Hoxe hai unha ocasión de entrar dentro dun mosteiro durante a formación en liña ás 19:30 h. que organiza o párroco de A Fonsagrada, Miguel Ángel Álvarez.
Miria, unha monxa dominica do mosteiro de Orihuela, compartirá o seu testemuño vocacional e falará tamén da vida monástica e da importancia que ten para a Igrexa.
Todo isto é posible grazas ás novas tecnoloxías, que durante este tempo de pandemia e de confinamento tanto nos están axudando, tamén para as cousas de Deus, xa que permiten estar un pouco máis preto, aínda que sexa de forma virtual.
O grupo de formación é habitualmente os martes, pero ás veces por problemas de axenda cambia de día.
Se alguén está interesado en participar hoxe neste encontro coa Irmá Miria só ten que escribir antes das 16 h. para recibir as claves coas que poder conectarse a través da plataforma Teams.