O xoves 6 de xuño, na praza de Santa María de Lugo, poderá verse de 17 h a 20 h. a exposición “Viron e creron. A alegría de ser cristián” que a través de paneis con foto e texto fai un percorrido polos fundamentos da fe católica.
Ás 18.30 h, no mesmo lugar, terá lugar un recital de poesía e música relacionada co Corpus. A Summa poética consistirá no recitado de poemas clásicos e algún actual de temática eucarística. Na parte musical intervirá o Orfeón lucense.