Corpiño

No santuario do Corpiño comeza a Novena á Benaventurada Virxe María o 15 de xuño, en horario de 12 da mañá e 6 da tarde. Cada día dedícase a un tema:

Martes 15 de xuño: Dedicado ao traballo e aos traballadores. Bendición das mans, ferramentas de traballo e ás persoas que non teñen traballo.

Mércores 16: Dedicado ao canto. Bendición dos instrumentos musicais, do Coro “Nosa Señora do Corpiño” e das persoas que se dedican ao canto e á música.

Xoves 17: Dedicado a Cáritas e aos máis necesitados. “Operación quilo”. Cada asistente achega un quilo de alimentos non perecedoiros e serán entregados a Cáritas.

Venres 18: Dedicado á oración. Exposición do Santísimo en oración polas vocacións e a vida consagrada.

Sábado 19: Dedicado aos defuntos. Pedirase polos reitores, confrades e devotos da Virxe do Corpiño que faleceron. Especialmente polos falecidos a causa do COVID-19.

Domingo 20: Dedicado aos nenos e mozos. Bendición dos nenos e mozos.

Luns 21. Horario de Misas: 10, 11, 12 da mañá e 6 da tarde. Dedicado á familia, matrimonios e á vida. Bendición das familias, embarazadas e as persoas que desexan ter fillos e non o logran.

Martes 22: Dedicado ás persoas maiores e enfermos. Bendición dos enfermos, medicamentos e auga para tomalas.

Mércores 23. Primeiro día da romaría. Novena dedicada aos peregrinos, devotos e seguidores das redes sociais. Rézase polos devotos en xeral e en especial polos que están lonxe.

Xoves 24. Romaría da Benaventurada Virxe Maria do Corpiño Coroada.

O xoves 25 de marzo terá lugar no Santuario da Virxe do Corpiño a Festa de Inverno – O Corpiño pequeno e conclúe a Novena que se celebra na honra da Benaventurada Virxe María.

Celebraranse eucaristías desde as 9 da mañá. Ás 11 h será a Misa de Enfermos e ás 12 h a Misa Solemne. Esta será retransmitida en directo a través de Facebook: Santuario de O Corpiño.

Pola tarde haberá misas ás 17 e ás 18h.

Este ano, debido á pandemia, non hai procesión.

 O 24 de xuño de 2017 iniciábase no Santuario do Corpiño o Ano Santo Mariano que conclúe esta semana co seguinte programa:

23 de xuño

• Durante todo o día: “Trae unha flor á Virxe” (as flores que acheguen os devotos colocaranse na imaxe da Virxe elaborada en madeira e de máis de 2 metros de altura).

• Misas desde as 9h da mañá.

• Misa Solemne ás 12h Cantada polo coro Nosa Señora do Corpiño.

• Procesión e Ofrenda-baile á Virxe.

• Pola tarde, Misa ás 6h.

• Ás 11h da noite, Santa Misa á luz das candeas no exterior do Santuario e Procesión dos Fachos. Unha vez finalizada a Eucaristía farase a presentación do novo manto e saia que estreará a imaxe da Virxe o día da súa Coroación, realizarase a bendición tanto do manto como da saia, e seguidamente o autor explicará a súa obra.

• Gran tirada de lumes artificiais.

24 de xuño

• Misas desde as 9h da mañá

• Ás 11:30h Procesión previa á Misa da Coroación e Gran Petalada.

• Ás 12h Santa Misa Solemne de Coroación Pontificia da Benaventurada Virxe María do Corpiño, presidida por Mons. Alfonso Carrasco Rouco e cantada pola Coral Polifónica do Casino do Carballiño, a Coral Polifónica Trasdeza de Silleda e a Coral Nosa Señora do Corpiño e acompañados da Banda de Música de Vilatuxe.

• Procesión e Ofrenda-baile á Virxe.

• Despedida da Benaventurada Virxe María do Corpiño Coroada.

• Pola tarde, Misas ás 5 e 6h.

Poderá verse en directo a celebración da Coroación Pontificia da Virxe na páxina web do santuario.

O domingo 17 de xuño, a unha semana da Coroación Pontificia da Benaventurada Virxe María do Corpiño, estivo repleto de fregueses ao longo de toda a xornada. Durante toda a mañá chegaban autobuses de diversos lugares de Galicia: Laracha, A Coruña, Porto do Son, estes últimos, acompañados do seu sacerdote, D. Ramón, o cal presidiu a Eucaristía das 12 h. A tarde non foi menos concorrida; nesta ocasión a Santa Misa presidiuna o Vicario de pastoral da Diocese de Lugo Luis Manuel Rodríguez Pérez.

Ao finalizar, tivo lugar uno dos actos máis agardados: o mestre ourive sevillano Fernando Marmolejo explicou por medio de fotos e videos, o proceso de realización da coroa da imaxe da Virxe, o cal levou seis meses. Ao final tamén houbo un tempo para preguntas por parte dos presentes, que en varias ocasións emocionáronse e iso viuse reflectido en emotivos aplausos que fixeron saltar algunha bágoa ao ourive.

Nesta presentación o máis destacable foi a implicación por parte do autor da obra para realizar a coroa, reflectindo nela todo o que rodea á Virxe e ao Santuario do Corpiño, tanto física como devocionalmente, desde os carballos ata a Custodia da Diocese de Lugo; algo que para levar a cabo motivou varios desprazamentos a Galicia.

O domingo, 10 de xuño, celebrouse o último Xubileu do Ano Santo Mariano; que foi dedicado nesta ocasión aos noivos e comprometidos e que tivo gran afluencia de fieis.

Sobre as 11:45 h atopábanse na Carballeira do Santuario o Reitor e os devotos cos peregrinos que chegaban de realizar o Camiño dos pastorciños, para impartir a bendición e iniciar a procesión cara á Porta Santa. Ás 12:00 h empezaba a Santa Misa, por todos os noivos e comprometidos. Ao finalizar impartiuse a bendición a todos os presentes.

Aínda que non hai máis xubileus programados no Santuario; todo o que queira poderá gañar o xubileu ata o domingo 24 de xuño, día en que conclúe o Ano Santo e realizarase a Coronación Pontificia da Benaventurada Virxe María do Corpiño.

Para conseguilo é necesario:

– Confesar

– Comulgar

– Rezar polas intencións do sumo Pontífice

– E orar ante a imaxe da Virxe María do Corpiño

Tamén, ata o 24 de xuño, poderán obterse os certificados de peregrino.