Encontro diocesano

O vindeiro 28 de novembro terá lugar o encontro diocesano ao inicio do Ano Litúrxico. Comézase no Santuario da Saleta en Silleda para logo acudir ao Santuario do Corpiño en Lalín.

O inicio do Ano Litúrxico é sempre unha boa ocasión para encontrarse, reflexionar e rezar xuntos. É unha reunión aberta a sacerdotes, consagrados e laicos. Presidirá o Bispo, D. Alfonso Carrasco.

O encontro desenvolverase do seguinte xeito:

• 10:30 h en Siador, Nosa Señora da Saleta. Visita a igrexa e oración

• 12:00 h: O Corpiño. Reflexión “Ano Litúrxico, posibilidade de encontrarnos con Xesús” a cargo de D. José Joaquín Borrajo, Vicario Xeral da Diocese de Ourense.

• 12:30 h: Tempo de oración e reflexión persoal.

• Oportunidade de recibir o Sacramento da Confesión

• 13:15 h: Eucaristía. Ó final da mesma: invocación mariana

• 14:15 h: Xantar.

A comida será nun restaurante no Corpiño (15€); un autobús sairá ás 8:45h. da mañá da Ronda da Muralla á altura da Porta de San Fernando, Lugo e regresa ao final do encontro (15€). É necesario anotarse, para a comida e o autobús, antes do día 25 de novembro nos teléfonos 982 21 42 65 (horario de tarde de 18 a 20h.), zona de Pontevedra 679 55 8108.

Organiza: Delegación Episcopal de Liturxia, Relixiosidade Popular e Patrimonio Histórico Artístico

A Delegación Episcopal de Liturxia, Relixiosidade Popular e Patrimonio Histórico Artístico organiza o 29 de novembro o Encontro diocesano ao inicio do Ano Litúrxico. Será a partir das 11 h no Mosteiro de Carboeiro e no santuario do Corpiño. O programa é o seguinte:

Mosteiro de Carboeiro

11:00 h Oración e visita ao Mosteiro

Santuario do Corpiño

12:00 h Reflexión sobre a sinodalidade

12:30 h Celebración penitencial

13:00 h Eucaristía

14:00 h Xantar

O encontro diocesano ao comezo do Ano Litúrxico terá lugar en Silleda-Corpiño o próximo 2 de decembro. É sempre unha boa ocasión para atoparse, reflexionar e orar xuntos. Presidirá o señor Bispo.

O encontro desenvolverase da seguinte maneira:

11:00. Acollida, Oración e reflexión.

Tema: “Pobo de Deus en Saída”

Lugar: Salón parroquial, casa reitoral de Silleda.

 12:30. Descanso

 13:00. Celebración penitencial na igrexa parroquial de Silleda

 14:15. Comida Fraternal.

 17:00. Eucaristía no Santuario do Corpiño

É unha reunión aberta a sacerdotes, consagrados e laicos.

A comida será nun restaurante de Silleda e o prezo do menú é de 15 euros; tamén desde Lugo ponse un servizo de autobús, o seu prezo é de dez euros, con saída ás 09:15 da mañá desde a Praza de Bretaña e regreso ao final do encontro.

É necesario apuntarse para a comida e o autobús antes do 1 de decembro na Parroquia da Milagrosa (Lugo) ou no Santuario do Corpiño. 

O 4 de decembro terá lugar o Encontro diocesano ao comezo do Ano Litúrxico en Silleda-Corpiño. O encontro desenvolverase do seguinte xeito:

• 11:00. Acollida, oración e desenvolvemento do tema: “Parroquia, familia que inicia na fe”.

Relator: Alberto Leiva Torreiro. Párroco de San Antonio de Padua de Lugo

Lugar: Salón parroquial, casa rectoral de Silleda

• 12:30. Descanso

• 13:00. Celebración penitencial na igrexa parroquial de Silleda

• 14:15. Comida fraternal.

• 17:00. Eucaristía no Santuario do Corpiño

É unha boa ocasión para atoparse, reflexionar e orar xuntos no Ano Santo Xubilar Mariano do Corpiño. O feito de atoparse sacerdotes e fieis co Bispo, que presidirá o encontro, fai ben, porque axuda a vivir e sentir como Igrexa e coa Igrexa.

A comida será nun restaurante de Silleda e o prezo do menú é de 15 euros; tamén desde Lugo ponse un servizo de autobús, o seu prezo é de dez euros, con saída ás 09:30 da mañá desde a Praza de Bretaña e regreso ao final do encontro.

É necesario apuntarse para a comida e o autobús antes do 1 de decembro (Parroquia da Milagrosa, 982 214 265)

O encontro diocesano ao comezo do Ano Litúrxico en Silleda o 30 de novembro desenvolveuse pola mañá da seguinte maneira:

• 11:00. No salón parroquial da casa reitoral de Silleda: Acollida, oración e exposición do tema: “Ano Litúrxico: Celebración do Amor de Deus” a cargo de D. Ramiro González Cougil, Delegado de Liturxia de Ourense.

• 13:00. Celebración penitencial na igrexa parroquial de Silleda

Pola tarde: Eucaristía no Santuario do Corpiño e bendición do cadro da imaxe da Virxe Desatanós de Galicia.

A imaxe da Nosa Señora Desatanós é un cadro pintado por un artista descoñecido no ano 1700. María está rodeada de anxos e protexida polo Espírito Santo. Atópase de pé pisando a cabeza dunha serpe. Un anxo á súa esquerda alcánzalle as cintas con nós e outro anxo á súa dereita recolle as cintas estiradas.