Exercicios espirituais

As Delegacións de Apostolado Segrar de Lugo e Santiago organizan durante este curso 2017-2018, varios exercicios espirituais para os interesados en profundizar nun mesmo e na dimensión espiritual da persoa. A comezos de decembro foron en Lugo e no inicio de xaneiro serán en Santiago: do 2 de xaneiro ás 5 da tarde ata o venres despois de xantar.

Cómpre levar Biblia, libreta e bolígrafo, ademais de roupa e útiles de aseo.

Para resolver dúbidas, reservar praza… WhatsApp 680.42.96.26 (Javier Porro).

Tamén no mes de xaneiro de 2018, do día 7 (pola noite) ao 12 (ao mediodía) os sacerdotes de Lugo teñen unha segunda ocasión para facer exercicios espirituais. Estarán dirixidos polo Delegado do clero da Diocese de Orihuela-Alacant, Agustín Sánchez Manzanares (imaxe esquerda).

Exercicios espirituais “As preguntas de Xesús“

 

Estes exercicios espirituais para laicos, consagrados e sacerdotes serán no Centro de Espiritualidade “Santa María do Mar” en Dorrón-Sanxenxo, do 30 de abril ao 2 de maio de 2017. Organizan a Delegación Episcopal de Apostolado Segrar e o Consello Diocesano de Laicos coa colaboración da Vigairía do Clero e Delegación Episcopal de Vida Consagrada, da Diocese de Tui-Vigo

As preguntas que o Mestre nos fai son sempre “inquietantes”: Que buscades? (Xn 1,38), Queres sanar? (Xn 5,6), Ámasme? (Xn 21,15).

Consolan, estimulan a vida, abren diálogos. Hai que meditalas unha a unha. Amodo. Sen glosas. En silencio. Deixándonos interpelar por elas. Son unha Boa Noticia para uns días de oración.

Responsables:

– Charlas e guía espiritual, Rvdo. P. Salvador León Belén, Claretiano, do Equipo claretiano Laicos-Familia.

– Coordinación e inscricións, Rvdo. D. Juan José González Estévez, Delegado Episcopal de Apostolado Segrar.

[Máis información]

 

Exercicios espirituais no mosteiro de Santa María de Sobrado dos Monxes

As 5 Delegacións de Apostolado Seglar das dioceses que compoñen a provincia eclesiástica galega (Santiago de Compostela, Lugo, Mondoñedo-Ferrol, Ourense e Tui-Vigo) organizan exercicios espirituais no tempo de Coresma, do 10 ao 12 de marzo, no mosteiro de Santa María de Sobrado dos Monxes (Patrimonio da Humanidade). Os exercicios están impartidos polo prior D. Carlos Gutiérrez Cuartango. Comézase o venres 10 de marzo coa oración das vésperas coa comunidade do monxes, ás 19:00 h, e remátase o domingo 12 de marzo co xantar, ás 16:00 h. A pensión completa de todo o retiro é 90 €.

A comuñón eclesial faise tamén con xestos como o de coorganizar estes retiros, que neste curso fan por primeira vez de forma conxunta as 5 delegacións diocesanas de Galicia. É unha forma de que os seglares de diferentes lugares e procedencia (de parroquias, de movementos e asociacións, amigos, etc.) coñezan e poidan participar activamente neste tipo de encontros profundos cun mesmo, co Señor e cos irmáns.

Quen teña dúbidas ou queira máis información, pode enviar un correo electrónico ou chamar por teléfono: laicos@diocesisdelugo.org ou belsaivi@yahoo.es e 639 938 216 ou 649 045 880.

Exercicios espirituais para sacerdotes

A partir do día 8 de xaneiro na Casa Diocesana de Exercicios hai exercicios espirituais para sacerdotes. Serán ata o día 13 de xaneiro e están dirixidos polo sacerdote da Diocese de Toledo Juan Antonio Naya. Imparte clases de Fundamentos de Filosofía no Instituto Teolóxico San Ildefonso

Juan Anaya, actual párroco da Parroquia de Santa Bárbara en Toledo, durante case oito anos foi misioneiro nas comunidades da Selva, Prelatura de Moyobamba, Perú. Ademais de atender varias parroquias, foi director espiritual do Seminario e responsable da Pastoral Vocacional na propia prelatura.

O coidado da nosa dimensión espiritual

Entre as cousas boas de ser cura está a de ter a graza de poder dedicar unha semana ao ano a facer un “reseteo de todo o sistema”, por dicilo dalgún modo. Trátase dos exercicios espirituais.

Pero isto non é só cousa de curas. Actualmente para os laicos tamén hai bastantes ocasións de poder facer exercicios espirituais. Desde a delegación de Apostolado Seglar organízanse retiros de fin de semana en distintas épocas do ano. Na súa páxina web veñen as datas e información doutras actividades.

Facer unha pausa deste tipo sempre vén ben. Nos mesmos evanxeos vemos a Xesús retirarse ao monte en varias ocasións. Xa cando era neno e os seus pais perdérono en Xerusalén fórono a atopar no Templo onde se estaba ocupando das cousas do seu Pai.

No mundo moderno ofrécensenos moitas posibilidades de exercitar o noso corpo e tamén o noso espírito, aínda que estas últimas quizais moi baleiras de contidos. Todo o noso ser é cousa de Deus, pero moito máis a nosa dimensión espiritual, que El coida especialmente dunha forma directa.

Por moito que nos empeñemos no contrario, as persoas e o mundo necesitamos a Deus. Sen El só somos froito da casualidade, como di Benedicto XVI: “Cando perdas a Deus, perdícheste a ti mesmo; entón serás tan só un produto casual da evolución” (libro Jesús de Nazaret). Sabemos que hai cousas na nosa vida que non son de casualidade, aínda que o poidan parecer en primeira instancia.

Deus non pode faltarnos da nosa vida porque somos froito do seu amor. Por iso, cando os afáns da vida cotiá impídennos ou dificultan o encontro con Deus, necesitamos facer unha parada e recargar as baterías na presenza de Deus.

Miguel Ángel Álvarez

Párroco de San Froilán

A %d blogueros les gusta esto: