Campamento Urbano de Cáritas Lugo

Campamento urbano de Cáritas

Setenta e cinco nenos partipan no Campamento Urbano XXII “A volta ao mundo en 12 días” que organiza Cáritas Diocesana desde o 11 de xullo en Lugo no Colexio María Auxiliadora de Lugo. A partir do día 16 e ata o 18 estarán de acampada en Laxe, para regresar novamente ao Colexio María Auxiliadora e preparar a gran festa final do día 22. As actividades que se levan a cabo son: talleres, xogos, representacións, bailes, saídas a distintos puntos da cidade…

A maioría dos 21 monitores e 3 auxiliares son universitarios que estudan distintas carreiras. Algúns xa levan varios anos implicados neste Campamento e para outros sérvelles de formación. Coas familias dos nenos participantes mantense unha estreita relación. Todo isto para contribuír ao desenvolvemento integral dos nenos.

Deixa un comentario

%d bloggers like this: