Irmás da Cruz

Paula fixo os votos perpetuos como Irmá da Cruz

Paula e outras 3 irmás da Cruz fan votos perpetuos

 Un grupo de case 30 persoas  de Lugo estiveron o día 7 en Sevilla acompañando á irmá Paula nun dos días máis importantes da súa vida. Paula xa é Irmá da Cruz para sempre. O seu veo branco foi cambiado por un negro. É só un signo externo, pero fálanos da súa consagración total para o Señor. A cerimonia foi longa, pero moi intensa e emotiva. Foron 4 as mozas que con ela fixeron os votos perpetuos nunha “abarrotá” capela da Compañía da Cruz. Que a todas elas o Señor as siga bendicindo todos os días da súa vida.
En Sevilla hai unha comunidade de moitas relixiosas novas, entregadas e alegres, con abundantes vocacións. Como a de Lugo, pero ao grande. Todo un signo dos tempos nun mundo tan secularizado.
Ao día seguinte na Casa das Irmás da Cruz celebráronse as vodas de ouro dun grupo de relixiosas que cumpren 50 anos de consagración ao Señor.

Noticia extraída do boletín informativo Parroquia-e (Parroquia de San Froilán)

Unha santa vinculada a Lugo

cartel san froilán

«Que bonito é loitar cando se ten fe e valóranse as cousas á luz de Deus!» Esta é a cita da Madre María de la Purísima escrita na pancarta colocada no interior de parroquia de San Froilán durante os meses de preparación para a súa canonización. O nome desta Irmá xa figura no catálogo de santos desde o pasado domingo. A cerimonia, presidida polo Papa Francisco, tivo lugar na praza de San Pedro do Vaticano. Alí estiveron o Bispo de Lugo, o Rector do Seminario e catro fregueses da parroquia.

Supoño que resulta rechamante a importancia que lle demos na Parroquia e na cidade de Lugo a esta canonización. María de la Purísima foi a fundadora da casa das Irmás da Cruz en Lugo no ano 1987, primeiro na rúa Castelao e despois na de Miguel de Cervantes, ambas no territorio da parroquia de San Froilán. Con este motivo estivo na nosa cidade en varias ocasións, ademais das visitas que fixo despois ás irmás, das que era a Madre Xeral.

Madre María de la Purísima naceu en Madrid en 1926. En 1944 ingresa nas Irmás da Cruz. É elixida Madre Xeral en 1977 e reelixida 3 veces máis. Morreu en 1998 tras unha rápida enfermidade. Ao ano seguinte iníciase o proceso de canonización. Muller de amplo sorriso e con sólida formación, soubo continuar e expandir a obra da fundadora, sor Ángela de la Cruz, tamén santa.

Nestas liñas, non podemos esquecer o papel que tivo o sacerdote D. Alfonso Vilariño Blanco na fundación que Santa María de la Purísima fixo en Lugo. Grazas á insistencia de D. Alfonso chegaron a Lugo as Irmás da Cruz para facerse cargo dunha residencia para o coidado de persoas maiores, ademais da asistencia a enfermos nas súas casas. Moitos lucenses coñecen o labor abnegado, delicado e silencioso destas relixiosas que tratan de aliviar a cruz da enfermidade e a ancianidade a quen a padecen.

O domingo 25 de outubro terminou na Parroquia de San Froilán o triduo de acción de grazas pola nova santa. Deus estivo grande connosco e agradéceselle o agasallo da santidade de María de la Purísima e da presenza das súas “fillas” entre nós.

Miguel Ángel Álvarez

Párroco de San Froilán

Triduo en honra de santa María de la Purísima

M María de la PurísimaA Irmá da Cruz Madre María de la Purísima foi canonizada en Roma o pasado domingo 18. Debido á vinculación da nova santa con Lugo (fíxose cargo do establecemento nesa cidade da súa congregación) xa houbo un acto de difusión da súa figura na igrexa de San Froilán e a partir do día 23 hai un triduo:

  • Día 23, na Catedral, ás 20h. Preside o señor Bispo.

  • Día 24, na igrexa de San Froilán, ás 19:30 h. Preside Alfonso Vilariño

  • Día 25, na igrexa de San Froilán, ás 19:30 h. Preside Miguel Ángel Álvarez

Charla sobre María de la Purísima

Madre Mª de la Purísima, irmá da Cruz

O mércores 14 de outubro no salón parroquial de San Froilán (Lugo) o sacerdote Miguel Ángel Álvarez falou da vida da Madre María de la Purísima na Compañía Irmás da Cruz. Tamén explicou o que significa a santidade e os distintos pasos do proceso de canonización. Este proceso culmina o 18 de outubro, cando se canonizará á Madre María de la Purísima

Tamén compartiu o seu testemuño Alfonso Vilariño, sacerdote da Diocese de Lugo que coñeceu persoalmente á nova santa. Contou que cando Madre María informou ás 80 irmás dos desexos que tiña Alfonso Vilariño de que se instalasen en Lugo, todas ofrecéronse. Como Madre María era moi observadora da regra da orde, foi por Lugo durante 3 anos a partir da fundación na devandita cidade. Alfonso Vilariño dixo que Madre María nunca lle negaba nada; por exemplo, cando as invitou a que fosen a Santiago a gañar o xubileo. Aínda que as Irmás da Cruz son de semiclausura (non saen a pasear, só a visitar enfermos), foron a Galicia e ademais de Compostela, Alfonso Vilariño conseguíu que tamén visitasen as Rías Baixas. 

D. Alfonso Vilariño escribe sobre os 25 anos das Irmás da Cruz en Lugo

Unhas Vodas de Prata son, sen dúbida, un acontecemento singular, entrañable e gozoso. Así vivimos a maioría da sociedade lucense, amigos e admiradores das Irmás da Cruz as súas Vodas de Prata, da súa chegada á nosa cidade.

Foron 25 anos nos que o carisma de Sta. Ángela da Cruz de servizo, amor e tenrura aos máis pobres, anciáns, enfermos, marxinados… estivo presente nas parroquias de Lugo.

O acontecemento merecía unha celebración extraordinaria e así se fixo. Un triduo solemne no marco incomparable da Santa Igrexa Catedral Basílica ante o Santísimo Sacramento, permanentemente exposto, privilexio desta catedral, acollía o desenvolvemento dos actos, cuxo punto central era a celebración da Eucaristía.

Ler máis

A %d blogueros les gusta esto: