Viaxe a Croacia de Pastoral da Saúde

Pastoral da Saúde de Lugo organiza unha viaxe a Croacia durante 8 días, do 5 ao 12 de xullo.

Os dous primeiros días visítase Venecia.

O 7 de xullo os viaxeiros estarán na antiquísima cidade de Porec, famosa pola súa basílica eufrasiana do século VI, Patrimonio da UNESCO. Visítase tamén a cidade de Púa co seu Anfiteatro romano.

O día 8 é un día adicado aos lagos: os de Plitvice, (con 16 pequenos lagos entrelazados e con fervenzas), o de Kozjak (con paseo en barco), e o de Glosac.

O 9 de xullo visítanse Zadar, con 3000 anos de historia; Trogir, cidade medieval e Split, cidade con herdanza desde a época romana.

E os últimos días visítase unha das cidades máis fermosas de Europa, rodeada de murallas e fortificacións: Dubrovnik.

Campamento de verán “O oitavo día comeza a nova creación”

Campamento de verán organizado polos Franciscanos

do 1 ao 8 de xullo. Campamento de xoves Louro 2012. Para maiores de 13 anos. Actividades: moitos xogos no campo, na praia, na montaña. Música, deportes, oracións, surf, días temáticos, veladas, concursos, festas, catequese, cursos, penitencias, aventura, e o último día o gran reto franciscano.

Contacto en Lugo: Manuel Fuertes

Programa de Ateibo “Mañás de Verán”

A Asociación Xuvenil Ateibo desexa facilitar a conciliación da vida familiar e laboral nos tempos de vacacións da infancia. Ademais, con Mañás de Verán preténdese seguir educando en valores a través do xogo, ofertar actividades alternativas á televisión ou consolas, favorecer a creatividade infantil, a participación e o traballo en equipo. Tamén é unha maneira de seguir empregando as instalacións de colexio salesiano Divina Pastora de Lugo fóra do calendario escolar.

Destínanse estas actividades ao alumando desde 1º de Infantil (3 anos), ata 6º de Primaria incluídos, do curso rematado.

Algunhas das actividades que se fan:

  • biblioteca e animación á lectura,
  • obradoiros,
  • piscina,
  • deportes, psicomotricidade,
  • novas tecnoloxías,
  • xogos organizados,
  • saídas,
  • cine

Ofértanse 50 prazas dúas semanas, podendo asistir, unha ou as dúas.

As datas: 1ª Semana: do 25 ao 29 de Xuño

2ª Semana: do 2 ao 6 de Xullo

O horario: de 10.00 a 13.30 h

Servizo de gardería: haberá servizo de gardería de 9:00-10:00 h e de 13:30-14 h

Para máis información chamar ao novo número telefónico de Ateibo 633674528

667 peregrinos desde Lugo a Lourdes

Na última semana de xuño, 667 persoas peregrinaron a Lourdes procedentes de Silleda – Lalín, Chantada, Escairón, Monforte, Pobra de Brollón, Sarria, Rábade, Viveiro, Terra Cha, Meira, A Fonsagrada, Lugo, Monterroso…

ACTOS EN LOURDES: Misa de presentación; Vía Crucis no Monte; Vía Lucis; Eucaristía Internacional, na Gruta e de Despedida; Procesións. Na procesión dos fachos do día 28 de xuño, a organización do santuario francés encargou aos peregrinos de Lugo portar a imaxe da Virxe.

Os peregrinos participantes son: enfermos, persoal sanitario e peregrinos, todos eles socios da Hospitalidade Diocesana de N. S. de Lourdes, organizadora desta 26ª peregrinación. Este ano 2012 o lema é: Rezar o Rosario con Bernardita. A gran familia dos fillos de Deus e María.

Ofrenda do C. D. Lugo á Virxe dos Ollos Grandes

Na Capela da Virxe dos Ollos Grandes da Catedral, representantes do Club Deportivo Lugo presentaron a ofrenda ante a patrona da cidade. Estivo presente o bispo da Diocese, Mons. Alfonso Carrasco, que recibiu ao presidente do club, José Bouso; ao capelán, Xoán Carlos Rodríguez Paradela, xogadores e equipo técnico, que fixeron unha ofrenda floral na mañá do 26 de xuño tras finalizar unha temporada que supuxo o ascenso de categoría.

A %d blogueros les gusta esto: