Mes: Maio 2013

Publícase un novo número da revista Lucensia

Revista da biblioteca do Seminario de Lugo

O martes 21 no auditorio da Fundación Novacaixagalicia, en Lugo presentouse un novo número da revista de cultura e investigación Lucensia. Na portada vese unha foto da ponte romana de Lugo, pois a ela adícanse dous artigos. Un sobre a súa conservación titulado “A ponte de Lugo e a responsabilidade da Mitra episcopal: problemas derivados do seu arranxo”, de Adolfo de Abel. E o profesor de Física Miguel Leiva Torreiro detalla con precisión técnica o alcance das obras de remodelación concluída este ano.

O número 46 Lucensia ábrese cun artigo do teólogo David Varela Vázquez, que escribe sobre a relación entre fe, ciencia e teoloxía, descubrindo implicacións teolóxicas da Física moderna, segundo o profesor Manuel Carreira.

Ler máis

Cáritas presenta os actos con motivo do Día da Caridade

Cáritas Lugo

O 21 de maio presentouse no local de Cáritas Diocesana de Lugo na avenida das Américas a serie de actos que se organizan con motivo de celebrarse proximamente o Día da Caridade:

• Mércores 29 de maio

– Ás 20:00 PREGÓN DA CARIDADE no Salón Rexio do Círculo das Artes a cargo do Cardenal D. Carlos Amigo.

• Xoves 30 de maio

– Dende as 10:30 da mañá ata as 13:30 do mediodía, haberá en Lugo, mesas para recoller donativos, atendidas por persoas voluntarias.

– Ás 18:00 Entrega de diplomas aos nenos e nenas dos colexios de Lugo por parte de D. Alfonso Carrasco Rouco, Bispo de Lugo, no Salón de Actos da Fundación Caixa Galicia.

– Ás 19:00 Actividades para os nenas/as na Praza de Santa María, organizadas polo Servizo de Infancia e Xuventude de Cáritas Diocesana de Lugo.

• Domingo 2 de xuño

– Toda a mañá haberá en Monforte, Melide e Lalín mesas para recoller donativos, atendidas por persoas voluntarias.

– Colectas nas misas de toda a Igrexa Diocesana.

Na foto: Mónica Yáñez, Ginés Plaza e Antón Negro

Festa da Fe do arciprestado de Sarria

San Eufrasio

O domingo 19 a partir das 11:30 horas hai celebración do perdón e Eucaristía presidida polo señor Bispo en San Eufrasio de Val de Mao. Participan fieis de Sarria, Samos, O Incio, Páramo – Farnadeiros, Paradela.

A cinco quilómetros do Mosteiro de Samos, no Val do Mao, repousa desde hai máis de doce séculos o corpo dun dos Sete Varóns Apostólicos, o do glorioso San Eufrasio, primeiro Bispo de Andújar (Xaén).

Na Diocese de Lugo celébrase a súa Memoria. No século XIV o seu sepulcro era centro de atracción de moitos fieis, e na segunda metade do século XVI era visitado e venerado por peregrinos que viñan, non só de Galicia, senón tamén de León.

Tambén era famoso este Santuario no século XVII, até o punto que o Conde de Lemos, Don Francisco de Castro, trasladouse alí, para santificarse durante uns anos xunto ao sepulcro do Varón.

Décimas Xornadas de Apostolado Segrar

X Xornadas de Apostolado Seglar

En torno ao día de Pentecostés, a Delegación Diocesana de Apostolado Segrar organiza os seguintes actos:

  • Venres 17 de maio ás 20h no Seminario,

    A misioneira laica vicentina Ana López fala sobre a fe, como motor de vida.

  • Sábado 18 ás 20 h na parroquia de San Xosé das Gándaras                                  Vixilia de Pentecostés

  • Domingo 19 ás 13 na Catedral,

    Eucaristía de Pentecostés.

Curso de Mans Unidas sobre proxectos humanitarios

Mans Unidas de Lugo organiza un Taller “Curso básico de formación en Proxectos”. Celébrase día 16 de maio (unha soa xornada) na rúa da Cruz 1 B- 1º

PROGRAMA

10,00 – 11,00 h: Nocións básicas sobre proxectos.

11,00 – 11,30 h: Exercicio sobre “debe e non debe”.

11,30 – 12,00 h: Exemplo de identificación nun proxecto educativo.

12,00 – 12,30 h: Descanso.

12,30 – 13,45 h: Os proxectos en Mans Unidas. Xestión dun proxecto.

16,00 – 17,00 h: Operación Enlace e Co-financiamento. 

A %d blogueros les gusta esto: