Entre as 11.30 a 13h. de cada día, o Papa recibe aos bispos en grupos de 7 – 8. Cada Bispo presenta brevemente un informe sobre o estado da Diocese, respondendo ás preguntas do Santo Padre. Mons. Alfonso Carrasco enviou á Nunciatura o informe sobre o estado da Diocese, e unha vez lido pola Congregación para os Bispos, chega ao Papa.
Ademais do encontro coa Súa Santidade, que constitúe o momento central da visita, hai entrevistas nos diversos dicasterios da Curia Romana.
Outros actos son os seguintes: audiencia o 3 de marzo, Eucaristía na Basílica de San Pedro o día 4 e na de San Pablo Extramuros o día 7.