Apertura do curso no Seminario

O día 23 de setembro ás 5 da tarde, na Capela Maior do Seminario, terá lugar a solemne apertura do curso académico. À hora citada, D. Alfonso Carrasco Rouco presidirá a Misa do Espírito Santo.

Ás 6 da tarde, na Aula Magna, haberá os seguintes actos:

Interpretación do “Veni Creator Spiritus”

Lectura da Memoria do Curso 2010-2011

Lección inaugural “O matrimonio a debate” a cargo de D. Emilio Díaz Campo.

Segundo D. Emilio, o matrimonio xa era un tema a debate en épocas anteriores a Cristo, como se deduce de San Mateo, 19. Catro séculos despois, continúa o debate, pois para o mesmo san Agostiño “é materia escurísima e complicadísima”. Xa máis na actualidade, Julián Marías e Alejandro Rojas Marcos tratan o tema, entre outros. A convivencia baséase na concordia, e para os erros cometidos hai remedio. Tamén é certo que o egoísmo e a falta de principios relixiosos non axudan a que a institución matrimonial vaia como debería.

Dous amores dos crentes lucenses e dous singulares símbolos eucarísticos

No cincuentenario da fundación da Adoración Nocturna Feminina de Lugo, dedícanse as seguintes liñas a tratar catro asuntos relacionados coa adoración eucarística.

1. O culto eucarístico na catedral de Lugo é un dos feitos máis honrosos e queridos para a Diocese. Os lucenses gloriámonos dese feito por facernos singulares en todo o orbe católico, no que esta cidade é coñecida co nome de “Cidade do Sacramento”.

2. A Virxe dos Ollos Grandes é outro dos grandes amores na alma do lucense crente. Por iso é polo que os adoradores nocturnos de cada noite sempre, ao terminar as longas horas en orante adoración ao Santísimo, retíranse en procesión pasando por diante da Virxe dos Ollos Grandes. Ante ela,  rézase a pregaria “Deus che salve, Raíña e Nai…”. Pregaria esta que, segundo a tradición, compúxoa San Pedro de Mezonzo, bispo de Santiago, nos últimos anos do século X.

Así como hai dous amores na alma do lucense crente (o Santísimo e a Virxe dos Ollos Grandes) tamén hai dous singulares símbolos eucarísticos.

3. A escultura da “Última Cea”. Está na porta norte da Catedral, faríase polo ano 1200 e representa a Última Cea de Xesús cos seus doce discípulos. Hai unha poética inscrición latina que di: “O discípulo do Señor en plácido descanso dos seus membros, recostado (no colo de Xesús) na cea viu as delicias celestes”.

Debernos aclarar que, desde cando esta escena foi esculpida, pasarían aínda, máis ou menos, uns 200 anos en ser permanente día e noite, esta exposición do Santísimo Sacramento. Pero si podemos ter por seguro, segundo a documentación da Catedral, que xa se daba un culto especial á divindade do Cristo eucarístico.

E igualmente agora debemos precisar que aquí, en cada noite, os adoradores e adoradoras da quenda que corresponde a esa noite, situados ao redor da mesa do altar, renovan aquela “Cea do Señor”. E, curiosamente, non poucas veces somos alí o mesmo número de comensais que na cea do Señor cos seus discípulos. E o que si é certo é que, despois de darnos o abrazo de paz, participamos realmente, como eles, do corpo e o sangue de Cristo baixo as dúas especies do pan e do viño.

4. Custodia situada no centro do retablo do altar maior da catedral. Ten forma de sol radiante coa representación da sagrada Hostia no seu aro central. Desde hai xa moitísimo tempo, é o principal símbolo heráldico do escudo da cidade de Lugo e tamén está presente no escudo da nosa Galicia, evocándoa como “Antigo Reino”.

Estas dúas preciosas xoias (escultura da Última Cea e custodia), figuran nos carteis nos que se anuncia o acontecemento diocesano do cincuentenario da fundación da ADORACIÓN NOCTURNA FEMININA de Lugo.

JAIME DELGADO GÓMEZ

Celebración das vodas de ouro da Adoración Nocturna Feminina

Con motivo de cumprir os 50 anos de existencia, a Adoración Nocturna Feminina de Lugo, programa os seguintes actos na Catedral e no Seminario:

TRIDUO EUCARÍSTICO

Mércores día 21.- Ás 19 h: Hora Santa

Ás 20 h: Santa Misa presidida por D. Alfonso Vilariño Blanco, Director Espiritual Diocesano da A. N. F.E.

Xoves día 22:- Ás 19 h: Hora Santa

Ás 20 h: Santa Misa presidida polo Sr. Bispo da Diocese

Venres día 23.- Ás 19 h: Hora Santa

Ás 20 h: Santa Misa presidida polo Sr. D. Luciano Armas

CHARLA

Sábado día 24.- Ás 18.30 h: Charla – coloquio da Presidenta Nacional no Salón de Actos do Seminario.

GRAN VIXILIA DE ACCIÓN DE GRAZAS

Sábado día 24.- Ás 21 horas: Solemne Vixilia Conmemorativa presidida polo Sr. Bispo da Diocese, Monseñor Carrasco Rouco. Actuará o Orfeón Lucense

 

Viaxe – peregrinación diocesana de Lugo a Fátima

A Hospitalidade de Lourdes de Lugo, dentro dos actos de conmemoración das súas vodas de prata, organiza unha viaxe – peregrinación ao santuario de Fátima entre os días 16 e 19.

Día 16

18:00 h.: Visita á nova Basílica subterránea.

19:15 h.: Misa na Capelinha, presidida por Lugo.

Día 17

6:30 h.: Misa na Basílica, presidida por Lugo. Despois do almorzo, visítase Lisboa; Belén; Estoril; Cascais; Sintra.

21:30 h.: Participación na procesión dos “Fachos”, con actuación de Lugo.

Día 18

11:00: Participación na Misa Internacional, con actuación de Lugo. Excursión a Batalha (Sta. Mª da Vitoria); Alcobaça; Nazaré; Leiría.

21:30 h.: Posibilidade de participar na procesión dos “Fachos”.

Día 19

6:00 h.: Misa na Capelinha.

7:00 h.: Saída para Coimbra: visita á cidade e Universidade. Visita breve da cidade de Porto, o Bom Jesús e o gran santuario de Sameiro, onde terá lugar unha celebración.

Nesta viaxe-peregrinación participan a Xunta Directiva da Hospitalidade de Lourdes, responsables de zonas e da Hospitalidade, socios peregrinos. Hai dous autobuses: 100 persoas.

Non é unha viaxe de turismo nin unha excursión relixiosa calquera. É unha peregrinación, é dicir un itinerario espiritual, no que as paisaxes, o santuario, convídannos a viaxar ao noso interior, para atoparnos connosco mesmos, cos irmáns compañeiros de viaxe e con Deus.

No local da rúa Ourense, nº. 27, baixo, Venancio é a persoa encargada de entregar os vídeos ou DVD da Peregrinación a Lourdes; e / ou das Vodas de Prata. Así como o agasallo, aos socios que non participaron na Peregrinación a Lourdes deste ano.

Triduo en honra á Virxe das Dores na igrexa dos Franciscanos de Lugo

A Confraría lucense do Desencravo organiza un Triduo en honra á nosa Nai, a Virxe das Dores, os próximos días 13, 14 e 15 de setembro. Será na igrexa conventual dos Franciscanos de Lugo, co seguinte horario:

– Ás 19,00 horas: Santo Rosario.

– Ás 19,30: Eucaristía.

O predicador é Frei Amado González, Superior do Convento Franciscano de Lugo, e anterior Ministro da Provincia Franciscana de Santiago.

A %d blogueros les gusta esto: