Jesús Higueras estivo na Semana de Formación dos Cregos de Galicia

jesus-higueras-e-miguel-asorey

 Na XXIVª Semana de formación permanente dos cregos de Galicia (12-14 de setembro) participou Jesús Higueras, Misioneiro da Misericordia: “A experiencia como Misioneiro da Misericordia foi sorprendente, pois non me imaxinaba que fose tanta a xente que acudise este ano a reconciliarse con Deus a través deste sacramento. Moita xente tiña medo pero o Papa Francisco mostra moi amablemente que as portas do corazón de Deus están abertas a todos. En moitas parroquias multiplicouse o número de persoas que comprenderon que o amor de Deus é para todos, e reconciláronse con Deus. Foi unha experiencia moi positiva, oxalá que se repetise moitas veces”.

 Tamén se referiu Jesús Higueras ao papel do sacerdote no mundo actual:

 “Nunha sociedade que carece de sentido, desestruturada, cunha humanidade rota, ferida, a figura do sacerdote que fai unha oferta da garantía do amor de Deus é máis necesaria que nunca. Os sacerdotes somos  moi necesarios porque desde a gratuidade da entrega da nosa vida  seguimos mostrando ao mundo que o amor de Deus é para todos. Nas súas debilidades, nos seus fracasos, todos son amados de Deus. Isto pode facelo o segrar, pero o sacerdote faino a través dos sacramentos da Eucaristía e da reconciliación, a través da comunidade parroquial, en comuñón con irmáns… Polo tanto o sacerdote é unha riqueza para a humanidade, e por suposto para o Pobo de Deus”.

Semana de Formación Permanente dos Cregos de Galicia

Semana Poio - copia Do 12 ao 14 de setembro será a XXIVª  Semana de Formación Permanente dos Cregos de Galicia no mosteiro de Poio.  O lema desta edición fai referencia á chamada do Papa Francisco na Exhortación Evangelii gaudium, pedindo pasar  dunha pastoral de conservación a unha pastoral misioneira. Nesta mesma liña, no Xubileu dos Sacerdotes de Roma, o Papa pediulles aos cregos que fosen “bos samaritanos”, coa “porta aberta”.

 Haberá relatorios, diálogos, obradoiros, testemuñas,… que profundizarán no novo estilo ministerial dunha “Igrexa en saída” que quere dar resposta aos retos de hoxe.

 Os relatores das xornadas de Poio serán D. Jesús Higueras Esteban, Párroco de Sta. María de Caná (Pozuelo – Madrid), que participou no Sínodo sobre a Nova Evanxelización e que foi nomeado Misionerio da Misericordia; D. Xosé Manuel Domínguez Prieto, profesor de Filosofía e Director do Instituto da Familia de Ourense, e D. Miguel López Varela, membro do Pontificio Consello para a Nova Evanxelización e Director do Secretariado de Catequese da Arquidiocese de Santiago.

[Ver programa detallado]

Sacerdotes homenaxeados na festividade de San Xoán de Ávila

Sacerdotes homenaxeados 2

No día do patrono do clero, 10 de maio, son homenaxeados os sacerdotes que celebran as súas vodas de ouro sacerdotais:

-Julio Agra García                     -Dositeo Pérez Arias

-Antonio Agra Salgado              -Ramón Piñeiro Campos

-José Carballada Rodríguez     -José Maximino Rodríguez Rigueira

-Gonzalo Fraga Vázquez          -Pablo Rodríguez Rodríguez

-José Fernández Hermida         -Manuel Rodríguez Sánchez

-Eliseo García Sanmartín           -José Seoane Álvarez

-José Huerta García                   -José Vázquez Casanova

-Manuel Mato Mouriño               -Ángel Vigo Blanco

Tamén é homenaxeado o sacerdote que cumpre as súas vodas de prata:

-José Antonio Ferreiro Varela

Celebración de San Xoán de Ávila

Entrada pola Porta da Misericordia - copia

No día da festa de San Xoán de Ávila celebrada o día 10 de maio, o clero lucense gañou o Xubileo da Misericordia.

Programa

11:00 horas – Salón de actos do Seminario: Oración

Conferencia: Jesús de Nazaret en el camino teológico de J. Ratzinger. O Decano de Teoloxía da Universidade San Dámaso, Gerardo del Pozo, fala da publicación conxunta na BAC dos tres volumes sobre Xesús de Nazaret escritos polo Papa emérito (foto inferior).

12:30 horas – S.I. Catedral Basílica: Eucaristía

14:00 horas – Seminario Diocesano: Xantar

 

conferencia san xoán de ávila

Homenaxe a D. Carlos Méndez Vázquez

O domingo 17 de xaneiro, a parroquia de Monterroso homenaxea a D. Carlos Méndez que foi cura párroco da mesma dende o ano 1961 ata setembro do 2015. Nesa mesma data encargouse tamén da parroquia de Santiago de Bidouredo, anos máis tarde de S. Martiño de Fente e últimamente tamén de Santa María de Pedraza, todas elas do concello de Monterroso.

Os actos do día 17 son: ás 12:30 h Eucaristía presidida polo Sr. Bispo D. Alfonso Carrasco e cantada polo coro parroquial e pola coral Ecos do Ulla, e ás 14:00 h comida de confraternidade na Cúpula, situada na praza da localidade.

A %d blogueros les gusta esto: