Peregrinación xuvenil a Fátima

Fatima2014_galego

As 5 Delegacións de Pastoral de Mocidade de Galicia traballan nunha fermosa comuñón realizando varias actividades ao longo do ano, como a Peregrinación ao Monte Faro. E agora a Peregrinación de Mozos a Fátima a partir do día 28. De Galicia van 84 mozos (25 da Diocese lucense). Os rapaces crearán vínculos de amizade e participarán en distintos tipos de actividades: charlas, reunións por grupos, momentos de oración, Misa, veladas (momentos de baile e risas), visita das casas dos pastorciños, os lugares das aparicións, o Viacrucis, o Rosario de fachos e sobre todo a gran vixilia de oración na Capeliña. 

Concluíu a peregrinación a Fátima da Hospitalidade de Lourdes

Misa Internacional Fátima 2013

A Hospitalidade da Nosa Señora de Lourdes organizou, desde o pasado venres día 13 de setembro ao luns día 16 de setembro de 2013, a Terceira Peregrinación Diocesana de Lugo a Fátima (Portugal), na que participaron un total de 110 peregrinos acompañados de 2 sacerdotes. Os peregrinos participantes son: enfermos, persoal sanitario, hospitalarios e peregrinos, todos eles socios da Hospitalidade diocesana.

No Santuario de Fátima houbo distintas celebracións: Misa na Capelinha das aparicións presidida por Lugo, Procesión dos fachos, Víacrucis, Misa Internacional (na foto). Ademais, os peregrinos participantes visitaron Lisboa, Belén, Estoril, Cascais, Sintra, Bathala (Santa María da Vitoria), Alcobaza, Nazaré, Coimbra, todo o conxunto de Bon Jesú e o gran santuario de Sameiro, lugar onde se tivo un Acto Mariano.

Terceira peregrinación a Fátima da Hospitalidade de Lourdes

Viaxe a Fátima da Hospitalidade de Lourdes

Do venres 13 ao luns 16 de setembro terá lugar a terceira viaxe a Fátima que organiza a Hospitalidade Diocesana de Lourdes de Lugo, co seguinte programa:

VENRES DÍA 13:

18 h: Visita á nova Basílica Subterránea e Celebración Comunitaria da Penitencia na mesma.

19:15 horas: Misa na Capelinha, presidida por Lugo. 

SÁBADO DÍA 14:

6:30 horas: Misa na Basílica (voluntaria), presidida por Lugo.

Despois do almorzo, visita a: Lisboa; Belén; Estoril; Cascais; Sintra.

21:30 horas: Participación na Procesión dos Fachos, con actuación de Lugo.

DOMINGO DÍA 15:

  11 horas: Participación na Misa Internacional, con actuación de Lugo.

Trala comida, excursión a Bathala (Santa María da Vitoria); Nazaré.

21:30 horas: Participación (voluntaria) na Procesión dos Fachos.

LUNS DÍA 16:

8 h: Saída para Coimbra: visita da cidade en coche. Continuación da viaxe e visita a todo o conxunto de Bon Jesú. Pola tarde, visita ao gran Santuario de Sameiro, onde se celebrará a Misa de Despedida.

Peregrinación a Tarragona

Cartel peregrinación a Tarragona detalle

Abriuse o prazo para inscribirse na peregrinación a Tarragona, con motivo da beatificación de 522 mártires, os días 12 e 13 de outubro. Da nosa Diocese será beatificado Mons. Manuel Basulto Jiménez, que foi Bispo de Lugo de 1909 a 1919. Ademais do acto de beatificación, haberá: representación da ‘Paixón de San Fructuoso’, exposición dos pasos da Semana Santa tarraconense, varias rutas. O aloxamento é en Salou (pensión completa) e hai dispoñibilidade plena para os traslados oportunos a Tarragona.

Unha opción é facer esta viaxe en autocar, saíndo de Lugo o día 10, visitando Zaragoza antes de chegar a Tarragona o día 11. Entre os días 13 e 16 visítanse Barcelona, Arévalo (exposición Idades do Home) e Salamanca. Prezo: 395 €

Tamén hai a posibilidade de ir en avión (voos directos Santiago – Barcelona). Neste caso pártese o venres11, regrésase o domingo 13 e o prezo é de 410 €.

Prazas limitadas. Información e Reservas: 986 781 980

637 persoas peregrinan a Lourdes

peregrinación diocesana

A Hospitalidade Diocesana de Lourdes organiza entre os días 1 e 5 de xullo a peregrinación ao santuario francés, na que participan máis de 600 persoas de Viveiro; Chantada – Escairón – Monforte – Poboa de Brollón; A Fonsagrada; Sarria; Monterroso; Rábade e Silleda – Lalín. Serán 12 autobuses 

A %d blogueros les gusta esto: