazas á comunidade de Lugo, á comunidade parroquial e a todos aqueles que lean estas liñas.

Pedro Martínez Puig

Uns 100 mozos da Diocese de Lugo participarán na Xornada Mundial da Mocidade de Lisboa

O venres 21 de xullo ás 20 h. na Catedral, o bispo de Lugo, Mons. Alfonso Carrasco, presidirá a Eucaristía de Envío de todos os peregrinos da Diocese que acudirán á Xornada Mundial da Mocidade.

O grupo da Diocese de Lugo, acompañado polo Bispo da diocese, Mons. Alfonso Carrasco, está formado por peregrinos con idades comprendidas entre os 14 e os 35 anos, procedentes do Colexio Diocesano San Lorenzo-Seminario Menor de Lugo, Parroquias de Chantada e Taboada, Parroquia Nosa Señora das Dores de Lalín, Parroquia A Nosa Señora do Rosario de Sarria, Parroquia Santa Baia de Losón, Parroquias de Castroverde, Parroquia de Santiago A Nova e San Antonio de Padua de Lugo e Camiño Neocatecumenal. Acompáñaos, tamén, un grupo de 18 peregrinos do Colexio Divina Pastora-Salesianos de Lugo.

A centena de mozos estará acompañada de 14 responsables, dos cales 7 son sacerdotes, que se encargarán da organización e do desenvolvemento da peregrinación.

A Xornada Mundial da Mocidade, que se celebra do 31 de xullo ao 6 de agosto, é un encontro de mozos de todo o mundo que se reúnen co papa Francisco para celebrar a súa fe en Xesucristo. É ademais unha peregrinación, unha festa da mocidade, unha expresión da Igrexa universal e un momento forte de evanxelización do mundo xuvenil.

Aberta a inscrición para a Xornada Mundial da Mocidade

A Xornada Mundial da Mocidade proporciona aos centos de miles de mozos participantes unha experiencia de Igrexa universal, fomentando o encontro persoal con Xesucristo. Os mozos que desde Lugo desexen participar teñen á súa disposición un formulario para inscribirse.

Os actos centrais inclúen Misa de Apertura, Vía Crucis, Vixilia e Misa de Envío.

María levantouse e partiu sen demora” (Lc 1, 39) é a cita bíblica elixida polo Papa Francisco como lema da Xornada Mundial da Mocidade, que terá lugar en Lisboa do 26 de xullo ao 8 de agosto. A frase bíblica (unha cita do Evanxeo de San Lucas) abre o relato da Visitación (a visita de María á súa curmá Isabel), un episodio bíblico que segue á Anunciación (o anuncio do anxo a María de que ía ser a nai do Fillo de Deus, que foi o tema da última Xornada Mundial, en Panamá).

Testemuño dunha participante na Xornada Mundial da Xuventude

XMX Facía anos que desexaba ir a unha Xornada Mundial da Mocidade. Ás dúas anteriores non puiden ir, pero ao ver a retransmisión da Xornada de Rio e ao anunciar que a seguinte era en Cracovia, lugar relativamente próximo, propúxenmo. Vivir unha XMX é unha experiencia incrible.

 Nela comprobas que mozos de todo o mundo únense co obxectivo de atoparse con Deus así como mozos que queren cerciorarse de que é verdade que algo pasa, que algo hai para que se reúna tanta mocidade, sobre todo ao vivir na sociedade na que vivimos nós, os mozos. Estás a gusto porque comparten os teus ideais e non che atacan por crer en Deus ou outras cousas relacionadas coa Igrexa.

 A parte disto, tamén me gustou os momentos de oración que tivemos, tanto o propio da XMX como outros que fixemos, por exemplo en Bochnia. Ser acollidos por familias foi unha experiencia tamén moi bonita porque de primeiras é normal pensar facerse preguntas como: Quen me tocará? ou Saberá inglés? Tamén é moi común dicir que non che gusta ir a casa de descoñecidos. Finalmente todo iso acaba por non importar, pois cóidannos coma se fosemos uns fillos máis. E ante isto, o idioma non é problema, coñecendo as palabras básicas do mesmo, comunicándose con xestos ou nalgunhas familias ata teñen tradutores propios para falar en inglés.

 Non esquecerei frases como a que se dixo por primeira vez, creo que en Dresde: “Non é o teu estilo e sábelo”, ou outras como cando o Papa dixo: “O que se vos deu gratis, devolvédeo gratis”.  É  verdade, porque el mesmo dixo que nós non só somos o futuro da Igrexa, senón o presente; e isto, aínda que é difícil na sociedade na que vivimos, ténsenos que notar.

 Dou grazas a Deus por deixarme vivir esta XMX e por toda a xente coa que me atopei. Como xa dixen antes, vivir algo así é incrible.

Cris

[Texto en castelán e montaxe fotográfica]

Lugo co Papa en Cracovia

A diocese de Lugo foi fiel unha vez máis aos encontros co Papa nas Xornadas Mundiais da Xuventude. O bispo, sacerdotes, seminaristas e laicos de Lugo están presentes tamén estos días en Cracovia. A peregrinación lucense está organizada pola delegación episcopal de Xuventude. Xa hai días que partiron para Polonia facendo paradas noutros lugares como Berlín, visitas aos campos de concentración alemanes, Poznan… participando os días previos ao encontro co Papa nas actividades programadas polas dioceses de acollida. Os peregrinos tamén foron acollidos nas casas de familias polacas.

[Ver álbum de fotos]

A %d blogueros les gusta esto: